ទីបំផុត ចៅក្រមសម្រេចឃុំខ្លួនមេការសំណង់ម្នាក់ ដាក់ពន្ធនាគារជាបណ្តោះអាសន្ន
រាជធានីភ្នំពេញ ៖ ទីបំផុត លោក សាន ប៊ុនធឿន ចៅក្រមស៊ើបសួរសាលាដំបូងរាជធានីភ្នំពេញ រសៀលថ្ងៃទី១៩ ខែឧសភានេះ បានសម្រេចឃុំខ្លួនមេការសំណង់ម្នាក់…
រាជធានីភ្នំពេញ ៖ ទីបំផុត លោក សាន ប៊ុនធឿន ចៅក្រមស៊ើបសួរសាលាដំបូងរាជធានីភ្នំពេញ រសៀលថ្ងៃទី១៩ ខែឧសភានេះ បានសម្រេចឃុំខ្លួនមេការសំណង់ម្នាក់…
រាជធានីភ្នំពេញ ៖ ទីបំផុត លោក សាន ប៊ុនធឿន ចៅក្រមស៊ើបសួរសាលាដំបូងរាជធានីភ្នំពេញ រសៀលថ្ងៃទី១៩ ខែឧសភានេះ បានសម្រេចឃុំខ្លួនមេការសំណង់ម្នាក់ ដាក់ពន្ធនាគារជាបណ្តោះអាសន្ន ដោយមានការចោទប្រកាន់ចំនួន ០២បទល្មើស ក្នុងសំណុំរឿងផ្សេងទៀតផង ។
ជនជាប់ចោទ ត្រូវបានកម្លាំងសមត្តកិច្ចកងរាជអាវុធហត្ថរាជធានីភ្នំពេញ ចាប់បញ្ជូនទៅតុលាការពាក់ពន្ធ ពីបទ មិនបំពេញកាតព្វកិច្ច ចំពោះឧបករណ៍ ដែលអាចជួញដូរបាន ពោលគឺទិញសម្ភារគ្រឿងសំណង់ ហើយមិនសងលុយគេ ។
ជនសង្ស័យឈ្មោះ ម៉ង់ សាម៉ន ភេទប្រុស អាយុ៤៣ឆ្នាំ មុខរបរអ្នកម៉ៅការសំណង់ មានទីលំនៅផ្ទះលេខ១២០ ផ្លូវ២៨ សង្កាត់សំរោងក្រោម ខណ្ឌពោធិសែនជ័យ រាជធានីភ្នំពេញ ។
អង្គហេតុនៃការចាប់បញ្ជូនខ្លួន មេការសំណង់ម្នាក់នោះបញ្ជូនទៅតុលាការ សំណុំរឿងនេះ ត្រូវដើមគេប្តឹងថា កាលពីអំឡុងឆ្នាំ២០១៨ ឈ្មោះ ម៉ង់ សាម៉ន ជាអ្នកម៉ៅការសំណង់ បានទៅទាក់ទងទិញគ្រឿងសំណង់របស់ដើមបណ្តឹងជាបន្តបន្ទាប់ សរុបទឹកប្រាក់ចំនួន ៦,៧០០ដុល្លារអាមេរិក ដែលការទិញគ្រឿងសំណង់នោះ មេការមិនទាន់បានទូទាត់ប្រាក់ឲ្យម្ចាស់បំណុលភ្លាមៗទេ ចេះតែសុំពន្យាពេលម្តង ហើយម្តងទៀត ។ រហូតដល់អំឡុងខែកញ្ញា ឆ្នាំ២០២១ ដើមបណ្តឹងបានណាត់ជួបមេការ (ម៉ង់ សាម៉ន) ដើម្បីសួរនាំលុយជំពាក់ថ្លៃគ្រឿងសំណង់នោះ ពេលជួបគ្នាមេការសំណង់ បានចេញមូលប្បទានបត្រ(សែក)មួយសន្លឹក ដែលមានទឹកប្រាក់ ៧ ,៦០០ដុល្លារអាមេរិក ឲ្យទៅដើមបណ្តឹង សម្រាប់យកទៅបើកនៅធនាគារ ABA ថ្ងៃទី២៥ ខែកញ្ញា ឆ្នាំ២០២១ ។ លុះដល់ថ្ងៃកំណត់ដើមបណ្តឹងបានយកមូលប្បទានបត្រនោះ ទៅបើកប្រាក់ពីធនាគារ ស្រាប់តែខាងធនាគារបញ្ជាក់មកវិញថា សែកនេះគ្មានសាច់ប្រាក់ទេ គឺជាសែកស្អុយ ហើយចាប់ពីពេលនោះមក មេការសំណង់ឈ្មោះ ម៉ង់ សាម៉ន ក៏បានគេចវេស ពីម្ចាស់បំណុលមិនព្រមរកការដោះស្រាយ ទើបបានដើមបណ្តឹងប្តឹងសមត្ថកិច្ចឲ្យជួយចាត់ការតាមផ្លូវច្បាប់ ៕
ចែករំលែកព័តមាននេះ