ប៉ាក់គីអៅ ចេញសេចក្តីថ្លែងការណ៍មួយ ក្រោយបរាជ័យការបោះឆ្នោតប្រធានាធិបតី (វីដេអូ)
ហ្វីលីពីន ៖ ការប្រជែងតំណែងប្រធានាធិបតីរបស់លោក Manny Pacquiao បានបញ្ចប់ហើយ។ ខណៈកំពូលអ្នក
ហ្វីលីពីន ៖ ការប្រជែងតំណែងប្រធានាធិបតីរបស់លោក Manny Pacquiao បានបញ្ចប់ហើយ។ ខណៈកំពូលអ្នកប្រដាល់រូបនេះ បានទទួលស្គាល់ជាផ្លូវការនូវការបរាជ័យរបស់ខ្លួនជាមួយនឹងគូប្រជែងគឺ លោក Bongbong Marcos ដែលជាកូនប្រុសអតីតមេដឹកនាំផ្តាច់ការហ្វីលីពីន លោក Ferdinand Marco។ នៅក្នុងសេចក្តីថ្លែងការណ៍មួយ កាលពីថ្ងៃទី១០ ខែឧសភា ឆ្នាំ២០២២។
យោងតាមប្រភពពី Rappler គេហទំព័រព័ត៌មានរបស់ហ្វីលីពីនបានរាយការណ៍ថា Pacquiao បានចាញ់ការបោះឆ្នោតប្រធានាធិបតីឆ្នាំ ២០២២ ជាមួយរបាយការណ៍ថា កំពូលអ្នកប្រដាល់ដែលប្រែខ្លួនជាអ្នកនយោបាយរូបនេះ ទទួលបានត្រឹមជាង ៣,៦លានសំឡេងតែប៉ុណ្ណោះ ។ ខណៈលោក Bongbong Marcos ទទួលបានរហូតដល់ជាង ៣១លានសំឡេងឯណោះ។
កាលពីយប់ថ្ងៃទី១០ ខែឧសភា ឆ្នាំ២០២២ លោក Pacquiao បានចេញសេចក្តីថ្លែងការណ៍មួយ ដោយទទួលស្គាល់បរាជ័យចំពោះការប្រជែងតំណែងប្រធានាធិបតី និងចាត់ទុកវាជាការប្រកួតប្រជែងដ៏ធំបំផុតក្នុងជីវិតរបស់គាត់។ បុរសវ័យ៤៣ឆ្នាំបាននិយាយថា «ខ្ញុំដឹងពីរបៀបទទួលយកការចាញ់។ ប៉ុន្តែខ្ញុំសង្ឃឹមថា ទោះខ្ញុំចាញ់ការប្រកួតនេះក៏ដោយ ក៏បងប្អូនជនរួមជាតិរបស់ខ្ញុំ ជាពិសេសអ្នកក្រ នៅតែឈ្នះនៅក្នុងសេណារីយ៉ូនេះ»។
ជាមួយគ្នានោះ ស្តេចប្រដាល់ហ្វីលីពីនម្ចាស់ខ្សែក្រវាត់ពិភពលោក៨ប្រភេទផ្សេងគ្នារូបនេះ បានជូនពរលោក Bongbong Marcos យ៉ាងដូច្នេះថា «ខ្ញុំសូមបួងសួងដល់ជោគជ័យនៃការគ្រប់គ្រងរបស់អ្នក។ ហើយជនក្រីក្រនឹងត្រូវបានផ្តល់ជំនួយ ហើយជីវិតរបស់ពួកគេនឹងកាន់តែប្រសើរឡើង» ៕ (ដកស្រង់ចេញពី Rappler)
ចែករំលែកព័តមាននេះ