រាជធានីភ្នំពេញ ៖ កុមារកំព្រា និងចាស់ជរាមួយចំនួន រស់នៅមជ្ឈមណ្ឌលកុមារកំព្រាកៀនឃ្លាំង ស្ថិតនៅសង្កាត់ជ្រោយចង្វាររាជធានីភ្នំពេញ បានទទួលអំណោយ និងសម្ភារសិក្សាមួយចំនួន ព្រមទាំងទទួលនូវពាក្យបណ្តាំផ្ញើជាច្រើន ក្នុងន័យលើកទឹកចិត្តដើម្បីអនាគតរបស់ប្អូនៗជំនាន់ក្រោយ។
ការរៀបចំនេះ បានធ្វើឡើងកាលពីព្រឹកថ្ងៃទី៨ តុលា ២០១៦ ដោយមានវត្តមានលោកកុយ ស៊ីឌឿន និងភរិយាអ្នកស្រីហួត សុភាពកូនប្រុសរបស់លោក និងតារាសិល្បៈមួយចំនួន មានលោកស្រីចាន់ តារាទី អ្នកស្រីហែម សុវណ្ណ ផងដែរ ព្រមទាំងប្អូនៗកុមារកំព្រា និងជនចាស់ជរាមួយចំនួនទៀត។
លោកកុយ ស៊ីឌឿន អតីតជាកុមារកំព្រាធ្លាប់រស់នៅទីតំបន់នេះ បានថ្លែងថា លោកតែងតែឆ្លៀតពេលពាំនាំសម្ភារមួយចំនួនទាក់ទងនឹងការសិក្សាដូចជាប៊ិច សៀវភៅ ខ្មៅដៃ បន្ទាត់ ព្រមទាំងថវិកា គ្រឿងឧបភោគ បរិភោគ ជាអង្ករទឹកត្រី ទឹកស៊ីអ៊ីវ ជាដើមដើម្បីចែកជូនកុមារប្អូនៗ នៅទីនេះ ។
ការរំលេចរូបភាពនេះ សារជាថ្មី ដើម្បីឆ្លើយតបនឹងភាពខ្វះខាតរបស់ពួកគេដែលប្រឈម បើទោះជារបស់របរដែលរៀបចំជូននេះមានសភាពតិចតួច ប៉ុន្តែក៏ជាការដោះស្រាយមួយចំនួនដែរ ។ លោកបន្តថា ឆ្លៀតពេលនេះ លោកបានសួរនាំ និងលើកទឹកចិត្តកុមារប្អូនៗ ពិសេសអ្នកទើបប្រឡងជាប់បាក់ឌុបឲ្យខិតខំរៀន ព្រោះអ្នករៀនចេះដឹង គឺអនាគតអាចនឹងសង្ឃឹមច្រើនជាងអ្នកអត់ចេះ ។
ប្លែកទៀតនេះ គឺចៀសឱ្យឆ្ងាញពីគ្រឿងញៀន ខិតខំរៀនហោចណាស់ មានកន្លែងរស់នៅមិនលំបាក ដឹងតែពីរៀនជានិស្សិត ខ្លះអត់កន្លែងនៅជួលផ្ទះគេ និងខំរកការងារធ្វើដោះស្រាយជីវភាពទៀត ។ ដោយធ្លាប់ឌិតដាមនូវភាពកម្សត់នៅតំបន់នេះ លោកមិនភ្លេចឡើយ ទោះជាដល់ទីណានៅតែឆ្លៀតជួយ ។
ជាការឆ្លើយតប លោកក៏ត្រៀមដឹកនាំប្អូនៗ កុមារនិងបងប្អូននៅទីនេះ រៀបចំដំណើរកម្សាន្តទៅកាន់ក្រុងព្រះសីហនុ នាពេលខាងមុខដើម្បីលើកទឹកចិត្តតាមការសន្យាផងដែរ។
តំណាងយុវជនដែលជាកុមារកំព្រា ទើបតែជាប់បាក់ឌុប បានថ្លែងអំណរគុណដល់លោកកុយ ស៊ីឌឿន និងភរិយា ដែលជួយពួកគេជាប់ រហូតឲ្យតែដឹងថា ខ្វះខាត ។ លើសពីនេះ បានជួយផ្តល់ពាក្យពេចន៍ទូន្មានល្អៗ ជាគន្លឹះ សម្រាប់ឲ្យបានចេះដឹងតស៊ូ ក្នុងជីវិតឬតែងតែដាស់តឿន ឲ្យពួកគេរៀនសូត្រ ដោយពួកយើងតែងតែអនុវត្តាមជានិច្ច ។ សូមឱ្យក្រុមគ្រួសារជួបប្រទះតែសេចក្តីសុខជារៀងរហូត។
ចែករំលែកព័តមាននេះ