រាជធានីភ្នំពេញ ៖ តាមកិច្ចសន្យារបស់លោកសន វិជ្ជបុត្រ បានយកអង្ករ២តោន និងថ្នាំពេទ្យជាច្រើន ចែកជូនជនក្រីក្រ១០០គ្រួសារ ស្ថិតនៅស្រុកកំណើត ។ ដូចការសន្យាតារាចម្រៀងសន វិជ្ជបុត្រ រូបនេះ បានបញ្ជាក់ជំហច្បាស់ៗថា រូបគេនឹងជួយទិញស្រូវអង្ករប្រជាកសិករ មកចែកជូនជនក្រីក្រឆាប់ៗនេះ ។
រាជធានីភ្នំពេញ ៖ តាមកិច្ចសន្យារបស់លោកសន វិជ្ជបុត្រ បានយកអង្ករ២តោន និងថ្នាំពេទ្យជាច្រើន ចែកជូនជនក្រីក្រ១០០គ្រួសារ ស្ថិតនៅស្រុកកំណើត ។ ដូចការសន្យាតារាចម្រៀង សន វិជ្ជបុត្រ រូបនេះ បានបញ្ជាក់ជំហច្បាស់ៗថា រូបគេនឹងជួយទិញស្រូវអង្ករប្រជាកសិករ មកចែកជូនជនក្រីក្រឆាប់ៗនេះ ។
ពេលនេះ លោកបានរំលេចឡើងចេញជារូបរាងយ៉ាងជាក់ប្រាកដ ដោយទិសដៅរបស់តារាមនុស្សធម៌រូបនេះ បានធ្វើឡើងនៅខេត្ត ព្រៃវែង ជាទីដែលលោកចង់ជួយមុនគេ ។
តារាចម្រៀងចិត្តធម៌ សន វិជ្ជបុត្រ បានយកអង្ករចំនួន២តោន និងសម្ភារមួយចំនួន បានមកពីទឹកចិត្តសប្បុរសជន ចែកជូនដល់ចាស់ជរាជនគ្មានទីពឹង១០០គ្រួសារ នាស្រុកកំណើតតាមការសន្យា ។ ការជូនអំណោយនេះ បានធ្វើឡើងក្រោយពីប្រកាសទិញកសិផលកសិករ ដែលកំពុងខ្វះខាតទីផ្សារកន្លងមក និងអាចចូលរួមធ្វើបុណ្យដាក់ទានដល់ក្រុមគ្រួសារ ដែលមានជីវភាពលំបាកពិតប្រាកដដោយផ្ទាល់ដៃ ។
ការប្រគល់នេះ ត្រូវបានធ្វើឡើងកាលពីល្ងាចថ្ងៃទី០៣ តុលា ២០១៦ នេះ នៅលើទឹកដីកំណើតនាឃុំធាយ ស្រុកបាភ្នំខេត្ត ព្រៃវែងដោយមានវត្តមានសិល្បករមួយចំនួនចូលរួមផងដែរ ។ លោក សន វិជ្ជបុត្រ បញ្ជាក់ថា ក្រោយពីបានឃើញពីការខ្វះខាតទីផ្សារលក់ផលិតផលកសិកម្មរបស់កសិករខ្មែរ ធ្វើឲ្យលោកកើតចិត្តអាណិតដល់ពួកគាត់ ព្រោះតែលោកក៏ធ្លាប់ឆ្ងងកាត់ជីវិតជាកូនអ្នកកសិករម្នាក់ដែរ ដែលដឹងពីការលំបាកក្នុងការធ្វើស្រែចម្ការ ប៉ុន្តែអ្វីដែលកាន់តែលំបាក គឺការធ្វើស្រែចម្ការបានទៅជាគ្មានទីផ្សារទៅវិញ ។
លោកបន្តថា លោកមិនមានធនធានអ្វីច្រើនជាដុំកំភួនទេគឺមានតែទឹកចិត្ត ហើយតាមរយៈទឹកចិត្ត និងទំនុកចិត្តពីបងប្អូន និងអ្នករួមអាជីពទើបមានសប្បុរសជនមួយចំនួនបានរួមចំណែកជាមួយលោកក្នុងការជួយដល់កសិករក៏ដូចជាអាចចែករំលែកដាក់ទានដល់ជនក្រីក្រនាស្រុកកំណើត។
លោកបន្តថា ដើមឡើយលោកគម្រោងទិញស្រូវ២តោន ប៉ុន្តែដោយមានការគាំទ្រពីសប្បុរសជនមួយចំនួនទើបទិញបានជាអង្ករបាន២តោនវិញ។ លោកបន្តថា អ្វីដែលលោកចង់ធ្វើផងដែរគឺចង់ឲ្យជីដូននិងជីតានៅស្រុកកំណើតបានធ្វើបុណ្យដាក់ទាននៅរដូវបុណ្យភ្ជុំបិណ្ឌ ប៉ុន្តែពេលនេះជីដូនរបស់លោកបានធ្លាក់ខ្លួនឈឺសម្រានជាប់នៅនឹងកន្ទេលទៅហើយ ប៉ុន្តែលោកនិងជីតានៅតែបន្តគម្រោងតាមការសន្យាដើម្បីតបតាមការផ្តល់ទំនុកចិត្តពីមិត្តភ័ក្កិបងប្អូន។
លោក សន វិជ្ជបុត្របញ្ជាក់ថាសប្បុជនសង្គ្រោះចាស់ជរា នឹង ក្មេងកំព្រា ១០០គ្រួសារ នៅតំបន់ខាងលើមានដូចជាលោក ឆាលី លោក ចាយ រីលិន លោក អែនណា វីតា អ្នកស្រី Kate Tiana នៅប្រទេសអូស្ត្រាលីនិងលោក អ៊ំ ប្រធាន សមាគន៌ខ្មែរអូស្ត្រាលី។ ក្រៅពីនេះមាន កញ្ញាផល្លា ថាច លោក Vincent ha dinh លោកស្រី ពូន ម៉ាលីលី លោកស្រី ពូន ម៉ាលីដាលោក ពូន ម៉ាដេត លោកស្រី ផេង 30 រស់នៅសហរដ្ឋអាមេរិក។
លោកបញ្ជាក់ថា សរុបអំណោយសម្រាប់១០០គ្រួសារខាងលើទាំងអស់មានអង្ករ ចំនួន ២ តោន សារុង ១០០ ក្រមា ១០០ ប្រអប់ ថ្នាំពេទ្យ ១០៤ ប្រអប់ ។ លោកបញ្ជាក់ដែរថាក្រុមគ្រួសារទាំង១០០គ្រួសារដែលទទួលបានអំណោយទាំងនេះសុទ្ធតែជាជនចាស់ជរា កុមារកំព្រាដែលកំពុងរស់នៅប្រឈមនឹងការខ្វះខាតលើផ្នែកជីវភាពរស់នៅ។ បើទោះបីជាអំណោយរបស់លោក និងសប្បុរសជនមិនអាចសម្រាលការខ្វះខាតរបស់ពួកគាត់ទាំងស្រុងក្តីក៏ជាការឆ្លុះបញ្ចាំងពីទឹកចិត្ត និងការចែករំលែកជួយគ្នាក្នុងគ្រាមានអាសន្ន ក្នុងនាមជាខ្មែរដូចគ្នា៕
ជាការមើលឃើញលោកវិជ្ជបុត្របានតាំងចិត្តថាក្នុងជាតិនេះលោកមិនចង់បានអ្វីនោះទេក្រៅពីសាងអំពើល្អព្រោះវាមិនសាបសូន្យព្រោះស្លាប់ទៅយកធ្វីទៅមិនបាននោះទេក្រៅតែពីអំពើល្អគេស្គាល់។លោកមិនមានទ្រព្យអ្វីច្រើនក្រៅតែពីការអំពាវនាវពីសប្បុរសជននានាទាំងក្នុងនិងក្រៅប្រទេសហើយអំណោយរបស់លោកមានដល់ដៃជនទាល់ក្រអត់លាក់បាំងទើបអ្នកជាម្ចាស់អំណោយមានទំនុកចិត្តលើរូបលោកបានជាទុកឲ្យចាត់ចែងការងារនេះ ។
ចែករំលែកព័តមាននេះ