ADផ្ទាំងផ្សព្វផ្សាយពាណិជ្ជកម្ម

Picture

ព្រោះ​រឿង​មួយ លើក​ទី​១​ដុត​ផ្ទះ​កូន តែ​កូន​ខន្តី​មិន​បន្ទោស លុះ​លើក​ទី​២ ដុត​ផ្ទះ​អ្នក​ដទៃ​ទៀត

2 ថ្ងៃ មុន
  • រតនគិរី

បុរស​ម្នា​ក់ញៀ​.​ន​ស្រា​ជា​ប្រចាំ ដោយសារ​តែ​ខឹង​ជាមួយនឹង​ប្រពន្ធ​កូន​មិនសូវ​យកចិត្តទុកដាក់​ជាមួយ​ខ្លួន ហើយ​ទុក​ឱ្យ​នៅ​ម្នាក់ឯង ក៏​បែកគំនិត​យក​ដប​សាំង​ដើរ​ដុត​បំផ្លាញ​ផ្ទះ​ចាំចំការ​របស់​កូនបង្កើត និង​អ្នក​ជិតខាង បង្ក​ឱ្យ​មានការ​ភ្ញាក់ផ្អើល​ដល់​អ្នក​ភូមិ​ក្បែរ​នោះ ហើយ​ក៏​ត្រូវ​

ខេត្តរតនគិរី ៖ បុរស​ម្នា​ក់ញៀ​.​ន​ស្រា​ជា​ប្រចាំ ដោយសារ​តែ​ខឹង​ជាមួយនឹង​ប្រពន្ធ​កូន​មិនសូវ​យកចិត្តទុកដាក់​ជាមួយ​ខ្លួន ហើយ​ទុក​ឱ្យ​នៅ​ម្នាក់ឯង ក៏​បែកគំនិត​យក​ដប​សាំង​ដើរ​ដុត​បំផ្លាញ​ផ្ទះ​ចាំចំការ​របស់​កូនបង្កើត និង​អ្នក​ជិតខាង បង្ក​ឱ្យ​មានការ​ភ្ញាក់ផ្អើល​ដល់​អ្នក​ភូមិ​ក្បែរ​នោះ ហើយ​ក៏​ត្រូវ​បាន​សម​ត្ថិ​ច្ច​ធ្វើការ​ឃាត់ខ្លួន បញ្ជូន​ទៅ​សាលាដំបូង​ចាត់ការ​បន្ត​។

Picture

ការ​ឃាត់ខ្លួន​ជន​ដើរ​ដុត​ផ្ទះ​កូន និង​អ្នក​ដទៃ​ខាងលើ​នោះ សមត្ថកិច្ច​បាន​ធ្វើ​ឡើង​នៅ​វេលា​ម៉ោង​២​រសៀល ថ្ងៃ​ទី​១២ ខែឧសភា ឆ្នាំ​២០២២ នៅ​ចំណុច​ផ្ទះ​ចំការ ស្ថិត​ក្នុងភូមិ​សា​យ៉ស់ ឃុំ​កា​ឡែ​ង ស្រុក​លំ​ផាត់ ខេត្តរតនគិរី​។ ហើយ​ការ​ឃាត់ខ្លួន​ជន​បង្ក​គ្រោះ​អគ្គី​ភ័យ​នោះ ដោយសារ​គេ​តែងតែ​ធ្វើ​សកម្មភាព​នៅ​ពេល​ស្រវឹងស្រា​ខ្លាំង រួច​បែកគំនិត​យក​ដប​សាំង​ចាក់​ដុត​ផ្ទះ​ចំការ​របស់​កូន ហើយ​នៅ​វេលា​ម៉ោង​ប្រមាណ​២០​និង​៣០​នាទី​យប់​នា​ថ្ងៃ​ទី​១១ ខែឧសភា ឆ្នាំ​២០២២​នេះ ក៏​បាន​ដុត​ផ្ទះ​របស់​អ្នក​ជិតខាង បណ្តាល​ឱ្យ​ឆាបឆេះ​អស់ទាំង​ស្រុង​ទៀត ស្ថិត​ក្នុង​ឃុំ​ខា​លើ​។

ប្រភព​ពី​មន្ត្រី​អធិការដ្ឋាន​នគរបាល​ស្រុក​លំ​ផាត់ បានឱ្យ​ដឹង​ថា ពេល​ចុះ​ទៅ​ធ្វើការ​ឃាត់ខ្លួន​បុរស​រូប​នោះ ក៏​មានការ​សម្របសម្រួល​នីតិវិធី​ពី​លោក កែវ ភក្តី ព្រះរាជអាជ្ញា​រង​អម​សាលាដំបូង ខេត្តរតនគិរី​ផង​ដែរ​។

Picture

ប្រភព​ដដែល​បន្ត​ថា ជនសង្ស័យ​ដែល​ឃាត់ខ្លួន​នោះ មានឈ្មោះ សុ​ន ថេ​ន ភេទ​ប្រុស អាយុ ៤៨​ឆ្នាំ ជនជាតិ​ខ្មែរ មុខរបរ​កសិករ មាន​ទីលំនៅ​ភូមិ​-​ឃុំ​កើតហេតុ​ខាងលើ ហើយ​ជា​ជន​ញៀ​.​ន​ស្រា​.​ស ស្រាថ្នាំ​ជា​ប្រចាំ ដែល​គេ​មិនសូវរ​វីរ​វល់​កិច្ច​ការងារ​រកស៊ី​អ្វី​ទេ ពោល​គឺ​ព្រលឹម​ចេញ​ដើរ​ផឹក​ព្រលប់​ចូល​ផ្ទះ​។ ចំណែក​ជន​រង​គ្រោះជា​ម្ចាស់ផ្ទះ ដែល​ត្រូវ​ជន​រូប​នេះ​ដុត​កម្ទេច​ចោល​នោះ មានឈ្មោះ នួន សុខ​លី ភេទ​ប្រុស អាយុ​៤២​ឆ្នាំ ជនជាតិ​ខ្មែរ ខូចខាត​ផ្ទះ និង​ទ្រព្យសម្បត្តិ​អស់ទាំង​ស្រុង​។

Picture

ហើយ​នៅ​ចំពោះ​មុខ​សមត្ថកិច្ច ជនសង្ស័យ​បាន​សារភាព​ថា ដោយសារ​តែងតែ​ខ្លួន​ធ្លាក់​ក្នុង​សភាព​បែប​នេះ ទាំង​ប្រពន្ធ​និង​កូន គេ​លែងរ​វីរ​វល់​នាំ​គ្នា​ចេញ​ទៅ​ធ្វើការ​បាត់​ៗ​ព្រលឹម​បាត់​ព្រលប់​ចូល (​ដើម្បី​ជីវភាព​ទៅ​ធ្វើការ​ស៊ីឈ្នួល​នៅ​ក្រុមហ៊ុន​ចំការ​ចេក ដូនពេញ អា​ហ្គ្រី​កូ ហ័​ង​អញ់​យ៉ា​ឡាយ​) ដោយ​ទុក​ខ្លួន​ឱ្យ​នៅ​តែ​ម្នាក់ឯង ចាំផ្ទះ​ចំការ ទើប​ខឹង​ក្រោធ​គិត​ផ្តេសផ្តាស់​តែ​ម្តង ។

Picture

ជនសង្ស័យ​សារភាព​បន្ត​ថា ក្នុង​កំឡុង​កាលពី​វេលា​ម៉ោង​២០​និង​៣០​នាទី​យប់ នា​ថ្ងៃ​ទី​០១ ខែឧសភា ឆ្នាំ​២០២២ ខ្លួន​ក៏​ធ្លាប់​បាន​យក​សាំង​កន្លះ​លី​ត្រ និង​ពោះវៀន​ម៉ូតូ​ចាស់​ៗ​ទៅ​ចាក់​ដុត​ផ្ទះ​របស់​ឈ្មោះ ថេ​ន រាជ ភេទ​ប្រុស អាយុ​២៣​ឆ្នាំ ជនជាតិ​ខ្មែរ ត្រូវជា​កូនបង្កើត​ខ្លួន​ឆេះ​ខ្ទេច​អស់ទាំង​ស្រុង​គ្មាន​សល់​ម្តង​ដែរ​។ ហើយ​ក្នុង​នោះ​ក៏​មានការ​បាត់បង់​សម្ភារៈ និង​ខូចខាត​រួម​មាន ៖ ១-​ផ្ទះ​១​ខ្នង​ទំហំ​ទទឹង​៥​ម៉ែត្រ បណ្តោយ​៦​ម៉ែត្រ ធ្វើ​អំពី​ឈើ​ប្រក់ស​ង្ក័​សី​, ២- ម៉ាស៊ីន​កាត់​ស្មៅ​២​គ្រឿង​។ ៣- ម៉ាស៊ីន​បាញ់ថ្នាំ​១​គ្រឿង​, ៤- ម៉ូ​ទ័​រ​បាញ់ថ្នាំ​១​គ្រឿង​, ៥- ផ្ទាំង​សូ​ឡា​១​ផ្ទាំង​, ៦- ចានឆ្នាំង និង​៧- សម្លៀក​បំពាក់​ប្រមាណ​ជាង​៣០​កំ​ប្លេ​រ​ផង​ដែរ​។

Picture

ប្រភព​ដដែល​បន្ត​ទៀត​ថា ដោយសារ​តែ​មាន​ជាប់​ឈា​.​ម​ជ័រ​ជា​ឪពុក​បង្កើត ក៏​មិន​មានការ​ប្តឹងផ្តល់​អ្វី​ទេ សុខចិត្ត​ខន្តី​អភ័យទោស​ជូន​គាត់​ឱ្យ​រួចខ្លួន​រហូត​មក​។

តែ​ទោះជា​យ៉ា​ណា រ​ហូ​មក​ដល់​ថ្ងៃ​ទី​១១ ខែឧសភា ឆ្នាំ​២០២២​នេះ បុរស​ស្រវឹង​ខួប​ម្នាក់​នេះ ពុំ​បាន​រាងចាល​នោះ​ទេ គឺ​នៅ​តែ​ប្រព្រឹត្ត​ទ​ង្វើ​ដដែល ដោយ​រួម​ផ្សំ​មាន​ជំងឺ​ផ្នែក​ស្មារតី​ទាក់ទង​នឹង​សរសៃ​ប្រាសាទ (​ខួរក្បាល​របស់​គាត់​មាន​បញ្ហា​) ផង​នោះ ក៏​យក​សាំង​មក​ដុត​ផ្ទះ​ចំការ​អ្នក​ដទៃ​បន្ត​ទៀត ទើប​កម្លាំង​អធិការ​ចុះ​ឃាត់ខ្លួន​ភ្លាម​ៗ​តាម​ពាក្យបន្តឹង​របស់​ជន​រង​គ្រោះ​តែ​ម្តង​។

បច្ចុប្បន្ន ជនសង្ស័យ​កំពុង​ស្ថិត​ក្នុង​ការ​ឃុំខ្លួន​បណ្តោះអាសន្ន និង​កសាង​សំណុំ​បែបបទ​បញ្ជូន​ខ្លួន​នៅ​ថ្ងៃ​ទី​១៤ ខែឧសភា ឆ្នាំ​២០២២​នេះ ទៅ​អយ្យការ​អម​សាលាតំបូង​ខេត្តរតនគិរី ដើម្បី​ចាត់ការ​បន្ត​តាម​នីតិ​ច្បាប់​៕