ខេត្តបន្ទាយមានជ័យ ៖ បន្ទាប់ពីមានការចុះផ្សាយលើគេហទំព័រកោះសន្តិភាព ពាក់ព័ន្ធក្មេងស្រី២នាក់ ជាបងប្អូនបង្កើត ដែលត្រូវឪពុកម្តាយស្លា.ប់ចោលនោះ កាលពីព្រឹកថ្ងៃទី២៣ កញ្ញា នេះ បានទទួលអំណោយពីសាខាកាកបាទក្រហមកម្ពុជាខេត្ត ដែលធ្វើឡើងស្ថិតនៅភូមិអូរអំពិល សង្កាតអូរអំពិល ក្រុងសិរីសោភ័ណ ។
ខេត្តបន្ទាយមានជ័យ ៖ បន្ទាប់ពីមានការចុះផ្សាយលើគេហទំព័រកោះសន្តិភាព ពាក់ព័ន្ធក្មេងស្រី២នាក់ ជាបងប្អូនបង្កើត ដែលត្រូវឪពុកម្តាយស្លាប់ចោលនោះ កាលពីព្រឹកថ្ងៃទី២៣ កញ្ញា នេះ បានទទួលអំណោយពីសាខាកាកបាទក្រហមកម្ពុជាខេត្ត ដែលធ្វើឡើងស្ថិតនៅភូមិអូរអំពិល សង្កាតអូរអំពិល ក្រុងសិរីសោភ័ណ ។ គួរបញ្ជាក់ថា ក្មេងកំព្រាលើកដៃប្រណម សុំក្តីមេត្តាជួយនាងឱ្យរៀនដល់ទីបញ្ចប់ផង
លោកលី សារី អភិបាលរងខេត្ត និងជាប្រធានសាខាកាកបាទក្រហមកម្ពុជាខេត្តបន្ទាយមានជ័យបានឱ្យដឹងថា ក្រោយពេលទទួលបានដំណឹងថា មានក្មេងស្រី២នាក់បងប្អូនត្រូវឪពុកម្តាយស្លាប់ចោលកំពុងរស់នៅកំព្រាឯកា ដោយមានការមើលថែជីដូនធម៌ និងអ្នកជិតខាងជួយមើលដែរ ទើបនាំសមាជិកយកអំណោយសាខាកាកបាទក្រហមកម្ពុជាខេត្ត ទៅប្រគល់ជូនផ្ទាល់ដៃតែម្តង ។
លោកបញ្ជាក់ថា ដោយមានការណែនាំខ្ពស់ពីសម្តេចកិត្តិព្រឹទ្ធបណ្ដិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាតែងតែយកចិត្តទុកដាក់ នាំយកអំណោយចែកជូនមានអង្ករ៦០គីឡូក្រាម ត្រីខ ១០កំប៉ុង មី០១កេស សាប៊ូម្សៅ ០១គីឡូក្រាម ប្រេងឆា ១លីត្រ ទឹកត្រី ទឹកស៊ីអ៊ីវ៦ដប សារុង១ ក្រម៉ា១ មុង១ ភួយ១ កម្រាល.ស១ដុំ ទឹកដោះគោខាប់២កំប៉ុង ស្ករ.ស១គីឡូក្រាម ថវិកា១០ម៉ឺនរៀល និងអនុសាខាកាកបាទក្រហមក្រុងសិរីសោភ័ណឧបត្ថម្ភ៥ម៉ឺនរៀល ។
ក្នុងនាមគ្រួសារលោកលី សារី អភិបាលរងខេត្ត ប្រធានសាខាកាកបាទក្រហមកម្ពុជាខេត្ត បានជួយឧបត្ថម្ភសម្រាប់ក្មេងស្រីទាំង២នាក់មានសំលៀកបំពាក់ និងសម្ភារសិក្សាផងដែរ ។
ចែករំលែកព័តមាននេះ