រដ្ឋមន្ត្រីការបរទេសជប៉ុនលោក Yoshimasa Hayashi បាននិយាយថា ជប៉ុននឹងផ្តល់ជំនួយជាទឹកប្រាក់១០០លានដុល្លារដល់ប្រទេសកំពុងអភិវឌ្ឍន៍ក្នុងតំបន់ឥណ្ឌូប៉ាស៊ីភិច ដើម្បីជួយ
ជប៉ុន ៖ រដ្ឋមន្ត្រីការបរទេសជប៉ុនលោក Yoshimasa Hayashi បាននិយាយថា ជប៉ុននឹងផ្តល់ជំនួយជាទឹកប្រាក់១០០លានដុល្លារដល់ប្រទេសកំពុងអភិវឌ្ឍន៍ក្នុងតំបន់ឥណ្ឌូប៉ាស៊ីភិច ដើម្បីជួយពួកគេប្រយុទ្ធប្រឆាំងនឹងជំងឺកូវីដ ១៩។
លោកបានថ្លែងបែបនេះប្រាប់អ្នកសារព័ត៌មាននៅថ្ងៃសុក្រ ម្សិលមិញ នៅក្រៅកិច្ចប្រជុំរដ្ឋមន្ត្រីការបរទេសនៃប្រទេស G7 ដែលធ្វើឡើងនៅក្នុងប្រទេសអាឡឺម៉ង ដែលកិច្ចប្រជុំនោះផ្តោតសំខាន់លើការឈ្លានពានរបស់រុស្ស៊ីលើអ៊ុយក្រែន។
លោកបានថ្លែងដូច្នេះថា «ខ្ញុំនឹងបង្ហាញគម្រោង ដើម្បីផ្តល់ជំនួយជាទឹកប្រាក់ ១០០លានដុល្លារទៅកាន់តំបន់ឥណ្ឌូប៉ាស៊ីភិច ដោយផ្តោតទៅលើការគ្រប់គ្រងទិន្នន័យវ៉ាក់សាំង ការគ្រប់គ្រងព្រំដែន និងការចោលកាកសំណល់ឆ្លងរោគ»។
លោកថ្លែងទៀតថា នៅក្នុងកិច្ចប្រជុំ រដ្ឋមន្ត្រីការបរទេសនៃប្រទេស G7 បានអះអាងជាថ្មីនូវការតាំងចិត្តក្នុងការបង្កើនសម្ពាធលើរុស្ស៊ីតាមរយៈវិធានការនានា រួមមានការដាក់ទណ្ឌកម្មបន្ថែមដើម្បីឲ្យរុស្ស៊ីបញ្ឍប់ការឈ្លានពាន និងដកទ័ពចេញពីអ៊ុយក្រែនជាបន្ទាន់៕ (យោងតាមប្រភព៖ Reuters)
ចែករំលែកព័តមាននេះ