កូរ៉េខាងជើងថា បានលទ្ធផលល្អក្នុងការប្រយុទ្ធនឹងកូវីដ ខណៈអ្នកមានរោគសញ្ញាកើនលើស២លាននាក់
កូរ៉េខាងជើង ៖ ប្រទេសកូរ៉េខាងជើងនៅថ្ងៃសុក្រ ទី២០ ឧសភា នេះបានអះអាងថា ខ្លួនសម្រេចបាន
កូរ៉េខាងជើង ៖ ប្រទេសកូរ៉េខាងជើងនៅថ្ងៃសុក្រ ទី២០ ឧសភា នេះបានអះអាងថា ខ្លួនសម្រេចបាន
កូរ៉េខាងជើង ៖ ប្រទេសកូរ៉េខាងជើងនៅថ្ងៃសុក្រ ទី២០ ឧសភា នេះបានអះអាងថា ខ្លួនសម្រេចបានលទ្ធផលល្អក្នុងការប្រយុទ្ធប្រឆាំងនឹងជំងឺកូវីដ ១៩ដែលផ្ទុះជាលើកដំបូងក្នុងប្រទេសនេះ ខណៈអ្នកមានរោគសញ្ញាគ្រុនក្តៅកើនឡើងលើស ២លាននាក់។
ប្រទេសនេះរកឃើញអ្នកមានរោគសញ្ញាគ្រុនក្តៅបន្ថែមចំនួន ២៦៣.៣៧០នាក់ និងអ្នកស្លា.ប់ ២នាក់ទៀត ធ្វើឲ្យតូលេខអ្នកស្លា.ប់សរុបកើនដល់ ៦៥នាក់ ខណៈអ្នកមានរោគសញ្ញាគ្រុនក្តៅកើនដល់ ២,២៤លាននាក់។ នេះបើយោងតាមប្រព័ន្ធផ្សព្វផ្សាយរដ្ឋកូរ៉េខាងជើង KCNA។
ទោះយ៉ាងណា KCNA មិនបានចុះផ្សាយថាតើមនុស្សប៉ុន្មាននាក់ធ្វើតេស្តមានវិជ្ជមានកូវីដ ១៩នោះទេ។
ទោះបីកំពុងមានការរាតត្បាតវីរុសខ្លាំងក្តី របបកុម្មុយនីស្តនេះបាននិយាយថាកសិកម្មនៅតែបន្ត រោងចក្រនៅតែបន្តធ្វើការ ហើយខ្លួនគ្រោងរៀបចំពិធីបុណ្យសពឲ្យអតីតឧត្តមសេនីយ៍ម្នាក់។
«ទោះស្ថិតក្រោមស្ថានភាពបង្ការការរីករាលដាលខ្លាំងជាអតីបរមាក៏ដោយ ផលិតកម្មនៅតែបន្តនៅវិស័យឧស្សាហ៍កម្មសំខាន់ៗ ហើយគម្រោងសាងសង់ធំៗកំពុងដំណើរការដោយគ្មានការផ្អាកឡើយ»។ នេះជាការចុះផ្សាយរបស់ KCNA។
សូមបញ្ជាក់ថា ករណីកើនឡើងនៃអ្នកមានរោគសញ្ញា និងការខ្វះធនធានវេជ្ជសាស្ត្រ និងវ៉ាក់សាំង ធ្វើឲ្យភ្នាក់ងារសិទ្ធិមនុស្សអង្គការសហប្រជាជាតិព្រមានពីការបំផ្លិចបំផ្លាញធ្ងន់ធ្ងរចំពោះកូរ៉េខាងជើងដែលមានប្រជាជនសរុបជាង ២៥លាននាក់ ខណៈដែលមន្ត្រីអង្គការសុខភាពពិភពលោកព្រួយបារម្ភថាការរីករាលដាលដែលមិនបានត្រួតពិនិត្យអាចបណ្តាលឲ្យមានការបំលែងវីរុសថ្មី។
ដោយសារមិនមានកម្មវិធីវ៉ាក់សាំង និងថ្នាំព្យាបាលកូវីដ ១៩ ប្រព័ន្ធផ្សព្វផ្សាយរដ្ឋបានជំរុញឲ្យអ្នកជំងឺប្រើប្រាស់ថ្នាំបំបាត់ការឈឺចាប់ (painkiller) និងថ្នាំអង់ទីប៊ីយោទិច ព្រមទាំងឱសថមួយចំនួនដែលរកបាននៅផ្ទះដូចជា ការខ្ពុលទឹកអំបិល និងផឹកតែជាដើម។
ប្រទេសកូរ៉េខាងត្បូង និងអាមេរិកបានស្ម័គ្រចិត្តជួយកូរ៉េខាងជើងប្រយុទ្ធប្រឆាំងនឹងការផ្ទុះកូវីដ ១៩ ប៉ុន្តែរហូតមកដល់ពេលនេះមិនទាន់ទទួលបានការឆ្លើយតបនោះទេ។ នេះបើយោងតាមការបញ្ជាក់របស់ទីប្រឹក្សាសន្តិសុខជាតិកូរ៉េខាងត្បូងនិយាយនៅថ្ងៃពុធកន្លងទៅនេះ។
ទោះយ៉ាងណា យន្តហោះចំនួន ៣គ្រឿងរបស់ក្រុមហ៊ុន Air Koryo របស់កូរ៉េខាងជើងបានធ្វើដំណើរទៅដល់ប្រទេសចិន និងបានត្រឡប់មកកាន់រដ្ឋធានីព្យុងយ៉ាងវិញនៅថ្ងៃច័ន្ទ ដោយមានដឹកនាំបរិក្ខារពេទ្យ។ នេះបើយោងតាមប្រភពការទូតបញ្ជាក់ដោយសុំមិនបញ្ចេញឈ្មោះ៕ (យោងតាមប្រភព៖ Reuters)
ចែករំលែកព័តមាននេះ