ខេត្តព្រៃវែង ៖ កំលាំងអន្តរាគមន៍បង្ក្រាបនៃអគ្គនាយកដ្ឋានពេទ្យសត្វក្រសួងកសិកម្ម កាលពីល្ងាចថ្ងៃទី២១ មេសាបានចេញស្ទាក់ឃាត់រថយន្តកូរ៉េចំនួន2គ្រឿង នៅលើកំណាត់ផ្លូវជាតិលេខ1 ត្រង់ចំណុចភូមិស្ទឹងស្លួត ឃុំអ្នកលឿង ស្រុកពាមរក៍ ខេត្តព្រៃវែង…
ខេត្តព្រៃវែង ៖ កំលាំងអន្តរាគមន៍បង្ក្រាបនៃអគ្គនាយកដ្ឋានពេទ្យសត្វក្រសួងកសិកម្ម កាលពីល្ងាចថ្ងៃទី២១ មេសាបានចេញស្ទាក់ឃាត់រថយន្តកូរ៉េចំនួន2គ្រឿង នៅលើកំណាត់ផ្លូវជាតិលេខ1 ត្រង់ចំណុចភូមិស្ទឹងស្លួត ឃុំអ្នកលឿង ស្រុកពាមរក៍ ខេត្តព្រៃវែង ។
រថយន្តទាំង២គ្រឿងនេះ ដឹកសត្វជ្រូករស់ចំនួន115ក្បាល ក្នុងនោះ រថយន្តទី1 ពាក់ស្លាកលេខភ្នំពេញ 3C-0757 ផ្ទុកជ្រូករស់ចំនួន55ក្បាល នាំយកមកពីខេត្តស្វាតរៀង និងរថយន្តទី2 ពាក់ស្លាកលេខ ភ្នំពេញ 3D-6028 ផ្ទុកជ្រូករស់ចំនួន60ក្បាល នាំយកមកពីឃុំព្រៃឈរ ស្រុកកំពង់ត្របែក ខេត្តព្រៃវែង គោលដៅរថយន្តទាំង2នេះ គឺនាំជ្រូកយកទៅផ្គត់ផ្គង់ទីផ្សារក្នុងរាជធានីភ្នំពេញ ប៉ុន្តែពេលមកដល់ចំណុចទីតាំងខាងលើ ក៏ត្រូវបានមន្ត្រីជំនាញនាយកដ្ឋានពេទ្យសត្វ ចាប់ឃាត់តែម្តង។
លោក ចិន វិសាល ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តព្រៃវែង បានអោយដឹងថា ការចាប់ឃាត់រថយន្តទាំង2គ្រឿងនេះ គឺដោយមានការសង្ស័យថា ជាសត្វជ្រូកដែលឈ្មួញលួចបន្លំនាំចូលពីប្រទេសវៀតណាម ប៉ុន្តែក្រោយពីត្រួតពិនិត្យឯកសារពាក់ព័ន្ធ ដែលឈ្មួញម្ចាស់ជ្រូកយកមកបង្ហាញឃើញថា ជាជ្រូកក្នុងស្រុកមន្ត្រីជំនាញ ក៏ប្រគល់សត្វជ្រូកទាំងអស់ទៅអោយម្ចាស់វិញ និងណែនាំឈ្មួញ កុំអោយលួចបន្លំនាំយកជ្រូកពីប្រទេសវៀតណាម ចូលមកលក់ក្នុងស្រុកអោយសោះ។
ចែករំលែកព័តមាននេះ