ម៉ាស៊ីនបត់ខោអាវនឹងចេញលក់នៅឆ្នាំក្រោយ
ម៉ាស៊ីនបត់ខោអាវដំបូងលើលោកនឹងដាក់លក់ក្នុងទីផ្សារនៅឆ្នាំ២០១៧ ។ នេះបើតាមសម្តីរបស់ម្ចាស់រោងចក្រផលិតម៉ាស៊ីននោះក្នុងការតាំងពិព័រណ៍គ្រឿងអេឡិចត្រូនិកក្បែរទីក្រុងតូក្យូ។
ម៉ាស៊ីនបត់ខោអាវដំបូងលើលោកនឹងដាក់លក់ក្នុងទីផ្សារនៅឆ្នាំ២០១៧ ។ នេះបើតាមសម្តីរបស់ម្ចាស់រោងចក្រផលិតម៉ាស៊ីននោះក្នុងការតាំងពិព័រណ៍គ្រឿងអេឡិចត្រូនិកក្បែរទីក្រុងតូក្យូ។
ម៉ាស៊ីនបត់ខោអាវនេះមានទំហំប៉ុនទូទឹកកក និងថតសម្រាប់ដាក់ខោអាវមិនទាន់បត់ និងថតដែលបត់ហើយ។ បន្ទាប់ពីអ្នកដាក់ខោអាវមិនទាន់បត់រួច ម៉ាស៊ីនបត់ខោអាវក៏ចាប់យកខោអាវម្តងមួយ ហើយប្រើបច្ចេកវិទ្យាវិភាគរូបរាង និងបច្ចេកវិទ្យាវៃឆ្លាតដើម្បីបត់ខោអាវរបស់អ្នកតាមប្រភេទសម្លៀកបំពាក់ផ្សេងគ្នា និងត្រូវបត់ឲ្យត្រូវតាមប្រភទខោអាវផងដែរ ។
សម្រាប់មនុស្សចំពោះការងារសំគាល់ប្រភេទខោអាវ និងបត់វាឲ្យបានត្រឹមត្រូវជារឿងមួយមិនលំបាកនោះទេ តែសម្រាប់គ្រឿងម៉ាស៊ីនវិញគឺខុសគ្នា វាពិតជាមានការលំបាក់ខ្លាំងក្នុងការសម្គាល់ប្រភេទរបស់ផ្សេងៗគ្នា ។ នៅក្នុងការបង្ហាញពីក្រុមហ៊ុននៅកន្លែងតាំងពិព័រណ៍បច្ចេកវិទ្យាក្នុងប្រទេសជប៉ុន នោះខោអាវប្រហែលជិត១០គីឡូក្រាមត្រូវចំណាយពេលប្រហែល១០នាទីក្នុងការបត់។
ក្រុមហ៊ុនផលិតជប៉ុន Seven Dreamers សុំរក្សាបច្ចេកវិទ្យារបស់ម៉ាស៊ីនបត់ខោអាវនោះ នៅឡើយព្រោះមិនបានបង្ហាញឲ្យឃើញថាតើក្នុងម៉ាស៊ីនបត់ខោអាវមានអ្វីខ្លះ ពេលបង្ហាញដំណើរការបត់ខោអាវនោះ ក្រុមហ៊ុនបានបង្ហាញអាវមួយដែលត្រូវបត់ក្នុងម៉ាស៊ីនតែក្រុមហ៊ុនឲ្យឃើញតែរូបអាវមួយដែលចាប់ចេញពីកន្លែងដាក់ខោអាវមិនទាន់បត់ ឡើងទៅថតខាងលើ ហើយម៉ាស៊ីនក៏ដំណើរការសំគាល់អាវនោះថា ជាអាវយឺត បន្ទាប់មកទៀតក៏ចាប់ផ្តើមបត់អាវនោះតែម្តង។
ប៉ុន្តែទោះជាយ៉ាងនេះក្តី ឆ្នាំក្រោយ អ្វីៗនិងត្រូវលាតត្រដាង បន្ទាប់ពីម៉ាស៊ីនមួយនេះដាក់ជាសាធារណៈ។ លោក Shin Sakane ជាប្រធាននិងជានាយកប្រតិបត្តិក្រុមហ៊ុន Seven Dreamers បាននិយាយថា សម្រាប់ការបញ្ជាទិញមុននឹងចាប់ផ្តើមបើកនៅខែមីនា ឆ្នាំ២០១៧ សម្រាប់តែក្នុងប្រទេសជប៉ុនប៉ុណ្ណោះ។ ការដឹកជញ្ជូនម៉ាស៊ីនជាលើកដំបូងនឹងធ្វើឡើងក្នុងឆ្នាំដ៏ដែរ ។ គាត់បន្តថា ការលក់ដំបូងគឺសម្រាប់ប្រទេសជប៉ុន ប៉ុន្តែក្រុមហ៊ុនសង្ឃឹមថា អាចលក់មួយចំនួនទៅទីផ្សារអាមេរិកដែរ តែតម្លៃរបស់វានៅមិនទាន់អាចប្រកាសបាននៅឡើយ។
ចែករំលែកព័តមាននេះ