កីឡាករឃីកបុកស៊ីងកម្ពុជា3រូបឡើងទៅវគ្គផ្ដាច់ព្រ័ត្រដណ្ដើមមេដាយមាសស៊ីហ្គេមនៅវៀតណាម
- ភ្នំពេញ
រាជធានីភ្នំពេញ ៖ ពិតជាមោទនភាពខ្លាំងណាស់ដែលកីឡាករឃីកបុកស៊ីងកម្ពុជា៣រូបមានឱកាសឡើងទៅដល់វគ្គ
រាជធានីភ្នំពេញ ៖ ពិតជាមោទនភាពខ្លាំងណាស់ដែលកីឡាករឃីកបុកស៊ីងកម្ពុជា៣រូបមានឱកាសឡើងទៅដល់វគ្គ
រាជធានីភ្នំពេញ ៖ ពិតជាមោទនភាពខ្លាំងណាស់ដែលកីឡាករឃីកបុកស៊ីងកម្ពុជា៣រូបមានឱកាសឡើងទៅដល់វគ្គផ្ដាច់ព្រ័ត្រដណ្ដើមមេដាយមាសនៅក្នុងព្រឹត្តិការណ៍កីឡាស៊ីហ្គេមលើកទី៣១ ឆ្នាំ២០២៣ នៅទីក្រុងហាណូយ ប្រទេសវៀតណាម បន្ទាប់ពីបានយកឈ្នះការប្រកួតកាលពីល្ងាចថ្ងៃទី៩ ឧសភា។
នៅក្នុងការប្រកួតវគ្គពាក់កណ្ដាលផ្ដាច់ព្រ័ត្រនោះ កីឡាករ លន បញ្ញា បានយកឈ្នះលើកីឡាករថៃRodnok Ophartដោយពិន្ទុផ្នែកបុរសប្រភេទទម្ងន់៦៧គីឡូក្រាម។ ដូច្នេះលន បញ្ញា នឹងត្រូវបន្តដំណើរទៅប្រកួតដណ្ដើមយកមេដាយមាសដែលជាមេដាយដែលកីឡាករគ្រប់រូបចង់បានបំផុត ។ អ្នកគាំទ្រកម្ពុជាសង្ឃឹមថា លន បញ្ញា នឹងធ្វើបានល្អជាក់ជាមិនខានក្នុងការដណ្ដើមយកមេដាយមាសមកជូនជាតិមាតុភូមិកម្ពុជា។
ចំណែកកីឡាករ កាន់ ម៉េងហុង ក៏ត្រូវបន្តដំណើរឡើងទៅប្រកួតនៅវគ្គផ្ដាច់ព្រ័ត្រដណ្ដើមយកមេដាយមាសដែរ បន្ទាប់ពីរូបគេបានយកឈ្នះកីឡាករម៉ាឡេស៊ី Awang Marajaya Awangku Abdul Rahman នៅក្នុងថ្ងៃតែមួយ លើវិញ្ញាសាផ្នែកបុរសប្រភេទទម្ងន់៥៤គីឡូក្រាម ។ កាន់ ម៉េងហុង គឺជាកីឡាករឃីកបុកស៊ីងកម្ពុជា ដែលមានល្បិចប្រយុទ្ធល្អបំផុត ទោះបីជាគេមិនធ្លាប់ចូលរួមប្រកួតប្រដាល់ឃីកបុកស៊ីងក៏ដោយ ។ កីឡាករជើងខ្លាំងកម្ពុជារូបនេះក៏ត្រូវបានអ្នកគាំទ្រកម្ពុជាភាគច្រើនមានជំនឿចិត្តយ៉ាងខ្លាំងថារូបគេនឹងមានសំណាងដណ្ដើមយកមេដាយមាសមកជូនជាតិដែរ។
មួយរូបទៀត កីឡាករទូច រ៉ាឆាន ដែលគេស្គាល់ថាបឺត សង្ឃឹមនោះ ក៏ត្រូវបន្តដំណើរឡើងទៅប្រកួតនៅវគ្គផ្ដាច់ព្រ័ត្រដណ្ដើមយកមេដាយមាសផងដែរ ក្រោយពីបានយកឈ្នះកីឡាករម៉ាឡេស៊ី Seaw Wei Sheng ដោយពិន្ទុលើវិញ្ញាសាផ្នែកបុរសក្នុងប្រភេទទម្ងន់៥៧គីឡូក្រាម។ កីឡាករ ទូច រ៉ាឆាន់ បានយកឈ្នះកីឡាករម៉ាឡេស៊ីដោយពិន្ទុដាច់ទាំង៣ទឹកតែម្ដង ។
អ្នកគាំទ្រកំពុងតែរង់ចាំមើលការប្រកួតវគ្គបន្ទាប់សង្ឃឹមថា ទូច រ៉ាឆាន់ នឹងធ្វើបានល្អដណ្ដើមយកមេដាយមាសមកជូនជាតិ ។ ដោយឡែករឿងដែលគួរឱ្យសោកស្ដាយបំផុតនោះ គឺកីឡាករសាន រ៉ាគីម បែរជាខកខានមិនបានឡើងទៅវគ្គបន្តដណ្ដើមយកមេដាយមាស ដោយសារតែគេប្រកួតចាញ់ពិន្ទុកីឡាករថៃ Santidongsakun Chaleamlap ដោយពិន្ទុ ៕
ចែករំលែកព័តមាននេះ