កីឡាករឃីកប៊ុកស៊ីងកម្ពុជា៣រូបត្រៀមឡើងទៅកាន់វគ្គបន្ត ខណៈកីឡាការិនី នៅ ស្រីពៅ ធ្លាក់វគ្គ១/៤
- ភ្នំពេញ
ទីក្រុងហាណូយ ៖ កីឡាករឃីកប៊ុកស៊ីងកម្ពុជាចំនួន៣រូបពិតជាធ្វើបានល្អមែនទែន ដោយបានយកឈ្នះលើថ្ងៃបើក
ទីក្រុងហាណូយ ៖ កីឡាករឃីកប៊ុកស៊ីងកម្ពុជាចំនួន៣រូបពិតជាធ្វើបានល្អមែនទែន ដោយបានយកឈ្នះលើថ្ងៃបើកឆាកដំបូងនៃព្រឹត្តិការណ៍កីឡាស៊ីហ្គេមលើកទី៣១ឆ្នាំ២០២២ នៅប្រទេសវៀតណាមដើម្បីបានកៅអីឡើងទៅកាន់វគ្គបន្ត។
កីឡាករទូច រ៉ាឆាន់ ដែលអ្នកគាំទ្រធ្លាប់ស្គាល់ថា កីឡាករបឺត សង្ឃឹម នោះប្រកួតនៅគូទី១កាលពីថ្ងៃអាទិត្យបានយកឈ្នះកីឡាករហ្វីលីពីនEstabanJamar Balongi នៅវគ្គ១/៤ ត្រូវបានបន្តដំណើរឡើងទៅកាន់វគ្គបន្តដើម្បីដណ្ដើមយកមេដាយមាស ដោយបច្ចុប្បន្នគេកំពុងតែគ្រងមេដាយសំរឹទ្ធនៅក្នុងដៃរួចទៅហើយ លើវិញ្ញាសាផ្នែកបុរសក្នុងប្រភេទទម្ងន់៥៧គីឡូក្រាម ។ ដោយឡែកកីឡាការិនីនៅ ស្រីពៅ វិញនោះបែរជាខកខានឡើងទៅកាន់វគ្គបន្តក្រោយពីប្រកួតចាញ់ពិន្ទុកីឡាការិនីវៀតណាមBui Linhនៅវគ្គ១/៤លើវិញ្ញាសានារីប្រភេទទម្ងន់៥៤គីឡូក្រាម។
ចំណែកកីឡាករកាន់ ម៉េងហុង វិញពិតជាធ្វើបានល្អខ្លាំងណាស់ដោយបានយកឈ្នះលើកីឡាករឡាវKhammaty Houmphanhដាច់ទាំង៣ទឹក ដោយនៅក្នុងទឹកទី១ឈ្នះក្នុងលទ្ធផលពិន្ទុ២-១ចាប់ពីទឹកទី២លទ្ធផល៣-០និងទឹកទី៣ពិន្ទុ៣-០ដូចគ្នា។ដូច្នេះកីឡាករកាន់ ម៉េងហុងដែលបានឆ្លងផុតវគ្គ១/៤លើកនេះបើចាញ់ដណ្ដើមបានមេដាយប្រាក់លើវិញ្ញាសារផ្នែកបុរសលើប្រភេទទម្ងន់៥៤គីឡូក្រាមបើឈ្នះនឹងទទួលបានមេដាយមាស។
រីឯកីឡាករស៊ន រ៉ាគីម ដែលបានផ្ដួលកីឡាករម៉ាឡេស៊ីAwane Handra Awang Muhammadឲ្យចាញ់សន្លប់នៅវគ្គជម្រុះ១/៦លើវិញ្ញាផ្នែកបុរសប្រភេទម្ងន់៦៣,៥គីឡូក្រាម លើកនេះបានបន្តដំណើរឡើងទៅប្រកួតនៅវគ្គពាក់កណ្ដាលផ្ដាច់ព្រ័ត្រជាបន្តទៀត ៕
ចែករំលែកព័តមាននេះ