រាជធានីភ្នំពេញ ៖ បុរសម្នាក់រងរបួសស្រាលទេតែធ្វើពុតជាសន្លប់ លុះពេលក្រុមសង្គ្រោះសែងដាក់រថយន្ត ទំនងខ្លាចអស់ប្រាក់ បានចុះពីលើប្រង់កាវិញ ក្រោយពីជិះម៉ូតូទាំងស្រវឹងស្រារេចង្កូតទៅបុកម៉ូតូមួយគ្រឿងទៀត រងរបួសបាក់ជើងម្ខាង ខណៈពេល
រាជធានីភ្នំពេញ ៖ បុរសម្នាក់រងរបួសស្រាលទេតែធ្វើពុតជាសន្លប់ លុះពេលក្រុមសង្គ្រោះសែងដាក់រថយន្ត ទំនងខ្លាចអស់ប្រាក់ បានចុះពីលើប្រង់កាវិញ ក្រោយពីជិះម៉ូតូទាំងស្រវឹងស្រារេចង្កូតទៅបុកម៉ូតូមួយគ្រឿងទៀត រងរបួសបាក់ជើងម្ខាង ខណៈពេលមេឃកំពុងតែភ្លៀងធ្លាក់ កាលពីវេលាម៉ោង០៩ និង៤០នាទីយប់ថ្ងៃទី២៧ តុលា ស្ថិតតាមបណ្តោយផ្លូវបេតុង ក្នុងភូមិត្រពាំងជ្រៃ សង្កាត់កាកាប ខណ្ឌពោធិ៍សែនជ័យ ។
ម៉ូតូបង្កម៉ាកហុងដាឌ្រីម ស៊េរី២០១៥ ពណ៌ខ្មៅ ពាក់ស្លាកលេខ ភ្នំពេញ 1FK 3342 បើកបរដោយបុរសម្នាក់ក្នុងស្ថានភាពស្រវឹង ទិសដៅពីលិចទៅកើតយ៉ាងល្បឿនលឿន ។ ចំណែកម៉ូតូរងគ្រោះម៉ាកស្មាសរ៉េវ៉ូ ពណ៌ខៀវ ពាក់ស្លាកលេខ កំពង់ចាម 1B9102 បើកបរទិសដៅពីកើតទៅលិច។
ប្រភពពីក្មេងប្រុសជំទង់ម្នាក់បាននិយាយថា មុនពេលកើតហេតុ គេឃើញម៉ូតូរងគ្រោះជាអ្នករត់ឌុបបានបើកក្នុងទិសដៅពីកើតទៅលិច លុះមកដល់ចំណុចកើតហេតុ ស្រាប់តែឃើញម៉ូតូបង្កបើកក្នុងស្ថានភាពស្រវឹងទិសដៅបញ្ច្រាសទិសគ្នា ហើយរេចង្កូតទៅផ្នែកខាងឆ្វេងម៉ូតូរងគ្រោះ ធ្វើឱ្យជនរងគ្រោះខំប្រឹងបើកគេចទៅផ្នែកខាងឆ្វេងដៃ បណ្តាលឱ្យម៉ូតូបង្កបុកចំពាក់កណ្តាលម៉ូតូរងគ្រោះពេញទំហឹង ជនរងគ្រោះបាក់ជើងខាងស្តាំ ចំណែកអ្នកបើកម៉ូតូបង្ករងរបួសស្រាលតែធ្វើពុតជាសន្លប់។
ក្រោយពេលកើតហេតុ ជនរងគ្រោះរបួសធ្ងន់ត្រូវបានរថយន្តសង្គ្រោះដឹកយកទៅព្យាបាលនៅគ្លីនិកឯកជន រីឯភាគីម៉ូតូបង្កដែលធ្វើពុតសន្លប់ស្តូកស្តឹង ត្រូវខាងរថយន្តសង្គ្រោះរៀបចំលើកដឹកយកទៅព្យាបាលដែរ តែត្រូវបុរសរូបនោះខ្លាចអស់ប្រាក់បានចុះពីលើប្រង់កាវិញ ។ ចំណែកម៉ូតូទាំង២គ្រឿង ត្រូវបានសមត្ថកិច្ចវាស់វែងយកទៅដោះស្រាយនៅអធិការដ្ឋាន ខណ្ឌពោធិ៍សែនជ័យ ។
ចែករំលែកព័តមាននេះ