ក្រុមហ៊ុនផ្តល់សេវាកម្មអនឡាញ ធំៗជាច្រើនដូចជា ក្រុមហ៊ុនTwitter ក្រុមហ៊ុនSpotify ក្រុមហ៊ុនReddit ក្រុមហ៊ុនSoundCloud ក្រុមហ៊ុនPayPal និងក្រុមហ៊ុនមួយចំនួនទៀត ត្រូវរងការវាយប្រហារពីតាមអីុនធើរណេត
ក្រុមហ៊ុនផ្តល់សេវាកម្មអនឡាញ ធំៗជាច្រើនដូចជា ក្រុមហ៊ុនTwitter ក្រុមហ៊ុនSpotify ក្រុមហ៊ុនReddit ក្រុមហ៊ុនSoundCloud ក្រុមហ៊ុនPayPal និងក្រុមហ៊ុនមួយចំនួនទៀត ត្រូវរងការវាយប្រហារពីតាមអីុនធើរណេតពីគេហទំព័របី ។ ក្រុមហ៊ុនទាំងអស់នោះជាអតិថិជនរបស់ក្រុមហ៊ុនDyn ដែលជាក្រុមហ៊ុនមួយជួយបង្កើនអតិថិជនតាមអនឡាញ ។
ការវាយប្រហារប្រកបដោយភាពជោជ័យរបស់ក្រុមHackerកាលពីថ្ងៃសុក្រសប្ដាហ៍មុនបានធ្វើឲ្យក្រុមហ៊ុន ក្លាយជាជនរងគ្រោះ ដោយធ្វើឲ្យគេហទំព័ររបស់ខ្លួនដំណើរការយឺត និងពិបាកក្នុងការចូលប្រើប្រាស់ ។
មកដល់ពេលនេះគ្មានអ្នកណាម្នាក់ដឹងច្បាស់ថា អ្នកណានៅពីក្រោយនៃការវាយប្រហារ ឬហេតុអ្វីបានមានការវាយប្រហារមកលើក្រុមហ៊ុនDyn នោះទេ ។ ចំណែកក្រសួងសន្តិសុខមាតុភូមិ និងFBI អាមេរិកបាននិយាយថា ពួកគេកំពុងស៊ើបអង្កេត ។
ការវាយប្រហារនោះបានធ្វើឲ្យក្រុមហ៊ុនReddit ក្រុមហ៊ុន Twitter ក្រុមហ៊ុន Etsy ក្រុមហ៊ុនGithub ក្រុមហ៊ុនSoundCloud ក្រុមហ៊ុនSpotify និងបណ្តាក្រុមហ៊ុនដទៃទៀតត្រូវបានគេរាយការណ៍មកថា ដើរយឺត ពិបាកក្នុងការចូលប្រើប្រាស់ប្រហែល២ម៉ោង ។
ក្រៅពីនេះមានគេហទំព័រ ផ្សេងៗទៀតដូចជា គេហទំព័ររបស់ក្រុមហ៊ុនNew York Times ក្រុមហ៊ុនPaypal ក្រុមហ៊ុនPinterest និងក្រុមហ៊ុនTumblr ក៏ដូចជាក្រុមហ៊ុនខ្សែកាបត្រូវបានគេរាយការណ៍មកថា ក៏ត្រូវរងការរំខានដែរ ។
ក្រុមហ៊ុនDyn ក៏បានចេញសេចក្តីប្រកាសព័ត៌មានលើគេហទំព័ររបស់ខ្លួនពីព័ត៌មាននៃការរងគ្រោះ និងលើកឡើងថាខ្លួនជាគោលដៅនៃការវាយប្រហារតាមអីុធើរណេតដែរ។
ក្រុមអ្នកវាយប្រហារមានបំណងផ្តាច់servers របស់ក្រុមហ៊ុនដោយការទម្លាក់គ្រាប់បែក ទិន្នន័យឯកសារ ដ៏ច្រើនលើសលប់ចូលservers ។
ការវាយប្រហារដំបូងបានចាប់ផ្តើមតាំងពីពេលព្រឹកព្រលឹមថ្ងៃសុក្រ នៅសហរដ្ឋអាមេរិកហើយចំនួនអ្នករងគ្រោះច្រើនបំផុតស្ថិតនៅភាគខាងកើតប្រទេស ។ ការវាយប្រហារដំបូងវាគ្រាន់តែធ្វើឲ្យគេហទំព័រមួយចំនួនលំបាកក្នុងការចូលទទួលសេវាកម្ម ឬត្រូវប្រើពេលវេលាយូរក្នុងដំណើរការសេវាកម្ម លើប្រព័ន្ធអីុនធើរណេត ។
ចំណែកក្រុមហ៊ុនPaypal ដែលជាជនរងគ្រោះនៃការវាយប្រហារនិយាយថា ការវាយ ប្រហារតាមអនឡាញនោះបានធ្វើឲ្យអតិថិជនរបស់ខ្លួនមួយចំនួនមិនអាចបង់ប្រាក់ទៅរួចក្នុងតំបន់មួយចំនួន ។ ក្រុមហ៊ុននេះមិនត្រូវបានក្រុមHacker វាយប្រហារដោយផ្ទាល់នោះទេ ហើយក៏គ្មានការវាយប្រហារដល់សេវាកម្មរបស់ខ្លួន ក៏ដូចជារាំងស្ទះដល់ដំណើរការក្រុមហ៊ុនអ្វីនោះដែរ ។
ចំណែកក្រុមហ៊ុនTwitter បានបង្ហោះសារ និងចែកចាយទូទាំងពិភពលោកថា ព្រឹត្តិការណ៍ ពិភពលោកត្រូវបានរងការប៉ះពាល់Dyn ដែលធ្វើឲ្យគេហទំព័រមានការលំបាកក្នុងការចូលប្រើប្រាស់ ។ ថ្ងៃដដែលក៏មានការវាយប្រហារជាលើកទីពីរ ក្រុមហ៊ុនDyn និយាយថា ពួកHacker ប្រើប្រាស់យុទ្ធសាស្ត្រដូច លើកទីមួយក្នុងការវាយប្រហារ ពេលនោះមានបញ្ជីឈ្មោះអតិថិជនរបស់Dyn ជាច្រើនកាន់តែលំបាកក្នុង ការចូលគេហទំព័ររបស់គេព្រោះកំពុងត្រូវរងការវាយប្រហារ ។
បន្តិចក្រោយមកពីមានព័ត៌មាននៃការវាយប្រហារជាលើកទីពីរ ក្រសួងសន្តិសុខមាតុភូមិអាមេរិក និយាយថា ពួកគេកំពុងសម្លឹងរកមើលមូលហេតុដែលអាចធ្វើទៅបានទាំងអស់នៃការវាយ ប្រហារមកលើ Dyn ។
ការវាយប្រហារលើកនេះសបញ្ជាក់ថា យុទ្ធសាស្ត្រនៃការវាយប្រហារលើអីុនធើរណេតមានការប្រែប្រួល ដែលតាមធម្មតាគេវាយប្រហារតែលើគេហទំព័រណាមួយប៉ុណ្ណោះ ។ Dyn មានតួរនាទីជាបញ្ជីរសេវាកម្មសម្រាប់ក្រុមហ៊ុន ធំៗជាច្រើន ដែលជួយរក្សារសៀវភៅ អាសយដ្ឋានអតិថិជនលើពិភពលោក កាលបរិច្ឆេទជាមួយនឹងទីកន្លែងdomainsរបស់ពួកគេ ៕
ចែករំលែកព័តមាននេះ