ម្តាយកីឡាករJames Rodriguez អ្នកស្រី Pillar Rubio បាននិយាយនៅលើបណ្តាញសង្គមTwitter ថា មានជនអនាមិកម្នាក់បានផ្ញើសារចូលគណនី Twitter របស់អ្នកស្រីក្នុងន័យគំរាមសម្លា.ប់ James Rodriguez
ម្តាយកីឡាករJames Rodriguez អ្នកស្រី Pillar Rubio បាននិយាយនៅលើបណ្តាញសង្គមTwitter ថា មានជនអនាមិកម្នាក់បានផ្ញើសារចូលគណនី Twitter របស់អ្នកស្រីក្នុងន័យគំរាមសម្លាប់ James Rodriguez អមជាមួយរូបកាំភ្លើង និងគ្រាប់ជាច្រើនទៀតផង។ ជនមិនស្គាល់មុខនេះក៏បានសរសេរថា«តើអ្នកស្រីចង់ឃើញ James ស្លាប់ដោយរបៀបណាទេ?យើងកំពុងសំដៅទៅផ្ទះរបស់អ្នកស្រីហើយ បើមានពាក្យលាចុងក្រោយអ្វីឆាប់និយាយទៅកាន់គ្រួសារអ្នកឱ្យហើយទៅ» ។
យ៉ាងណាមិញ គេមិនទាន់ដឹងពីតម្រុយអ្វីទាក់ទិននឹងរឿងក្តីនេះនៅឡើយទេ គ្រាន់តែមានពាក្យចចាមអារ៉ាមខ្លះលើកឡើងថា ប្រហែលជាមកពី James Rodriguez មានរបួស ដែលជាហេតុធ្វើឱ្យខ្សែបម្រើវ័យ២៥រូបនេះមិនអាចចូលលេងឱ្យក្រុមជម្រើសជាតិបាន ខណៈកូឡុំប៊ី ត្រូវប្រកួតជម្រុះ World Cup ជាមួយប្រទេសជាច្រើន ទើបធ្វើឱ្យជនអនាមិកនោះខឹង ។
សូមបញ្ជាក់ផងដែរថា អ្នកស្រី Pillar Rubio ក៏បានដាក់ពាក្យបណ្តឹងរួចរាល់ហើយជុំវិញករណីនេះ ៕
ចែករំលែកព័តមាននេះ