ឡាន២គ្រឿងពន្លះគ្នាលើផ្លូវជាតិលេខ៥ ឆក់យកជីវិត២នាក់
- កំពង់ឆ្នាំង
ខេត្តកំពង់ឆ្នាំង ៖ មនុស្ស២នាក់បានស្លា.ប់ និងម្នាក់ទៀតបានរងរបួសស្រាល ក្នុងហេតុការណ៍គ្រោះថ្នាក់ចរាចរណ៍
ខេត្តកំពង់ឆ្នាំង ៖ មនុស្ស២នាក់បានស្លា.ប់ និងម្នាក់ទៀតបានរងរបួសស្រាល ក្នុងហេតុការណ៍គ្រោះថ្នាក់ចរាចរណ៍
ខេត្តកំពង់ឆ្នាំង ៖ មនុស្ស២នាក់បានស្លា.ប់ និងម្នាក់ទៀតបានរងរបួសស្រាល ក្នុងហេតុការណ៍គ្រោះថ្នាក់ចរាចរណ៍រវាងរថយន្ត២គ្រឿងបុ.កគ្នា ដែលបានកើតឡើងកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី៥ ខែមេសា ឆ្នាំ២០២២ នៅតាមបណ្ដោយផ្លូវជាតិលេខ៥ ចន្លោះគីឡូម៉ែត្រលេខ៤៦និង៤៧ ស្ថិតក្នុងភូមិអន្លង់ត្នោត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ។
ស្នងការរងទទួលបន្ទុកចរាចរណ៍ផ្លូវគោក លោកឧត្តមសេនីយ៍ត្រី កេត យ៉ុង បានឲ្យដឹងថា ភាគីខាងរថយន្តដឹកលៀស ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ពោធិ៍សាត់ 3A-0770 បើកបរដោយ បុរសឈ្មោះ សៀវ ប៉ាវ អាយុ២០ ឆ្នាំ រស់នៅភូមិពោធិ៍ម្រះ ឃុំចក ស្រុកបរិបូណ៌ (បានស្លា.ប់នៅនឹងកន្លែង) ចំណែកអ្នករួមដំណើរជាមួយ២នាក់ទៀត ក្នុងនោះម្នាក់ឈ្មោះ ជា សុខ អាយុ៤៥ឆ្នាំ រស់នៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ (បានស្លា.ប់នៅនឹងកន្លែងកើតហេតុ) និងឈ្មោះ ម៉ន សំណាង អាយុ30ឆ្នាំ រស់នៅភូមិទី 4 ឃុំកំពង់លួង ស្រុកក្រគរ ខេត្តពោធិ៍សាត់ (រងរបួសស្រាល) ។
តាមប្រភពដដែលបានបន្តថា មុនពេលកើតហេតុ រថយន្តម៉ាកហ៊ីយ៉ាន់ដាយខាងលើមានដឹកលៀសពេញរថយន្ត បានធ្វើដំណើរពីជើងទៅត្បូង លុះពេលមកដល់ចំណុចកើតហេតុ ក៏បានជ្រុលទៅបុ.ករថយន្តមួយគ្រឿងទៀត ម៉ាកហ៊ីណូ ពណ៌ខៀវ ពាក់ស្លាកលេខ ព្រះសីហនុ 3A- 7514 មានសណ្ដោងរ៉ឺម៉ក ពាក់ស្លាកលេខ ព្រះសីហនុ 4 A 3722 យ៉ាងពេញទំហឹង បណ្តាលឱ្យអ្នកបើកបររថយន្តដឹកលៀស និងអ្នករួមដំណើរជាមួយស្លា.ប់២នាក់ និងរងរបួសម្នាក់ ចំណែកអ្នកបើកបររថយន្តហ៊ីណូ បានររត់គេចខ្លួនបាត់ ។
ក្រោយពេលកើតហេតុ សមត្ថកិច្ចបានធ្វើការវាស់វែង និងយករថយន្ដទាំង២គ្រឿងទៅរក្សាទុក នៅស្នងការដ្ឋាន ដើម្បីរង់ចាំការដោះស្រាយតាមនីតិវិធី ។ ដោយឡែកស.ពជនរងគ្រោះទាំង២នាក់ ត្រូវបានសមត្ថកិច្ចនគរបាលប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ