នៅ ស្រីពៅ ពីកម្មការិនីរោងចក្រកាត់ដេរ ក្លាយជាអ្នកប្រដាល់ស៊ីហ្គេម
- ភ្នំពេញ
រាជធានីភ្នំពេញ ៖ កាលពី១០ឆ្នាំមុន នៅ ស្រីពៅ ដែលជាអ្នកប្រដាល់ត្រូវចូលរួមប្រកួតកីឡាស៊ីហ្គេមលើកទី៣១នៅ
រាជធានីភ្នំពេញ ៖ កាលពី១០ឆ្នាំមុន នៅ ស្រីពៅ ដែលជាអ្នកប្រដាល់ត្រូវចូលរួមប្រកួតកីឡាស៊ីហ្គេមលើកទី៣១នៅ
រាជធានីភ្នំពេញ ៖ កាលពី១០ឆ្នាំមុន នៅ ស្រីពៅ ដែលជាអ្នកប្រដាល់ត្រូវចូលរួមប្រកួតកីឡាស៊ីហ្គេមលើកទី៣១នៅប្រទេសវៀតណាម គ្រាន់តែជាស្ត្រីខ្មែរម្នាក់ក្នុងចំណោមប្រមាណ១លាននាក់ ដែលធ្វើការនឿយហត់ជាច្រើនម៉ោងនៅរោងចក្រកាត់ដេរប៉ុណ្ណោះ។
ធំឡើងក្នុងភាពក្រីក្រ នៅ ស្រីពៅ មានវ័យកុមារភាពលំបាកខ្លាំងណាស់ ។ នាងត្រូវបានគេសម្លុតជាញឹកញាប់ដោយសារតែទំហំនិងរូបរាងដ៏តូចរបស់នាង ។ នៅ ស្រីពៅ បានដុតឆន្ទៈរៀនក្បាច់គុនខ្មែរ (ប្រដាល់សេរីខ្មែរ) ដើម្បីការពារខ្លួន។ នាងបានបង្ហាញពីទេពកោសល្យរបស់នាងនៅពេលនាងប្រកួតលើកដំបូងនៅអាយុ ១៣ ឆ្នាំ ហើយទទួលបានសមិទ្ធផលដែលមិនធ្លាប់ចាញ់ជាច្រើនយ៉ាងឆាប់រហ័សនៅលើវិថីអាជីពរបស់នាង។ នាងបានឈ្នះជើងឯកគុនខ្មែរដោយឈ្នះជិត១០០ដងក្នុងអាជីពជាអ្នកប្រដាល់។
ទេពកោសល្យរបស់ ស្រីពៅ មិនត្រឹមតែមានកម្រិតខ្ពស់លើគុនខ្មែរ ប្រដាល់សេរី និងប្រដាល់សកលប៉ុណ្ណោះទេ ប៉ុន្តែនាងក៏ជាអ្នកលេងក្បាច់គុនចម្រុះ (MMA) ផងដែរ។ ក្នុងឆ្នាំ ២០១៨ ស្រីពៅបានសាកល្បងថ្វីដៃរបស់នាងនៅក្នុងការប្រកួតជើងឯកពិភពលោក Lethwei Championship ហើយត្រូវបានគេដាក់ឈ្មោះថា«អ្នកប្រដាល់ស្រីប្រចាំឆ្នាំ» ។ នាងបានយកឈ្នះលើសង្វៀនក្បាច់គុនចម្រុះពិភពលោកនៅ ONE Championship ឆ្នាំ ២០១៩ ដោយយកឈ្នះកំពូលតារាថៃ Rika Ishige នៅទីក្រុងបាងកក។
នៅ ស្រីពៅ មានឈ្មោះក្នុងក្រុមប្រដាល់សេរីកម្ពុជា ដើម្បីទៅចូលរួមការប្រកួតកីឡាអាស៊ីអាគ្នេយ៍ (ស៊ីហ្គេម) លើកទី៣១ នៅប្រទេសវៀតណាម ដែលនាងនឹងប្រកួតក្នុងប្រភេទទម្ងន់៥២គីឡូក្រាម។ កាលពី៣ឆ្នាំមុន នាងក៏បានចូលរួមប្រកួតស៊ីហ្គេមលើកទី៣០ នៅហ្វីលីពីន ។ នាងបានយកឈ្នះ Nelly របស់មីយ៉ាន់ម៉ាដោយពិន្ទុ 5-0 ក្នុងវគ្គ 1/4 ផ្តាច់ព្រ័ត្រ ប៉ុន្តែទីបំផុតបានចាញ់ម្ចាស់ជើងឯក Nguyen Thi Tam (វៀតណាម) ក្នុងវគ្គពាក់កណ្តាលផ្តាច់ព្រ័ត្រ ។ ជាមួយនឹងបទពិសោធន៍ដ៏សម្បូរបែប ស្រីពៅ ជឿជាក់ថា នាងនឹងសម្របខ្លួនបានល្អក្នុងកីឡាប្រដាល់សេរី និងមានបំណងឈ្នះមេដាយស៊ីហ្គេមជូនប្រទេសជាតិ។
កីឡាការិនីប្រដាល់ នៅ ស្រីពៅ ជានារីខ្មែរដំបូងដែលអាចប្រកួតឈ្នះលើសង្វៀនប្រដាល់ទាំងថ្នាក់ជាតិ និងអន្តរជាតិធំៗ ។ ត្បិតតែមានរូបរាងតូចច្រមក់ តែម្ចាស់មេដាយមាសគុនខ្មែរដែលមានអាយុទើបតែ២៦ឆ្នាំរូបនេះ មានចិត្តតស៊ូខ្លាំង រហូតអាចវិវត្តសមត្ថភាពលើប្រភេទក្បាច់គុនប្រដាល់ ទាំងគុនខ្មែរ គុនចម្រុះ ប្រដាល់សកល MMA និង Kick-boxing។
ស្រីពៅ អាចធ្វើបានព្រោះមានការតាំងចិត្តខ្ពស់ចង់ធ្វើអ្វីដោយខ្លួនឯង និងចង់ជម្នះការចំអកថា មនុស្សស្រីមកវ៉ៃបុកមិនកើតទេ នាំតែឈឺសាច់ ។
នៅ ស្រីពៅ ដែលគេកំពុងទទួលស្គាល់ថាជា កីឡាការិនីគុនខ្មែរលំដាប់ជួរមុខនោះ មានប្រវត្តិពីកម្មការិនីរោងចក្រមុនប្រែក្លាយឈ្មោះឲ្យល្បីរន្ទឺនៅក្នុងពិភពប្រដាល់ ។ មិនតែប៉ុណ្ណោះ ស្រីពៅ បានបង្ហាញមោទនភាពជាតិ មោទនភាពខ្លួនឯង និងគ្រួសារតាមរយៈការទទួលជ័យជម្នះលើឆាកអន្តរជាតិជាបន្តបន្ទាប់នាពេលថ្មីៗនេះ ជាពិសេសនៅសង្វៀនកម្រិតពិភពលោក One Championship។ ស្រីពៅ បានចូលបម្រើការងារនៅរោងចក្រកាត់ដេរមួយកន្លែងម្ដុំព្រែកថ្លឹង បានរយៈពេល ១ឆ្នាំមុនពេលឈានជើងចូលហ្វឹកហាត់ប្រដាល់ ដែលជាក្ដីស្រលាញ់របស់ខ្លួន។
កីឡាការិនីវ័យ ២៦ ឆ្នាំ រូបនេះបានរំលឹកថា៖
«មុនដំបូង ខ្ញុំចូលធ្វើការរោងចក្របានប្រហែល ១ឆ្នាំបង មុនពេលចូលហ្វឹកហាត់ប្រដាល់ ។ ខ្ញុំធ្វើការងាររោងចក្រអំឡុងឆ្នាំ ២០១៣ ហើយចូលហាត់ប្រដាល់ដើមឆ្នាំ ២០១៤ ជាមួយបងប្រុសខ្ញុំ នៅ ស៊ីថា ។ ពេលខ្ញុំនៅធ្វើការងារ ខ្ញុំសុំ និង លួងម៉ាក់ខ្ញុំ ថាចង់ហាត់ប្រដាល់ ព្រោះប៉ាខ្ញុំគាត់អត់ឃាត់ទេ ។ ទម្រាំសុំបានរហូតដល់គាត់ថា អូខេ ខ្ញុំក៏ទៅហាត់ប្រដាល់តែម្ដង ហើយដាក់ពាក្យឈប់ពីរោងចក្រយ៉ាងលឿន។»
ក្រោយចូលហ្វឹកហាត់ប្រដាល់ដែលបង្ហាត់ដោយគ្រូបង្វឹក ញ៉ូវ ម៉ាក និង លោក ម៉ាក សាខន នៅក្លិបតាឡីដំរីមានរិទ្ធិ បានត្រឹមរយៈពេលមួយខែ ស្រីពៅ ក៏មានទីផ្សារឡើងប្រកួតបណ្ដើរៗតាំងពីពេលនោះមក ។ កូនសិស្សលោក ញ៉ូវ ម៉ាក បានបញ្ជាក់ថា ៖«ខ្ញុំចាំការប្រកួតដំបូងគឺ ប៉ះ ប្អូន វី ស្រីខួច ឈ្មោះ វ័ ស្រីល័ក្ខ នៅសង្វៀនប៉ុស្ដិ៍បាយ័ន ។ កាលនោះខ្ញុំឈ្នះពិន្ទុ។ ខ្ញុំហាត់បានតែ ១ខែប៉ុណ្ណោះស្រាប់តែគ្រូដាក់ឲ្យប្រកួត។ ពេលនោះបានតម្លៃខ្លួនប្រហែល ៣០ ម៉ឺន។»
ជាបន្តបន្ទាប់ សមត្ថភាពរបស់ នៅ ស្រីពៅ បានហក់ឡើងជាហូរហែ មិនត្រឹមតែប្រកួតទល់នឹងកីឡាការិនីក្នុងស្រុក ស្រីពៅ ក៏ប៉ះកីឡាការិនីថៃក្នុងគូមិត្តភាពអន្តរជាតិទៀតផងទាំងនៅកម្ពុជា និងនៅប្រទេសថៃ ។ បើនិយាយអំពីការវ៉ៃក្នុងស្រុកបច្ចុប្បន្ន ស្រីពៅ លំបាករកគូប្រកួតណាស់ ព្រោះសមត្ថភាពកាន់តែល្អឡើង ខណៈដែលកីឡាការិនីគុនខ្មែរមិនសូវមានច្រើនផង។
កំណត់ត្រាគួរឲ្យចងចាំចុងក្រោយនេះ ស្រីពៅ បានយកឈ្នះកីឡាការិនីមានបទពិសោធន៍ច្រើនថៃ Rika Ishige ដោយពិន្ទុនៅសង្វៀន One Championship ដែលធ្វើឲ្យមហាជនគាំទ្រប្រដាល់កាន់តែទទួលស្គាល់អំពីសមត្ថភាពរបស់កីឡាការិនីជម្រើសជាតិរូបនេះ ។ អ្នកគាំទ្រសង្ឃឹមថា នៅ ស្រីពៅ នឹងសម្រេចគោលដៅដណ្ដើមបានមេដាយស៊ីហ្គេមលើកទី៣១នេះមកជូនជាតិជាក់ជាមិនខាន។
គួរឱ្យដឹងផងដែរថា ស៊ីហ្គេមលើកទី៣១ នឹងប្រព្រឹត្តទៅចាប់ពីថ្ងៃទី ១២ ដល់ថ្ងៃទី២៣ ខែឧសភា ឆ្នាំ២០២២ ដោយមានកីឡាចំនួន៤០ប្រភេទស្មើនឹង៥២៦វិញ្ញាសាដាក់ឱ្យប្រកួតនៅពហុកីឡដ្ឋានទីក្រុងហាណូយ និងទីក្រុងចំនួន ១១ព្រមទាំងខេត្តជិតខាងនៃប្រទេសវៀតណាម ។
នេះជាស៊ីហ្គេមលើកទី២ហើយដែលវៀតណាមធ្វើជាម្ចាស់ផ្ទះ បន្ទាប់ពីលើកទី១នៅឆ្នាំ២០០៣៕
ចែករំលែកព័តមាននេះ