រុស្ស៊ីសាកល្បងមីស៊ីលបាលីស្ទិកខ្នាតយក្ស គ្មានប្រព័ន្ធការពារណាអាចចាប់បាន
រុស្ស៊ី ៖ ប្រទេសរុស្ស៊ី កាលពីពេលថ្មីៗនេះ បានសាកល្បងកាំជ្រួចអន្តរទ្វីបថ្មី ដែលមានសមត្ថភាពវាយប្រហារអឺរ៉ុប និង
រុស្ស៊ី ៖ ប្រទេសរុស្ស៊ី កាលពីពេលថ្មីៗនេះ បានសាកល្បងកាំជ្រួចអន្តរទ្វីបថ្មី ដែលមានសមត្ថភាពវាយប្រហារអឺរ៉ុប និងសហរដ្ឋអាមេរិក។ នេះបើយោងតាមប្រភពពី Metro ចេញផ្សាយកាលពីថ្ងៃ២០ មេសា កន្លងទៅ។
ប្រធានាធិបតីរុស្ស៊ី លោក Vladimir Putin បានលើកឡើងថា ការសាកល្បងប្រកបដោយជោគជ័យនៃគ្រាប់រ៉ុក្កែត ដែលមានរហស្សនាមថា «Satan II» នៅភាគខាងលិច នឹងក្លាយជាការផ្ញើសារដ៏សំខាន់ទៅកាន់ពិភពលោកទាំងមូល។
«Satan II» ឬ «RS-28 Sarmat» ស្ថិតក្នុងការអភិវឌ្ឍន៍អស់ជាច្រើនឆ្នាំ។ ហើយវាត្រូវបានបម្រុងទុកសម្រាប់វិធីសាស្ត្រចែកចាយសម័យសង្គ្រាមត្រជាក់បច្ចុប្បន្នរបស់វិមានក្រឹមឡាំង។ វាត្រូវបានរាយការណ៍ថា អាចផ្ទុកទម្ងន់ ១០តោន រួមទាំងនុយក្លេអ៊ែ និងអាចកំណត់ទីតាំងជាច្រើនក្នុងពេលតែមួយ។ សេចក្តីថ្លែងការណ៍ពីប្រព័ន្ធផ្សព្វផ្សាយរដ្ឋរុស្ស៊ីបានឱ្យដឹងថា វាគឺជាកម្មវិធីដំបូងគេនៅក្នុងកម្មវិធីនៃការធ្វើតេស្តដែលបានគ្រោងទុក។
លោក ពូទីន បានថ្លែងសុន្ទរកថាតាមទូរទស្សន៍ថា «អាវុ.ធថ្មីនេះ មានលក្ខណៈយុទ្ធសាស្ត្រ និងបច្ចេកទេសខ្ពស់បំផុត។ ហើយមានសមត្ថភាពអាចយកឈ្នះគ្រប់មធ្យោបាយទំនើបទាំងអស់នៃប្រព័ន្ធការពារប្រឆាំងនឹងគ្រាប់មីស៊ីល។ អាវុ.ធពិសេសនេះ នឹងពង្រឹងសក្តានុពលប្រយុទ្ធរបស់កងកម្លាំងប្រដាប់អាវុ.ធ និងធានាបាននូវសុវត្ថិភាពរបស់រុស្ស៊ីពីការគំរា.មកំហែងខាងក្រៅ។ និងជាអាហារសម្រាប់ការគិតដល់អ្នកព្យាយាមគំរា.មកំហែងប្រទេសរបស់យើង»។
បើយោងតាមមជ្ឈមណ្ឌលសិក្សាយុទ្ធសាស្ត្រ និងអន្តរជាតិ (CSIS) បានបង្ហាញថា មីស៊ីលនេះ មានសមត្ថភាពបំពាក់ក្បាលគ្រាប់នុយក្លេអ៊ែរ។ វាមានប្រវែង៣៥,៣ម៉ែត្រ និងអង្កត់ផ្ចិត៣ម៉ែត្រ។ ដោយអាចផ្ទុកទម្ងន់ ១០តោន និងអាចផ្ទុកនូវជម្រើសក្បាលគ្រាប់ជាច្រើនប្រភេទផងដែរ។
ដោយឡែកប្រព័ន្ធផ្សព្វផ្សាយរុស្ស៊ីបានរាយការណ៍ថា វាអាចផ្ទុកក្បាលគ្រាប់បានរហូតដល់ទៅ ១០ក្បាល និងក្បាលគ្រាប់តូចៗចំនួន ១៦គ្រាប់ រួមជាមួយវិធានការតបតដែលមានល្បឿនលឿនជាងសំឡេង៕ (ដកស្រង់ចេញពី Metro, The Sun និង Daily Mail)
ចែករំលែកព័តមាននេះ