គ្រូពេទ្យឥណ្ឌាបានយកដង្កូវចំនួន៨០ក្បាលចេញពីត្រចៀកខាងឆ្វេងរបស់ក្មេងស្រីអាយុ៤ឆ្នាំម្នាក់ បន្ទាប់ពីឈឺចាប់អស់រយៈពេល១សបា្ដហ៍ ។
«Mirror» កាលពីថ្ងៃទី១១ តុលា ២០១៦ ផ្សាយថា ក្មេងស្រីឥណ្ឌា
គ្រូពេទ្យឥណ្ឌាបានយកដង្កូវចំនួន៨០ក្បាលចេញពីត្រចៀកខាងឆ្វេងរបស់ក្មេងស្រីអាយុ៤ឆ្នាំម្នាក់ បន្ទាប់ពីឈឺចាប់អស់រយៈពេល១សបា្ដហ៍ ។
«Mirror» កាលពីថ្ងៃទី១១ តុលា ២០១៦ ផ្សាយថា ក្មេងស្រីឥណ្ឌា Radhika Mandloi អាយុ៤ឆ្នាំ រស់នៅភូមិមួយក្នុងរដ្ឋ «Madhya Pradesh» ត្រូវក្រុមគ្រួសារបញ្ជូនទៅមន្ទីរពេទ្យ ក្រោយពីយំឥតឈប់ ព្រោះឈឺត្រចៀកខាងឆ្វេងរយៈពេល១សបា្ដហ៍ ។ គ្រូពេទ្យពិនិត្យឃើញមានដង្កូវក្នុងត្រចៀកចំនួន៨០ក្បាល ។
លោករ៉ាច គូម៉ា ម៉ុនដ្រា ប្រធានផ្នែកព្យាបាលត្រចៀក ច្រមុះ នៅមន្ទីរពេទ្យ «My Hosptal» ដែលពិនិត្យមើលអាការរោគរបស់ក្មេងស្រីនោះភ្ញាក់ផ្អើលយ៉ាងខ្លាំង ព្រោះឃើញដង្កូវចំនួន៨០ក្បាល បង្កឱ្យមានដំបៅស្អុយនិងរុយចូលពង ។
គ្រូពេទ្យជំនាញចំណាយពេលជាង៩០នាទី ដើម្បីយកដង្កូវចេញ ហើញពិនិត្យឃើញថា ឆ្អឹងនិងសាច់របស់ក្មេងស្រីត្រូវដង្កូវស៊ីព្រោះទុកឱ្យកើតដំបៅរយៈពេលយូរដោយការធ្វេសប្រហែសរបស់ឪពុក ម្ដាយ ។ លទ្ធផលនៃការស្គែនដោយម៉ានស៊ីន «Mri» មិនប្រទះឃើញដង្កូវស្ថិតនៅក្នុងខួរក្បាលទេ ។ ប្រសិនបើទុកយូរប្រហែល១សបា្តហ៍ទៀត ក្មេងស្រីរូបនោះអាចស្លាប់បាត់បង់ជីវិត ។
បច្ចុប្បន្នក្មេងស្រីនោះនៅសម្រាកព្យាបាលបន្តក្នុងមន្ទីរពេទ្យ ៕
ចែករំលែកព័តមាននេះ