ស៊ីហ្គេម ៖ កីឡាករហ្វីលីពីន Yulo ឈ្នះមេដាយមាស៥គ្រឿង ក្នុងចំណោម៧គ្រឿង
វៀតណាម ៖ កីឡាករ Carlos Yulo អត្តពលិកកីឡាកាយសម្ព័ន្ធរបស់ហ្វីលីពីន បានបញ្ចប់យុទ្ធនាការ
វៀតណាម ៖ កីឡាករ Carlos Yulo អត្តពលិកកីឡាកាយសម្ព័ន្ធរបស់ហ្វីលីពីន បានបញ្ចប់យុទ្ធនាការយ៉ាងអស្ចារ្យបំផុតរបស់ខ្លួនក្នុងព្រឹត្តិការណ៍ស៊ីហ្គេមលើកទី៣១ នៅប្រទេសវៀតណាម។ បន្ទាប់ពីឈ្នះមេដាយសរុបរហូតដល់ ៧គ្រឿងតែម្នាក់ឯង។
អ្នកហាត់កាយសម្ព័ន្ធវ័យ ២២ឆ្នាំរូបនេះ បំពេញតួនាទីបានយ៉ាងល្អបំផុត។ ដោយក្នុងចំណោមមេដាយទាំង ៧គ្រឿងនោះរួមមាន មាស ៥គ្រឿង និងប្រាក់ ២គ្រឿង នៅក្នុងចំណោមការប្រកួតលើ៨ប្រភេទវិញ្ញាសា ដែលរូបគេបានចូលរួមប្រកួតក្នុងព្រឹត្តិការណ៍ស៊ីហ្គេមលើកទី៣១។
ជាមួយគ្នានោះ មេដាយមាសទី៥របស់ Yulo ឈ្នះបានពីវិញ្ញាសាការសម្តែងរបារផ្ដេក (Men’s Horizontal Bar) ដែលបញ្ចប់ទៅជាមួយនឹងពិន្ទុ ១៣,៨៦៧។ ស្មើពិន្ទុគ្នាជាមួយកីឡាករ Dinh Phuong Thanh របស់ម្ចាស់ផ្ទះវៀតណាម ដោយទទួលបានមេដាយមាសស្ទួន។
ឥឡូវនេះ Yulo ត្រូវបានធានាថា នឹងទទួលបានប្រាក់លើកទឹកចិត្តច្រើនជាង ១,៦លានប៉េសូ (ច្រើនជាង ៣ម៉ឺនដុល្លារ) ពីរដ្ឋាភិបាលហ្វីលីពីន។ ខណៈក្រោមច្បាប់សាធារណរដ្ឋលេខ ១០៦៩៩ បានចែងថា ការឈ្នះមេដាយមាស១គ្រឿងពីព្រឹត្តិការណ៍ស៊ីហ្គេមនឹងទទួលប្រាក់លើកទឹកចិត្តចំនួន ៣០ម៉ឺនប៉េសូ (៥,៧០០ដុល្លារ)។ ខណៈមេដាយប្រាក់ទទួលបាន ១៥ម៉ឺនប៉េសូ (២,៨០០ដុល្លារ) និងសំរឹទ្ធទទួលបាន ៦ម៉ឺនប៉េសូ (១,២០០ដុល្លារ)៕ (ប្រភពពី CNN)
តារាងមេដាយព្រឹត្តិការណ៍ស៊ីហ្គេមលើកទី៣១ គិតត្រឹមព្រឹកថ្ងៃទី១៨ ខែឧសភា ឆ្នាំ២០២២៖
ចែករំលែកព័តមាននេះ