លោកទិត្យ វិច្ឆិកា កំពុងផ្តោតលើគម្រោងមនុស្សធម៌ខ្លាំង
រាជធានីភ្នំពេញ ៖ តារាចម្រៀងទិត្យ វិច្ឆិកា ហាក់ងាកមកផ្តោតលើគម្រោងមនុស្សធម៌គួរឱ្យកត់សម្គាល់ ដោយពេលនេះ លោកបានខ្នះខ្នែងជួយកសាងសាលារៀនមួយកន្លែងនៅខេត្តកោះកុង ។
រាជធានីភ្នំពេញ ៖ តារាចម្រៀងទិត្យ វិច្ឆិកា ហាក់ងាកមកផ្តោតលើគម្រោងមនុស្សធម៌គួរឱ្យកត់សម្គាល់ ដោយពេលនេះ លោកបានខ្នះខ្នែងជួយកសាងសាលារៀនមួយកន្លែងនៅខេត្តកោះកុង ។
តាមការបញ្ជាក់ចុងក្រោយ តារាចម្រៀងរូបនេះ នឹងធ្វើការប្រគំតន្ត្រីលក្ខណៈបេសកកម្មចំនួន២៥ខេត្ត-ក្រុង ក្នុងទិសដៅជួយរកថវិកាផ្តល់ជូនភាពមនុស្សធម៌ដល់ជនក្រីក្រក្នុងសង្គម ។
ការបង្ហាញទស្សនៈប្រគំតន្ត្រី២៥ខេត្ត-ក្រុងនាពេលខាងមុខនេះ តារាចម្រៀង ទិត្យ វិច្ឆិកា បានឱ្យដឹងកាលពីល្ងាចថ្ងៃទី១៣ កញ្ញា ថា បន្ទាប់ពីលោកដឹកនាំកម្មវិធីប្រគំតន្ត្រីមួយមានឈ្មោះថា «តន្ត្រីសប្បុរធម៌កម្លាំងចិត្តសិល្បករខ្មែរជួយខ្មែរ» កាលពីពេលថ្មីៗ
នេះ ។
យ៉ាងណា ឱកាសប្រគំតន្ត្រីថ្មីនេះ នៅទីតាំងម្តុំអូរដឹម ត្រូវបានលោកទិត្យ វិច្ឆិកា លើកឡើងថា បរាជ័យដោយសារតែលក្ខខណ្ឌផ្សេងៗ ដូចជាអាកាសធាតុ ការស្ទាក់ស្ទើររបស់ម្ចាស់ស្ព័នសឺយឺតយ៉ាវមិនបានចូលរួម ។ យ៉ាងណា ទិត្យ វិច្ឆិកា នៅតែជួយរកជំនួយនានា ដើម្បីសម្រេចបំណងជួយកសាងសាលានិងស្ពានស្ថិតនៅស្រុកថ្មបាំងខេត្តកោះកុងដែលត្រូវចាយទឹកប្រាក់ជាច្រើនពាន់ដុល្លារឡើងទៅ ។
លោកទិត្យ វិច្ឆិកា ដែលនៅតស៊ូតាំងចិត្ត ជួយកសាងសាលាស្ពាននៅកោះកុង ទោះការប្រគំតន្ត្រីមុននេះ ខកបំណងក៏លោកនៅតែរកជំនួយ និងបាននិយាយថា «កម្មវិធីតន្ត្រីសប្បុរសធម៌» កម្លាំងចិត្តសិល្បករខ្មែរជួយខ្មែរ ដែលបានធ្វើឡើងរយៈពេល៤ថ្ងៃកន្លងទៅ គឺប្រមូលបានថវិកា២៦លាន ៤សែនរៀល ។
លោកត្រូវការប្រាក់ច្រើនជាងនេះ ដើម្បីកសាងសាលារៀននៅខេត្តខាងលើ មួយខ្នងមានបីបន្ទប់ និងស្ពានឈើមួយខ្សែប្រវែង៣០ម៉ែត្រ ដោយតួលេខនៃការចាយប្រាក់កសាង គឺជាង៣ម៉ឺនដុល្លារឯណោះ»។
យ៉ាងណា លោកនៅតែបេ្តជ្ញាថា នឹងគៀងគងរកជំនួយផ្សេងៗទៀត ទៅជួយកសាងសាលានៅទីនោះ ក៏ដូចជាស្ពានឲ្យបានដល់គោលដៅ ទោះពេលនេះរាំងស្ទះ ប៉ុន្តែមិនបោះបង់ទេ មានតែជួយរកអ្នកមានចិត្តធម៌ផ្សេងៗតាមលទ្ធភាពអាចធ្វើបាន ។ លោកក៏មិនភ្លេចដល់លោករដ្ឋមន្ត្រីខៀវ កាញារីទ្ធ ដែលបានចូលរួមក្នុងការប្រគំតន្ត្រីខាងលើ អាជ្ញាធរដែនដីអភិបាលរាជធានីភ្នំពេញអភិបាលខណ្ឌសែនសុខម្ចាស់បុរីញូថោនផ្តល់ទីតាំងនិងសិល្បករសិល្បការិនីទាំងអស់បានជួយ ។
ចែករំលែកព័តមាននេះ