អបអរសាទរ! ក្រុមជម្រើសជាតិកម្ពុជាឈ្នះក្រុមឡាវ៤-១
វៀតណាម ៖ ក្រុមជម្រើសជាតិអាយុក្រោម២៣ឆ្នាំកម្ពុជាបើកឆាកប្រកួតថ្ងៃដំបូងជម្រុះពូលBនៅក្នុងព្រឹត្តិការណ៍
វៀតណាម ៖ ក្រុមជម្រើសជាតិអាយុក្រោម២៣ឆ្នាំកម្ពុជាបើកឆាកប្រកួតថ្ងៃដំបូងជម្រុះពូលBនៅក្នុងព្រឹត្តិការណ៍
វៀតណាម ៖ ក្រុមជម្រើសជាតិអាយុក្រោម២៣ឆ្នាំកម្ពុជាបើកឆាកប្រកួតថ្ងៃដំបូងជម្រុះពូលBនៅក្នុងព្រឹត្តិការណ៍កីឡាស៊ីហ្គេមលើកទី៣១នៅប្រទេសវៀតណាម ពិតជាធ្វើបានល្អខ្លាំងណាស់ ដោយបានយកឈ្នះក្រុមជម្រើសជាតិអាយុក្រោម២៣ឆ្នាំឡាវ៤-១ កាលពីរសៀលថ្ងៃទី៩ ឧសភា។
គ្រាន់តែចាប់ផ្ដើមប្រកួតតង់ទី១ដំបូងត្រឹមរយៈពេល៣នាទីប៉ុណ្ណោះ កីឡាករខ្សែប្រយុទ្ធឆ្នើមសៀង ចន្ធា មានឱកាសស៊ុតបញ្ចូលទីបានសម្រេចមួយគ្រាប់នៅមិចមិន ដែលបានក្លាយជាអ្នករកគ្រាប់បាល់លឿនបំផុតនៅក្នុងព្រឹត្តិការណ៍កីឡាស៊ីហ្គេមនៅប្រទេសវៀតណាម ។ បន្ទាប់មកកីឡាករសាទី ជាអ្នករកបានគ្រាប់បាល់ទី២ឲ្យកម្ពុជាដោយបានស៊ុតបាល់បញ្ចូលទីបានសម្រេចនៅនាទីទី១៦ ថែមទាំងបានធ្វើឲ្យក្រុមជម្រើសជាតិកម្ពុជាមានប្រៀបជាងដាច់សម្រាប់ការប្រកួតនៅក្នុងតង់ទី១នេះ។
ចូលដល់តង់ទី២ ក្រុមជម្រើសជាតិកម្ពុជានៅតែបន្តវាយសម្រុកទៅលើក្រុមឡាវយ៉ាងខ្លាំងក្លារហូតមានឱកាសរកបានគ្រាប់បាល់ទី៣ដោយគី រីណា នៅនាទី៦៣។ ប៉ុន្តែចូលដល់នាទីទី៦៦ កីឡាករឡាវបានស៊ុតបាល់ពីចម្ងាយបានយ៉ាងល្អតាមសងបាន១គ្រាប់វិញ មុនពេលដែលកម្ពុជាបន្ថែមគ្រាប់បាល់ទី៤ ។ ធ្វើឲ្យចប់ការប្រកួតក្រុមជម្រើសជាតិអាយុក្រោម២៣ឆ្នាំកម្ពុជាយកឈ្នះក្រុមជម្រើសជាតិអាយុក្រោម២៣ឆ្នាំឡាវ៤-១ បានឡើងទៅឈរលេខរៀងទី១ក្នុងពូលBជាបណ្ដោះអាសន្ន ដោយមាន៣ពិន្ទុ បន្ទាប់ពីក្រុមជម្រើសជាតិអាយុក្រោម២៣ឆ្នាំម៉ាឡេស៊ីយកឈ្នះលើក្រុមជម្រើសជាតិអាយុក្រោម២៤ឆ្នាំថៃ២-១ ។ ការប្រកួតជើងទីរបស់កម្ពុជាទល់ជាមួយក្រុមជម្រើសជាតិសឹង្ហបូរីធ្វើឡើងនៅថ្ងៃទី១១ ឧសភា។
ដោយឡែកក្រុមជម្រើសជាតិនារីកម្ពុជាប្រកួតចាញ់ក្រុមជម្រើសជាតិហ្វីលីពីន៥-០ នៅថ្ងៃបើកឆាកដំបូងផ្នែកបាល់ទាត់នារី ។ ការប្រកួតត្រឹមតង់ទី១ក្រុមជម្រើសជាតិនារីហ្វីលីពីនបានយកឈ្នះ១-០លើកម្ពុជា ចូលដល់តង់ទី២ហ្វីលីពីនបន្ថែម៤គ្រាប់ទៀត ធ្វើឲ្យចប់ការប្រកួតហ្វីលីពីនបានយកឈ្នះកម្ពុជា៥-០ ៕
ចែករំលែកព័តមាននេះ