នាយករដ្ឋមន្ត្រីអង់គ្លេសលោកដាវីដ កាមីរ៉ូន និងភរិយាលោកស្រីសាម៉ានថា ប្រកាសកាលពីថ្ងៃទី២៤ សីហា ថា បានកូនទី៤ម្នាក់ទៀតហើយជាកូនស្រី។ កូនស្រីនាយករដ្ឋមន្ត្រីអង់គ្លេសនេះត្រូវគ្រប់ខែកើតក្នុងខែ កញ្ញាឯណោះ តែត្រូវបង្កើតតាមរយៈការវះកាត់ក្នុងមន្ទីរពេទ្យមួយនៃទីក្រុង CORNOUAILLES (ភាគនិរតីអង់គ្លេស)
នាយករដ្ឋមន្ត្រីអង់គ្លេសលោកដាវីដ កាមីរ៉ូន និងភរិយាលោកស្រីសាម៉ានថា ប្រកាសកាលពីថ្ងៃទី២៤ សីហា ថា បានកូនទី៤ម្នាក់ទៀតហើយជាកូនស្រី។ កូនស្រីនាយករដ្ឋមន្ត្រីអង់គ្លេសនេះត្រូវគ្រប់ខែកើតក្នុងខែកញ្ញាឯណោះ តែត្រូវបង្កើតតាមរយៈការវះកាត់ក្នុងមន្ទីរពេទ្យមួយនៃទីក្រុង CORNOUAILLES (ភាគនិរតីអង់គ្លេស) ជាកន្លែងដែលលោកកាមីរ៉ូន និងភរិយាសំរាកវិស្សមកាល។ នាយករដ្ឋមន្ត្រីអង់គ្លេស និងភរិយាមានក្តីរីករាយប្រកាសពីកំណើតកូនទី៤ជាកូនស្រីមានទំងន់២,៧៥គីឡូក្រាម ហើយលោកស្រីសាម៉ានថា មានសុខភាពល្អ។ ប្តីប្រពន្ធរបស់មេដឹកនាំអង់គ្លេសនៅពុំទាន់ប្រកាសឈ្មោះរបស់កូនស្រីនេះនៅឡើយ តែអ្នកទាំង២បានថ្លែងអំណរគុណចំពោះវេជ្ជបណ្ឌិត និងក្រុមគិលានុបដ្ឋាយិកាមន្ទីរពេទ្យ TRURO ដែលបានជួយក្នុងការបង្កើតកូននេះ។ លោកដាវីដកាមីរ៉ូន អាយុ៤៣ឆ្នាំ ហើយលោកស្រីសាម៉ានថា អាយុ៣៩ឆ្នាំមានកូន៣នាក់រួចមកហើយ។ កូនប្រុសច្បងឈ្មោះអ៊ីវ៉ានបានស្លាប់កាលពីគេមានអាយុ៦ឆ្នាំកាលពីខែកុម្ភៈ ឆ្នាំ២០០៩ ដោយសារជំងឺរលាកខួរក្បាល។ កូន២នាក់ទៀតគឺកូនស្រីអាយុ៦ឆ្នាំឈ្មោះណានសីុ និងកូនប្រុសអាយុ៤ឆ្នាំ ឈ្មោះអារឆៀរ៕
ចែករំលែកព័តមាននេះ