កូរ៉េខាងជើងកំពុងប្រើរុក្ខជាតិ២ប្រភេទ ដើម្បីព្យាបាលកូវីដ
កូរ៉េខាងជើង ៖ កូរ៉េខាងជើងកំពុងប្រឈមមុខនឹងការឆ្លងរីករាលដាលកូវីដ១៩ ក្នុងចំណោម
កូរ៉េខាងជើង ៖ កូរ៉េខាងជើងកំពុងប្រឈមមុខនឹងការឆ្លងរីករាលដាលកូវីដ១៩ ក្នុងចំណោមប្រជាជន ដែលមិនបានចាក់វ៉ាក់សាំងបង្ការ។ ដោយសារតែគ្មានការប្រើប្រាស់ថ្នាំប្រឆាំងមេរោគដ៏មានប្រសិទ្ធភាព។
ដោយសារគ្មានវ៉ាក់សាំងបង្ការ និងថ្នាំព្យាបាលកូវីដ។ ទើបប្រព័ន្ធផ្សព្វផ្សាយរដ្ឋបានផ្តល់អនុសាសន៍ដល់ប្រជាជនលើការព្យាបាលតាមបែបបុរាណ ដើម្បីដោះស្រាយបញ្ហាដែលត្រូវបានហៅថា «ជំងឺគ្រុនក្តៅ»។
សម្រាប់អ្នកជំងឺមិនមានរោគសញ្ញាធ្ងន់ធ្ងរ កាសែត Rodong Simnun របស់បក្សកាន់អំណាចបានណែនាំឱ្យទទួលទានតែខ្ញី និងទឹកគល់ស្លឹកគ្រៃ។ ដោយវាជួយបំបាត់ឈឺបំពង់ក ក្អក និងបន្ថែមជាតិទឹកពេលអ្នកជំងឺបាត់បង់ជាតិទឹកច្រើនជាងធម្មតា។
ជាមួយគ្នានោះ ទីភ្នាក់ងារសារព័ត៌មានរដ្ឋក៏បានរាយការណ៍ថា អំបិលរាប់ពាន់តោន ត្រូវបានដឹកជញ្ជូនទៅទីក្រុងព្យុងយ៉ាង ដើម្បីធ្វើជាថ្នាំសំលាប់មេរោគ។ ខណៈការសិក្សាខ្លះ ណែនាំឱ្យលាងសម្អាតច្រមុះដោយទឹកអំបិលប្រឆាំងនឹងមេរោគបង្កឱ្យកើតជំងឺផ្តាសាយ។ ប៉ុន្តែទោះយ៉ាងណា មានភស្តុតាងតិចតួចណាស់ដែលបញ្ជាក់ថា វិធីសាស្ត្រទាំងនេះ អាចទប់ស្កាត់ការរីករាលដាលកូវីដ១៩។
ទូរទស្សន៍រដ្ឋក៏បានណែនាំអ្នកជំងឺឱ្យប្រើថ្នាំបំបាត់ការឈឺចាប់ដូចជា Ibuprofen, Amoxicillin និងថ្នាំអង់ទីប៊ីយោទិចផ្សេងទៀតផងដែរ។
កូរ៉េខាងជើង បានបដិសេធរួចហើយ នូវការទទួលយកវ៉ាក់សាំងបង្ការកូវីដ១៩ ដែលជាជំនួយបរទេស។ ហើយពេលថ្មីៗនេះ កូរ៉េខាងត្បូងបានអះអាងថា ខ្លួនមិនទាន់ទទួលបានការឆ្លើយតបពីកូរ៉េខាងជើងនៅឡើយ ចំពោះការផ្តល់វ៉ាក់សាំង ការផ្គត់ផ្គង់ផ្នែកវេជ្ជសាស្ត្រ រួមនិងបុគ្គលិកពេទ្យរបស់ខ្លួន។
កូរ៉េខាងជើង តាមសេចក្តីរាយការណ៍ថ្មីៗនេះ បានបញ្ជូនយន្តហោះ៣គ្រឿង ដើម្បីទៅប្រមូលសម្ភារៈពេទ្យពីទីក្រុង Shenyang ប្រទេសចិន។ ខណៈក្រសួងការបរទេសចិនក៏បានបញ្ជាក់ថា ចិនត្រៀមខ្លួនរួចជាស្រេច ដើម្បីធ្វើការជាមួយកូរ៉េខាងជើង៕ (ប្រភពពី BBC)
ចែករំលែកព័តមាននេះ