កីឡាជឺជីតស៊ូ រៀបចំ និងកែសម្រួលក្បាលម៉ាស៊ីនថ្មីឆ្ពោះទៅដណ្ដើមមេដាយស៊ីហ្គេមឆ្នាំ២០២៣
- ភ្នំពេញ
រាជធានីភ្នំពេញ ៖ សហព័ន្ធកីឡាជឺជីតស៊ូកម្ពុជា ត្រូវបានក្រសួងអប់រំ យុវជន និងកីឡា និងគណៈកម្មាធិការជាតិអូ
រាជធានីភ្នំពេញ ៖ សហព័ន្ធកីឡាជឺជីតស៊ូកម្ពុជា ត្រូវបានក្រសួងអប់រំ យុវជន និងកីឡា និងគណៈកម្មាធិការជាតិអូ
រាជធានីភ្នំពេញ ៖ សហព័ន្ធកីឡាជឺជីតស៊ូកម្ពុជា ត្រូវបានក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា(NOCC) ធ្វើការកែសម្រួល និងរៀបចំសមាសភាពគណៈកម្មាធិការប្រតិបត្តិថ្មីឡើងវិញ ដើម្បីជំរុញការអភិវឌ្ឍប្រភេទកីឡាមានសក្ដានុពលខ្ពស់នេះ ឲ្យកាន់តែរីកចម្រើន ហើយពង្រីកសក្ដានុពលរបស់ខ្លួន ឲ្យកាន់តែខ្លាំងក្លា ទាំងលើឆាកជាតិ និងអន្ដរជាតិ ជាពិសេសឆ្ពោះទៅដណ្ដើមមេដាយស៊ីហ្គេមឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះលើកដំបូង។
យោងតាមមហាសន្និបាតបញ្ចប់អាណត្តិទី១ ឆ្នាំ២០១៧-២០២១ និងបន្ដអាណត្តិទី២ ឆ្នាំ២០២១-២០២៥ នៅថ្ងៃទី២៩ ខែមេសា ឆ្នាំ២០២២ នេះ ដែលរៀបចំនៅទីស្នាក់ការ NOCC ក្រោមវត្តមានលោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា និងលោក អ៊ុក សិទ្ធិជាតិ អគ្គនាយក នៃអគ្គនាយកដ្ឋានកីឡា នៃក្រសួងអប់រំ យុវជន និងកីឡា ។
លោក វ៉ាត់ ចំរើន បានចាត់ទុកកីឡាជឺជីតស៊ូ ជាប្រភេទកីឡាមានសក្ដានុពលកម្រិតខ្ពស់មួយ តែដោយកន្លងមកសហព័ន្ធ ខ្វះអ្នកគ្រប់គ្រង និងជួយជ្រោមជ្រែង ទើបទាមទារឲ្យមានការកែសម្រួលឡើងវិញ ឲ្យសមស្របតាមនិន្នាការ និងគោលការណ៍របស់ក្រសួងអប់រំ NOCC ពិសេសគណៈកម្មាធិការជាតិ CAMSOC ដែលបានដាក់ចេញគោលការណ៍មួយថា គ្រប់សហព័ន្ធទាំងអស់ ត្រូវធ្វើការកែទម្រង់ក្នុងរចនាសម្ព័ន្ធគ្រប់គ្រងរបស់ខ្លួនឲ្យសមស្របទៅនឹងការត្រៀមធ្វើម្ចាស់ផ្ទះ នាឆ្នាំ២០២៣ ។
តាមរយៈនេះហើយ ដែលជំរុញឲ្យ NOCC និងក្រសួងអប់រំ យុវជន និងកីឡា សម្រេចធ្វើការរៀបចំ និងកែសម្រួលក្បាលម៉ាស៊ីនថ្មីរបស់សហព័ន្ធ ដើម្បីធានាបាននូវការអភិវឌ្ឍប្រកបដោយចីរភាព ឆ្លើយតបទៅនឹងសក្ដានុពលរបស់កីឡានេះ ក្នុងដំណើរឆ្ពោះទៅដណ្ដើមមេដាយ និងឧត្ដមភាពលើឆាកអន្ដរជាតិ ជូនប្រទេសកម្ពុជា ដូចសមិទ្ធផលដែលសម្រេចបានកន្លងមក ដែលឈ្នះមេដាយមាសកម្រិតស៊ីហ្គេម និងកីឡាអាស៊ី ដោយវីរៈកីឡាការិនី ខាន់ ចេសា ជាដើម ។ លោកបានធ្វើការផ្ដាំផ្ញើទៅដល់ថ្នាក់ដឹកនាំសហព័ន្ធមិនត្រូវផ្ដេកផ្ដួលទៅលើIdolខាន់ ជេសាតែម្នាក់ទេខ្លាចថ្ងៃក្រោយមានជម្ងឺតួឯក លោកលើកឡើងបែបមិនបានធ្វើការរិះគន់ឬវាយតម្លៃណាមួយដល់កីឡាការិនីចាន់ ជេសានោះដែរ ប៉ុន្តែមានន័យថាបើមានខាន់ ជេសាច្រើនក៏ជារឿងកាន់តែប្រសើ។
ចំពោះសមាសភាពថ្នាក់ដឹកនាំ និងសមាជិកគណៈកម្មាធិការប្រតិបត្តិ អាណត្តិថ្មីនេះ ដែលត្រូវបានកែសម្រួលឡើងវិញ រួមមានលោកបណ្ឌិត សេង ប៊ុនសុង ប្រធានសហព័ន្ធ, លោក ថោង ធន និងលោក Pass Jasper Martijn ជាអនុប្រធាន, លោក សៀន សុភ័ក្ដ្រ ជាអគ្គលេខាធិការ និងឯកឧត្តម ប៊ុត សុទ្ធិ ជាអគ្គលេខាធិការង, លោក អន សុវឌ្ឍីយ៉ា ជាអគ្គហេរញឹក និងលោក សៀន សុភា ជាអគ្គហេរញ្ញិករង រួមទាំងសមាជិក ៤រូប គឺមានលោក ជឹម ធារ៉ា, លោក ឃឹម សាមាន, លោក សេង សីឡាង និងលោក គិម កែវមង្គល ៕
ចែករំលែកព័តមាននេះ