ខេត្តបាត់ដំបង៖ មន្ត្រីយោធាម្នាក់បានទៅជួយកំដរបុណ្យស.ពអ្នកភូមិស្ទើរពេញមួយយប់ តែបែរជាត្រូវគេប្រទះឃើញដេកស្លា.ប់នៅក្បែរផ្លូវឆ្លងកាត់ភូមិមួយកន្លែងកណ្ដាលវាលស្រែ កាលពីវេលាម៉ោង៥ព្រឹកថ្ងៃទី ០៧ ឧសភា ត្រង់ចំណុចភូមិអូរម៉ាល់ សង្កាត់អូរម៉ាល់ ក្រុងបាត់ដំបង ដោយគេមិនទាន់ដឹងមូលហេតុច្បាស់លាស់។…
ខេត្តបាត់ដំបង៖ មន្ត្រីយោធាម្នាក់បានទៅជួយកំដរបុណ្យស.ពអ្នកភូមិស្ទើរពេញមួយយប់ តែបែរជាត្រូវគេប្រទះឃើញដេកស្លា.ប់នៅក្បែរផ្លូវឆ្លងកាត់ភូមិមួយកន្លែងកណ្ដាលវាលស្រែ កាលពីវេលាម៉ោង៥ព្រឹកថ្ងៃទី ០៧ ឧសភា ត្រង់ចំណុចភូមិអូរម៉ាល់ សង្កាត់អូរម៉ាល់ ក្រុងបាត់ដំបង ដោយគេមិនទាន់ដឹងមូលហេតុច្បាស់លាស់។
សេចក្ដីរាយការណ៍បានឲ្យដឹងថា ជនរងគ្រោះឈ្មោះ ជា វ៉ាន់ដា អាយុ៤៩ឆ្នាំ រស់នៅភូមិសាលាបាឡាត់ សង្កាត់អូរម៉ាល់ ក្រុងបាត់ដំបង តែគាត់ជាមន្ត្រីយោធា ដែលមានអង្គភាព នៅស្រុកសំពៅលូន ។ បើតាមប្រភពព័ត៌មានបានឲ្យដឹងថា មន្ត្រីយោធារូបនេះទើបមកដល់ផ្ទះ ដើម្បីមកចូលរួមមង្គលការបងប្អូន។ ប៉ុន្តែនៅយប់ថ្ងៃទី ០៦ ឧសភា ជនរងគ្រោះបានទៅកំដរស.ពគេនៅក្នុងភូមិក្បែរគ្នានោះ ។ ប្រភពដដែលនិយាយថា នៅវេលារំលងអធ្រាត្រឈានចូលថ្ងៃទី ០៧ ឧសភា អ្នកដែលទៅកំដរស.ពជាមួយគ្នាបានហៅគាត់មកផ្ទះ តែជនរងគ្រោះមិនទាន់មកទេ ។
ប៉ុន្តែលុះព្រឹកឡើង ស្រាប់តែឮគេនិយាយថា ស្ត្រីម្នាក់ដែលជិះម៉ូតូទៅរកទិញបន្លែ បានប្រទះឃើញបុរសម្នាក់ដេកស្លា.ប់ក្បែរផ្លូវ។ ដំណឹងនេះ បានធ្វើឲ្យមានការភ្ញាក់ផ្អើលពេញភូមិ លុះគេនាំគ្នាទៅមើល ទើបស្គាល់ថា ជនរងគ្រោះគឺឈ្មោះ ជា វ៉ាន់ដា ដែលទៅកំដរស.ពអ្នកភូមិ។ សមត្ថកិច្ចបានចុះទៅកាន់កន្លែងកើតហេតុភ្លាមៗ ដើម្បីពិនិត្យសា.ក.ស.ព និងទីតាំងកើតហេតុ ជាមួយនឹងមនុស្សជាច្រើនបានចោមរោមមើល ។
បើតាមសមត្ថកិច្ចបានអះអាងថា សាកសពមន្ត្រីយោធានេះ មានស្លាកស្នាមតិចតួចលើក្បាលនិងដៃជើង ដែលទំនងជាដួល។ មន្ត្រីជំនាញបានស្រង់សំដីសាក្សីមួយចំនួនថា ពេលត្រឡប់ទៅផ្ទះ ជនរងគ្រោះមិនមានជិះអ្វីទេ គឺដើរចេញពីរោងបុណ្យ។ ប៉ុន្តែគ្មាននរណាបានដឹងថា តើគាត់ដើរដួល ឬ ត្រូវរថយន្តបុក ឬ ម៉ូតូបុកនោះទេ។ សមត្ថកិច្ចជំនាញ បានពិនិត្យសា.ក.ស.ព ហើយក៏មិនទាន់មានការសន្និដ្ឋានជាក់លាក់ដែរ តែគេបានវាយតំលៃបែបស្មានៗថា ជនរងគ្រោះអាចត្រូវម៉ូតូបុកឬកៀរ បណ្ដាលឲ្យដួលបោកក្បាលស្លា.ប់ ។
យ៉ាងណាក្ដី នេះ គ្រាន់តែការសន្និដ្ឋានបឋម ដែលគ្មានការអះអាងពីសាក្សី ឬ យោងលើវត្ថុតាងពាក់ព័ន្ធឡើយ។ ក្រោយពិនិត្យរួចរាល់ មន្ត្រីជំនាញបានធ្វើកំណត់ហេតុ ប្រគល់សពជួនទៅក្រុមគ្រួសារ យកទៅធ្វើបុណ្យតាមប្រពៃណីហើយ៕
ចែករំលែកព័តមាននេះ