ខេត្តកំពត ៖ ឯកឧត្តមបណ្ឌិតម៉ៅ ធនិន អភិបាលខេត្តកំពត កាលពីព្រឹកថ្ងៃទី០២ មេសា បានចុះសួរសុខបងប្អូនប្រជានេសាទចំនួន938គ្រួសារ នៅឃុំចំនួន2 គឺឃុំស្វាយទងខាងត្បូង…
ខេត្តកំពត ៖ ឯកឧត្តមបណ្ឌិតម៉ៅ ធនិន អភិបាលខេត្តកំពត កាលពីព្រឹកថ្ងៃទី០២ មេសា បានចុះសួរសុខបងប្អូនប្រជានេសាទចំនួន938គ្រួសារ នៅឃុំចំនួន2 គឺឃុំស្វាយទងខាងត្បូង និងឃុំឬស្សីស្រុកខាងលិច ស្ថិតក្នុងស្រុកកំពង់ត្រាច និងមានការផ្ដាល់អំណោយជូនដល់គ្រួសារបងប្អូនប្រជានេសាទ។
ឯកឧត្តមបណ្ឌិតម៉ៅ ធនិន អភិបាលខេត្តកំពត បានអញ្ជើញរួមដំណើរដោយលោកអភិបាលរងខេត្ត និងលោកអភិបាលស្រុកកំពង់ត្រាច ចុះពិនិត្យមើលច្រកទ្វារព្រំដែនអន្តរជាតិព្រែកចាក និងបន្តចុះទៅពិនិត្យមើលគម្រោងសាងសង់ផ្សារនៅតាមព្រំដែន បន្ទាប់ពីគម្រោងសាងសង់ដោយក្រុមហ៊ុនឯកជនមួយបានផ្អាកដំណើរសាងសង់ទៅវិញ ប៉ុន្តែហេតុផលមិនបានដឺងជាផ្លូវការពីមូលហេតុដែលផ្អាកការសាងសង់នេះទេ។
ឯកឧត្តមបណ្ឌិតម៉ៅ ធនិន អភិបាលខេត្ត ងាកមកមើលដីប្រជាពលរដ្ឋចំនួន4គ្រួសារ នៅជិតព្រំដែនវៀតណាមត្រូវបានគេលួចធ្វើប្លង់យក ។ រីឯប្រជាពលរដ្ឋដែលបានបាត់បង់ដីត្រូវបានគេលួចធ្វើប្លង់យកនោះ ក៏បានទៅស្កាត់ជួបឯកឧត្តបណ្ឌិតម៉ៅ ធនិន ដែរ កាលពីព្រឹកថ្ងៃទី2 ខែមេសារឆ្នាំ2022។
ឯកឧត្តមម៉ៅបណ្ឌិតម៉ៅ ធនិន បានសួរដេញដោលលោកអូន ខន អភិបាលស្រុកកំពង់ត្រាច និងសួរលោកប្រធានការរិយាល័យភូមិបាលស្រុកកំពង់ត្រាច ពាក់ពន្ធ័និងដីប្រជាពលរដ្ឋ៤គ្រួសារនៅភូមិថ្កូវ ដីពួកគាត់ធ្លាប់បានកាន់កាប់រួមទាំងមានឯកសារផ្សេងៗ ស្រាប់តែមានអ្នកផ្សេងគេយកដណ្ដើមយកទៅវិញ។
ឯកឧត្តមបានប្រាប់អាជ្ញាធរស្រុកកំពង់ត្រាច អោយជួយស្វែងរកមូលដ្ឋានរឿងដីពលរដ្ឋទាំង៤គ្រួសារឱ្យបានឆាប់បំផុត តើបើដីជាប់ព្រំដែនមិនធ្វើប្លង់បាន ហេតុអីក៏គេពីប្រជាពលរដ្ឋហើយគេចេញប្លង់កម្មសិទ្ធិបាន?
ចែករំលែកព័តមាននេះ