ទាអាំង ឬដុត ជាប្រភេទអាហារដែលសម្បូរលក់តាមដងផ្លូវក្នុងទីក្រុង
- ភ្នំពេញ
រាជធានីភ្នំពេញ ៖ ទាអាំង ត្រីដុត ជ្រូកខ្វៃ ជ្រូកអាំង មាន់ដុត ជាប្រភេទអាហារដែសម្បូរ មានលក់គ្រប់កន្លែងនៅភ្នំពេញ មិនថា…
រាជធានីភ្នំពេញ ៖ ទាអាំង ត្រីដុត ជ្រូកខ្វៃ ជ្រូកអាំង មាន់ដុត ជាប្រភេទអាហារដែសម្បូរ មានលក់គ្រប់កន្លែងនៅភ្នំពេញ មិនថា នៅតាមផ្លូវ ឬក្នុងហាងនោះឡើយ ។ និយាយពីទាដុត ឬអាំងទា វិញ អ្នកជំនាញចម្អិនសត្វទា បានបញ្ជាក់ថា ដើម្បីបានទាអាំង ឬដុតមួយដែលមានរស់ជាតិឆ្ងាញ់ទាមទារនូវបច្ចេកទេស និងទេពកោសល្យចុងភៅ ។
លោក ចាំង ខេងហុង អ្នកចម្អិតទាម្នាក់នៅភ្នំពេញ និយាយថា ទាខ្វៃមិនមែននរណាក៏ចេះដុតហើយមានរសជាតិឈ្ងុយឆ្ងាញ់នោះទេ ។ ការអម្អិនទាឱ្យមានរស់ជាតិឆ្ងាញ់ ទាមទារបច្ចេកទេសក្នុងការដុត ព្រោះថា បើដុតខុសបច្ចេកទេសនោះទាមិនឆ្ងាញ់នោះទ្បើយ ។
អ្នកចម្អិនទាខាងលើ បាននិយាយថា ការផ្សំគ្រឿងភាគច្រើនគឺដូចគ្នា តែអ្វីដែលសំខាន់ទៀតនោះ គឺការវាស់ពេលវេលានៃការចម្អិន ការវាស់កម្តៅ (សីតុណ្ហភាព) រួមទាំងការវាស់កម្ពស់ទាពីចំហាយនៃហ្កាស ឬធ្យូងជាដើម ។ អ្នកជំនាញដុតទាអាំងអំបិលម្ទេស និងទាទឹកឃ្មុំ លោក ចាំង ខេងហុង អះអាងថា ទាដែលមានរសជាតិឈ្ងុយឆ្ងាញ់ មិនសំដៅលើការចម្អិនដោយហ្កាស ឬធ្យូង ដូចការលើកទ្បើងមួយចំនួននោះទេ ។
ដោយអ្នកទទួលទានគាំទ្រស្នាដៃរបស់លោក លោក ខេងហុង ថា ក្នុងមួយថ្ងៃលោកលក់ទាអាំងយ៉ាងតិចពី ៥០០ ទៅ៦០០ ប្រអប់ដែរ និងមានថ្ងៃខ្លះឈានដល់ ១០០០ ប្រអប់ក៏មានដែរ ។ លោកថា ទាអាំងអំបិលម្ទេស និងទាទឹកឃ្មុំរបស់លោកទទួលការគាំទ្រ ឬក៏ពេញនិយមបែបនេះ មិនមែនកើតទ្បើងដោយចៃដន្យនោះទេ តែកើតចេញពីការទទួលស្គាល់ស្នាដៃរបស់លោក រួមនឹងការកសាងកេរ្តិ៍ឈ្មោះរយៈពេលជាច្រើនឆ្នាំមកជាមួយភាពស្មោះត្រង់ និងការគិតគូរពីរស់ជាតិ និងអនាម័យជាកក្តាសំខាន់ ។
លោក ហុង ថាលើសពីអ្វីដែលរៀបរាបខាងលើ លោកតែងតាំងស្ទង់មតិ ស្តាប់សំណូមពរពីអតិថជនមកវិញជាប្រចាំដើម្បីធ្វើការកែសម្រួលរស់ជាតិឆ្លើយតបអតិថជន ។ ក្រៅពីមានបច្ចេកទេសក្នុងការចម្អិតហើយ ការជ្រើសរើសទារស់មកចម្អិនជារឿងសំខាន់មួយទៀត ។
ប្រាកដណាស់ទាស្រស់ យកមកចម្អិនប្រាកដជាឆ្ងាញ់ ។ លោក ចាំង ខេងហុង បានបញ្ជាក់បន្ថែមទៀតថា លោកបានគិតគូរពីការជ្រើសរើសយកពូជទាផងដែរ ។ «តាមធម្មតាយើងត្រូវជ្រើសយកពូជទាសាច់ទើងមានរសជាតិ ។ទន្ទឹមនោះយើងក៏មិនភ្លេចនូវការរក្សាអនាមយ័ ដោយមិនអាចធ្វើខ្ជីខ្ជាឱ្យរួចពីដៃនោះទ្បើយ ។ នៅក្នុងនោះការគិតគូរអំពីពេលវេលានៃការរក្សាទុកទាខ្វៃ រួមទាំងពេលវេលាក្រោយពេលចម្អិនហើយដឹកទៅឱ្យអតិថិជន ក៍ត្រូវគិតគូរដែរ» ។
គួរជម្រាបថា ទាជាប្រភេទសត្វដែលពលរដ្ឋខ្មែរនិយមចិញ្ចឹមច្រើននៅក្នុងប្រទេសកម្ពុជា សម្រាប់យកសាច់ និងពង។ ប៉ុន្តែជាញឹកញាប់ទាបង្កកខូចគុណភាពដែលនាំចូលពីបរទេស ត្រូវអាជ្ញាធរមានសមត្ថកិច្ចបង្ក្រាបបានជាញឹកញាប់ ដូច្នេះពលរដ្ឋគួរមានការប្រុប្រយ័ត្នពីការជ្រើសរើសអាហារដែលមានសុវត្ថិភាព និងគុណភាពទទួលទានផងដែរ៕
ចែករំលែកព័តមាននេះ