ខេត្តស្វាយរៀង ៖ កម្មវិធីកាន់បិណ្ឌវេនទី៦ ឆ្នាំថ្មីនេះ ម្ចាស់ដើមបុណ្យ និងបានរួមសហការជាមួយពុទ្ធបរិស័ទនានា នាំយកទេយ្យទានជាច្រើន ទៅវេរប្រគេនជូនទីអារាមនានាចំនួន១២វត្ត ក្នុងខេត្តស្វាយរៀង។
ខេត្តស្វាយរៀង ៖ កម្មវិធីកាន់បិណ្ឌវេនទី៦ ឆ្នាំថ្មីនេះ ម្ចាស់ដើមបុណ្យ និងបានរួមសហការជាមួយពុទ្ធបរិស័ទនានា នាំយកទេយ្យទានជាច្រើន ទៅវេរប្រគេនជូនទីអារាមនានាចំនួន១២វត្ត ក្នុងខេត្តស្វាយរៀង។
ចាត់ទុកថា ជាឱកាសពិសេសរហូតអាចថា ជាយុទ្ធនាការបិណ្ឌកម្របានជួប ព្រោះតែ១ថ្ងៃ បានចូលដាក់បិណ្ឌដល់ទៅ១២វត្ត ធ្វើឲ្យម្ចាស់ទាន មានទឹកចិត្តជ្រះថ្លា ជាពន់ពេក ។
ឱកាសដាក់បិណ្ឌនេះ រៀបចំឡើងកាលពីថ្ងៃទី២២ កញ្ញា ស្ថិតនៅតាមភូមិស្រុកមួយចំនួនក្នុងខេត្តស្វាយរៀង ដែលពិធីនេះ មានការចូលរួមពីលោកជំទាវ សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍ ព្រមទាំងឧបាសិកាសៀង សុខហឿង ត្រូវជាម្តាយនិងលោកជំទាវឌួង វណ្ណា តំណាងរាស្ត្រនៃខេត្តស្វាយរៀង រួមទាំងញាតិញោមពុទ្ធបរិស័ទជាច្រើនរូបផងដែរ ។
ក្នុងពិធីនោះ អ្វីដែលបានបង្ហាញពីសភាពពិសេសប្លែក គឺក្នុងរយៈពេលតែមួយថ្ងៃ កម្មវិធីបានរៀបចំសម្រេចគោលដៅដាក់បិណ្ឌតាមវត្ត នៅតាមភូមិ-ឃុំនានា រហូតបានដល់ចំនួន១២វត្ត សមតាមគោលដៅមិនឲ្យបងប្អូនពុទ្ធបរិស័ទ មានភាពខ្វះខាត និងចន្លោះចង្ហាន់ឡើយ ។
លើសពីនេះ យើងសង្កេតឃើញថា ទាំង១២វត្តនាខេត្តស្វាយរៀង មានវត្តខ្លះទ្រុឌទ្រោម តាមផ្នែកខ្លះ និងខ្លះខ្វះអណ្តូងទឹក ក៏ត្រូវបានម្ចាស់ទានជួយឧបត្ថម្ភតាមសទ្ធាជ្រះថ្លា ចេញពីចិត្តជួយកសាងធ្វើឲ្យព្រះសង្ឃ មានចិត្តត្រេកអរផងដែរ ក្រោយម្ចាស់ជំនួយបើកចិត្តទូលាយ ។
ព្រះតេជគុណ នី សុវណ្ណមុនីរ៉េត គង់នៅកុដិលេខ២៤ នៃវត្តនាគវ័នរាជធានីភ្នំពេញ ដែលបានរៀបចំកម្មវិធីបិណ្ឌទី៦ នាខេត្តស្វាយរៀង ព្រមទាំងសហការជាមួយលោកជំទាវសៀង ចាន់ហេង បានមានសង្ឃដីកាថា ថ្ងៃនេះព្រះអង្គ និងលោកជំទាវសៀង ចាន់ ហេង បានរៀបចំបណ្តាចង្ហាន់ជាច្រើន និងទេយ្យវត្ថុមានជាគ្រឿង ឧបភោគបរិភោគមួយចំនួនយកមកវេប្រគេនជូនព្រះសង្ឃយាយជីតាជី គង់តាមបណ្តាវត្តជាច្រើននាខេត្តស្វាយរៀង ។
តាមទិសដៅក្រុមការងារបានដាក់ចិត្តដាក់កាយធ្វើយ៉ាងណា ខិតខំសម្រេចគោលដៅដាក់បិណ្ឌឲ្យបាន១២វត្ត នៅតំបន់នេះ យោងលើផ្លូវឆ្ងាយ និងមានចំនួនពុទ្ធបរិស័ទទៅមិនបានច្រើនគ្នា ។ ម្ល៉ោះហើយ គួបផ្សំនៅខេត្តស្វាយរៀងនេះ ជាទឹកដីកំណើតរបស់ព្រះអង្គផង ទើបរៀបចំក្នុងឱកាសថ្ងៃកាន់បិណ្ឌនារដូវភ្ជុំបិណ្ឌនេះតែម្តង ស្របពេលលោកជំទាវសៀង ចាន់ហេង និងអ្នកម្តាយ ក៏មានទឹកចិត្តមកធ្វើបុណ្យជាមួយអាត្មាចំណាយទឹកប្រាក់ជាច្រើនផង ទើបសម្រេចគោលដៅ ។
ព្រះគ្រូដែលតែងតែរំលេចការចែកទានមិនប្រកាន់ជនទីទ័លក្របានបន្តទៀតថា ជាលទ្ធផល គឺយើងទទួលបានជោគជ័យជាស្ថាពរតាមគោលដៅ ហើយញាតិញោម ក៏ពេញចិត្តទាំងអស់គ្នា គ្រាអំណោយជាច្រើនបានទៅដល់ដៃប្រជាជន និងព្រះសង្ឃទោះផ្លូវលំបាកពីភូមិមួយ ទៅភូមិមួយ ។ អ្វីកាន់តែពិសេស គឺអាកាសធាតុ គឺអំណោយផលណាស់ដូចបុណ្យជួយវិញ គឺមិនមានភ្លៀងរហូតទាល់តែអស់កម្មវិធី ទើបព្រះភិរុណបង្អុរមកយ៉ាងជោកជាំតែម្តង។
គួរបញ្ជាក់ថា វត្តទាំង១២ ក្នុងខេត្តស្វាយរៀង ដែលពុទ្ធបិស័ទទាំងអស់រួមគ្នាចូលរួមមានវត្តស្វាយជ្រំ, វត្តស្វាយព្រហូត , វត្តចារ, វត្តស្វាយផ្អែម, វត្តស្វាតសណ្តោត, វត្តសូរ, វត្តបល្ល័ងជា, វត្តប្រាសាទ (ក្តីស្លា), វត្តព្រៃបន្ទាយ, វត្តអង្គរស, វត្តឈូកមាស និងវត្តស្វាយយាជាដើម ។
ចែករំលែកព័តមាននេះ