ADផ្ទាំងផ្សព្វផ្សាយពាណិជ្ជកម្ម

Picture

រដ្ឋសភាបើកសម័យប្រជុំប្រកាសសុពលភាពតំណាងរាស្ត្រមណ្ឌលកំពង់ចាមជំនួសសម្តេចឧត្តមទេពញាណ ហ៊ុន ណេង

1 ខែ មុន
  • ភ្នំពេញ

រាជធានី​ភ្នំពេញ ៖ រដ្ឋសភា​នៃ​ព្រះរាជាណាចក្រ​កម្ពុជា​បាន​បន្ត​សម័យប្រជុំ​រដ្ឋសភា​លើក​ទី​៧ នីតិកាល​ទី​៦ ដើម្បី​ប្រកាស​សុពលភាព​អ្នកតំណាង​រាស្ត្រ​មណ្ឌល​កំពង់ចាម​ថ្មី​ជំនួស​កន្លែង​សម្តេច​ឧត្តមទេពញា​ណ ហ៊ុន ណេ​ង ដែល​ទទួលមរណភាព ។ នៅ​ព្រឹក​ថ្ងៃ​ពុធ…

រាជធានី​ភ្នំពេញ ៖ រដ្ឋសភា​នៃ​ព្រះរាជាណាចក្រ​កម្ពុជា​បាន​បន្ត​សម័យប្រជុំ​រដ្ឋសភា​លើក​ទី​៧ នីតិកាល​ទី​៦ ដើម្បី​ប្រកាស​សុពលភាព​អ្នកតំណាង​រាស្ត្រ​មណ្ឌល​កំពង់ចាម​ថ្មី​ជំនួស​កន្លែង​សម្តេច​ឧត្តមទេពញា​ណ ហ៊ុន ណេ​ង ដែល​ទទួលមរណភាព ។

Picture

នៅ​ព្រឹក​ថ្ងៃ​ពុធ ទី​១១ ខែឧសភា ឆ្នាំ​២០២២ រដ្ឋសភា​នៃ​ព្រះរាជាណាចក្រ​កម្ពុជា​បាន​បន្ត​សម័យប្រជុំ​រដ្ឋសភា​លើក​ទី​៧ នីតិកាល​ទី​៦ ក្រោម​អធិបតីភាព​ដ៏​ខ្ពង់ខ្ពស់ សម្ដេច​អគ្គ​មហា​ពញា​ចក្រី ហេង សំ​រិ​ន ប្រធានរដ្ឋសភា​ដោយ​មាន​វត្តមាន​សមាជិក សមាជិកា​រដ្ឋសភា ពេល​ផ្តើម​សម័យប្រជុំ​ចំនួន​១០៦​រូប ។

Picture

របៀបវារៈ សម័យប្រជុំ​រដ្ឋសភា នា​ឱកាស​នេះ​មាន​ចំនួន​៤ គឺ​៖ ១. ការ​សម្រេច​អំពី​សុពលភាព​នៃ​អាណត្តិ​របស់​ឯកឧត្តម​ស្លេះ ពុន​យ៉ា​ម៉ី​ន ជា​តំណាងរាស្ត្រ​មណ្ឌល​ខេត្តកំពង់ចាម​ជំនួស​សម្តេច​ឧត្តម​ទេព​ញាណ ហ៊ុន ណេ​ង ដែល​បាន​ទទួលមរណភាព ។ ២. ការ​បោះ​ឆ្នោត​ជ្រើសតាំង ៖ ឯកឧត្តម កែប ជុតិមា ជា​សមាជិក​គណៈកម្មការ​មហាផ្ទៃ​ការពារ​ជាតិ និង​មុខងារសាធារណៈ​នៃ​រដ្ឋសភា ។

ឯកឧត្តម ខឹ​ម ច័ន្ទ​គិរី ជា​សមាជិក​គណៈកម្មការ​សាធារណការ ដឹក​ជញ្ជូន ទូរគមនាគមន៍​ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម​រៀបចំ​ដែនដី​នគរូបនីយកម្ម និង​សំណង់​នៃ​រដ្ឋសភា ។

៣. ការ​ពិភាក្សា និង​អនុម័ត​សេចក្តីព្រាងច្បាប់​ពី​វិសោធនកម្ម​មាត្រា​១៤០ នៃ​ច្បាប់​ស្តី​ពី​ការ​គ្រប់គ្រង​រដ្ឋបាល រាជធានី ខេត្ត ក្រុង ស្រុក ខណ្ឌ ដែល​ត្រូវ​ប្រកាស​ឱ្យ​ប្រើ​ដោយ​ព្រះរាជក្រម​លេខ ន​ស​/​រកម​/០៥០៨/០១៧ ចុះ​ថ្ងៃ​ទី​២៤ ខែឧសភា ឆ្នាំ​២០០៨ ។ ៤. ការ​ពិភាក្សា និង​អនុម័ត​សេចក្តីព្រាងច្បាប់​ស្តី​ពី​សុវត្ថិភាព​ម្ហូបអាហារ ៕

Picture
Picture