ស្រុកព្រៃនប់ ៖ ការដំឡើងរូបសំណាក«ព្រះថោងនាងនាគ»នៅមិនទាន់រួចរាល់នៅឡើយ នៅចំណុចរង្វង់មូលចំណុចប្រសព្វ រវាងមហាវិថីជំទាវម៉ៅនិងមហាវិថីឆ្នេររាម ប៉ុន្តែគិតត្រឹមម៉ោងជាង១១ព្រឹកថ្ងៃទី០៧ មេសា ២០២២នេះ ក្រុមការងារដំឡើងបានរូបព្រះថោងមួយកំណាត់ក្រោមហើយ ។ នេះបើតាមក្រុមកាងារប្រាប់មន្ត្រីអ្នកនាំពាក្យសាលាខេត្តព្រះសីហនុ ។
ប្រភពដដែលបានបន្តថា រូបបដិមានេះត្រូវដំឡើងតាមដំណាក់ៗ ដោយពេលថ្ងៃលើករួបបដិមា ពេលយប់ក្រុមការងារនឹងចាក់បេតុង ។
សូមបញ្ជាក់ថា រូបសំណាកបដិមា«ព្រះថោងនាងនាគ! សាងសង់ពីស្ពាន់មានទម្ងន់៦០តោន មានកម្ពស់២១ម៉ែត្រ ចាប់ពីព្រះបាទរហូតដល់ម្កុដ នឹងដាក់តាំងតម្កល់លើបល្ល័ង្គកម្ពស់៦,៣៤ម៉ែត្រ មានអង្កត់ផ្ចិត៩៩ម៉ែត្រ ដោយដាក់តាំងបែរព្រះភក្ត្រ ឆ្ពោះទៅសមុទ្ររាម តាមទម្រង់ «ព្រះថោងតោងស្បៃ» ទ្រង់ដំណើរយាងទៅជួបព្រះមាតាបិតានៅឋានភុជង្គនាគ ជានិម្មិតរូបនៃការកកើតទឹកដីវប្បធម៌ អរិយធម៌ ប្រពៃណីទំនៀមទម្លាប់ខ្មែរ និងជារូបបដិមាធ្វើពីស្ពាន់ធំជាងគេនៅព្រះរាជាណាចក្រកម្ពុជា។សូមរំលឹកថា ៖ រូបសំណាក«ព្រះថោងនាងនាគ»កំពុងដំឡើងមិនទាន់រួចនៅឡើយ
ចែករំលែកព័តមាននេះ