ប្រធានាធិបតីកូរ៉េខាងត្បូងថ្មីប្រកាសធ្វើអ្វីគ្រប់យ៉ាងដើម្បីជួយកូរ៉េខាងជើងទប់ទល់កូវីដ
កូរ៉េខាងត្បូង ៖ ប្រធានាធិបតីកូរ៉េខាងត្បូង លោក Yoon Suk-yeol បាននិយាយនៅថ្ងៃច័ន្ទ ទី១៦
កូរ៉េខាងត្បូង ៖ ប្រធានាធិបតីកូរ៉េខាងត្បូង លោក Yoon Suk-yeol បាននិយាយនៅថ្ងៃច័ន្ទ ទី១៦
កូរ៉េខាងត្បូង ៖ ប្រធានាធិបតីកូរ៉េខាងត្បូង លោក Yoon Suk-yeol បាននិយាយនៅថ្ងៃច័ន្ទ ទី១៦ ឧសភា នេះថា ប្រទេសកូរ៉េខាងត្បូងនឹងធ្វើអ្វីៗគ្រប់យ៉ាងដើម្បីជួយកូរ៉េខាងជើង ខណៈកូរ៉េខាងជើងកំពុងតស៊ូប្រយុទ្ធប្រឆាំងនឹងការរាតត្បាតកូវីដ ១៩ ហើយលោកបានអះអាងជាថ្មីថានៅតែបើកចំហរសម្រាប់ជំនួយមនុស្សធម៌។
«ប្រសិនកូរ៉េខាងជើងឆ្លើយតប យើងនឹងបញ្ជូនថ្នាំ រួមមានវ៉ាក់សាំងកូវីដ ១៩ បរិក្ខាពេទ្យ និងបុគ្គលិកសុខាភិបាលទៅ»។ នេះជាការថ្លែងរបស់ប្រធានាធិបតីថ្មីរបស់កូរ៉េខាងត្បូងនៅក្នុងសុន្ទរកថាក្នុងកិច្ចប្រជុំពេញអង្គរដ្ឋសភា។
មេដឹកនាំកូរ៉េខាងជើង គីម ជុងអ៊ុន (Kim Jong-un) បានបញ្ជាឲ្យយោធាធ្វើការចែកចាយថ្នាំព្យាបាលកូវីដ ១៩នៅក្នុងរដ្ឋធានព្យុងយ៉ាង។
កាលពីសប្តាហ៍មុន កូរ៉េខាងជើងបានធ្វើការទទួលស្គាល់លើកដំបូងថាមានការផ្ទុះកូវីដ ១៩នៅក្នុងប្រទេស ដោយអ្នកជំនាញព្រមានថាវានឹងអាចបំផ្លិចបំផ្លាញប្រទេសដ៏ឯកោមួយនៃ ដោយសារតែប្រព័ន្ធសុខាភិបាលក្នុងប្រទេសនៅមានកម្រិត និងមិនមានកម្មវិធីវ៉ាក់សាំង។
ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានចុះផ្សាយថា លោក Kim Jong-un បានថ្លែងប្រាប់កិច្ចប្រជុំការិយាល័យនយោបាយបន្ទាន់ថា ថ្នាំពេទ្យដែលរដ្ឋបានផ្តល់ឲ្យមិនបានទៅដល់ដៃប្រជាជនក្នុងមធ្យោបាយត្រឹមត្រូវ និងទណ្ឌពេលវេលានោះទេ។
លោកបានបញ្ជាឲ្យមានការដាក់ពង្រាយជាបន្ទាន់នូវកងកម្លាំងនៃក្រុមពេទ្យយោធាដើម្បីធ្វើការចែកចាយថ្នាំនៅក្នុងទីក្រុងព្យុងយ៉ាង។
លោកថ្លែងទៀតថា ទោះបីអាជ្ញាធរបញ្ជាឲ្យមានការចែកចាយថ្នាំបម្រុងជាតិ ឱសថស្ថានមិនមានឧបករណ៍គ្រប់គ្រាន់ដើម្បីបំពេញមុខងាររបស់ពួកគេដោយរលូននោះទេ។
លោកបានរិះគន់ពីអាកប្បកិរិយា ការរៀបចំ និងប្រតិបត្តិការមិនទទួលខុសត្រូវដោយគណៈរដ្ឋមន្ត្រី និងវិស័យសុខាភិបាល៕ (យោងតាមប្រភព៖ Aljazeera)
ចែករំលែកព័តមាននេះ