រាជធានីភ្នំពេញ ៖ បុរសម្នាក់ជាជនរងគ្រោះដែលសមត្ថកិច្ចមិនទាន់ស្គាល់អត្តសញ្ញាណ នៅឡើយទេ ត្រូវបានជនមិនស្គាល់មុខ១ក្រុម ចាប់ខ្លូនរុញចូលរថយន្ដស្ព័រ១គ្រឿង ហើយយកមកទម្លាក់ចោល
រាជធានីភ្នំពេញ ៖ បុរសម្នាក់ជាជនរងគ្រោះដែលសមត្ថកិច្ចមិនទាន់ស្គាល់អត្តសញ្ញាណ នៅឡើយទេ ត្រូវបានជនមិនស្គាល់មុខ១ក្រុម ចាប់ខ្លូនរុញចូលរថយន្ដស្ព័រ១គ្រឿង ហើយយកមកទម្លាក់ចោល នៅក្នុងបរិវេណបុរីកាំកូស៊ីធី ផ្លូវបុរីអង្គរ ស្ថិតក្នុងភូមិទួលគោក សង្កាត់ទួលសង្កែ ខណ្ឌឬស្សីកែវ។
ជនរងគ្រោះបានអះអាងថា នៅវេលាម៉ោង១១ថ្ងៃត្រង់ ថ្ងៃទី១១ ខែតុលា ឆ្នាំ២០១៦នេះ រូបគាត់បានជិះរថយន្ដ ឡិចស៊ីសRX-៣០០ ទៅផឹកកាហ្វេនៅបុរីសាន់វ៉េ ដូចសព្វដង។ ពេលចេញពីផឹកកាហ្វេវិញ ស្រាប់តែត្រូវជនសង្ស័យមួយក្រុម ចាប់គាត់អូសចូលក្នុងរថយន្តស្ព័រមួយគ្រឿង ហើយចងបិទមុខជិតមើលអ្វីក៏មិនឃើញ រួចទើបគម្រាមដោះនាឡិកាដាំពេជ្ររបស់គាត់១វង់ តម្លៃ២ម៉ឺនដុល្លារ យកលុយប្រមាណ ៧ពាន់ដុល្លារ ទូរស័ព្ទដៃ២គ្រឿង ថែមទាំងបង្ខំឲ្យគាត់ផ្ដិតមេដៃលើឯកសារថែមទៀត តែគាត់មិនដឹងឯកសារអ្វីឡើយ ព្រោះគាត់មើលមិនឃើញ។
លុះដល់ម៉ោង៥ល្ងាច ថ្ងៃខែដដែលនេះ ទើបយកគាត់មកទម្លាក់ចោល នៅក្នុងបុរីកាំកូស៊ីធីនេះតែម្ដងរួមជាមួយវ៉ាលីមួយផងដែរ។ បច្ចុប្បន្នសមត្ថកិច្ចពុំទាន់កំណត់បាននូវមុខសញ្ញាអ្វីនៅឡើយទេ គឺបាននាំជនរងគ្រោះទៅកាន់ប៉ុស្ដិ៍រដ្ឋបាល នគរបាល សង្កាត់ទួលសង្កែ ដើម្បីកត់កំណត់ហេតុ កសាងសំណុំរឿងដោះស្រាយទៅតាមនីតិវិធី៕
ចែករំលែកព័តមាននេះ