សត្វស្លាបទាំងនេះ ក៏នៅតែប្រឈមនឹងបញ្ហាជំងឺឆ្លង និងបានឈឺងា.ប់ជាបន្តបន្ទាប់ រហូតដល់រាប់ពាន់ក្បាលឯណោះតាំងពីឆ្នាំមុនមកដល់ពេលថ្មីៗនេះ ហើយគេក៏ប្រទះឃើញថា សត្វស្លាបទាំងនោះ ក៏កំពុងតែសំកុកឈឺងា.ប់ជាបណ្តើរៗទៀតហើយ ដោយមិនដឹងថា តើមកពីមូលហេតុអ្វីនោះទេ?
ខេត្តព្រៃវែង ៖ តាំងពីឆ្នាំមុន សត្វស្លាបជាច្រើនប្រភេទ មានចំនួនរាប់ម៉ឺនក្បាល ដែលរស់នៅក្នុងតំបន់អភិរក្សសត្វស្លាបទួលពាន់តាឡី បឹងស្នេហ៍ ស្ថិតក្នុងឃុំធាយ ស្រុកបាភ្នំ ខេត្តព្រៃវែង ហើយត្រូវបានប្រជាពលរដ្ឋក្នុងសហគមន៍ និងអាជ្ញាធរមូលដ្ឋាន បានរួមគ្នាការពារ និងអភិរក្សយ៉ាងតឹងរឹងបំផុត ព្រោះវាបានផ្តល់នូវប្រាក់ចំណូលយ៉ាងច្រើនដល់ប្រជាពលរដ្ឋ ក៏ដូចជាអាជ្ញាធរក្នុងតំបន់នោះ តាមរយៈការស្រូបទាញយកភ្ញៀវទេសចរ រាប់ពាន់នាក់ក្នុង១ខែៗ អោយចូលទៅទស្សនាកម្សាន្ត។
ទោះជាយ៉ាងនេះក្តី សត្វស្លាបទាំងនេះ ក៏នៅតែប្រឈមនឹងបញ្ហាជំងឺឆ្លង និងបានឈឺងា.ប់ជាបន្តបន្ទាប់ រហូតដល់រាប់ពាន់ក្បាលឯណោះតាំងពីឆ្នាំមុនមកដល់ពេលថ្មីៗនេះ ហើយគេក៏ប្រទះឃើញថា សត្វស្លាបទាំងនោះ ក៏កំពុងតែសំកុកឈឺងា.ប់ជាបណ្តើរៗទៀតហើយ ដោយមិនដឹងថា តើមកពីមូលហេតុអ្វីនោះទេ? ។ បញ្ហានេះ បានធ្វើអោយក្រុមភ្ញៀវទេសចរ ដែលបានចូលទៅមើលឃើញ រួមទាំងប្រជាពលរដ្ឋក្នុងសហគមន៍ដែលជាអ្នកទទួលបានផលប្រយោជន៍ពីសត្វស្លាបទាំងនេះ កំពុងមានការព្រួយបារម្ភជាខ្លាំង និងបានស្នើសុំឱ្យមន្ត្រីជំនាញជួយចុះស្រាវជ្រាវរកមូលហេតុ និងដោះស្រាយបញ្ហានេះផង។
បើតាមលោកពូ ពុធ បូ ប្រធានសហគមន៍អភិរក្សសត្វស្លាបទួលពាន់តាឡី បឹងស្នេហ៍ បានលើកឡើងថា តំបន់អភិរក្សសត្វស្លាបទួលពាន់តាឡី មានទំហំផ្ទៃដីសរុប៨៦ហិកតា ហើយបានបង្កើតជាសហគមន៍តាំងពីឆ្នាំ២០០៦ ដោយមានការជួយជ្រោមជ្រែងពីអង្គការដៃគូ (គឺអង្គការ វ៉ុលមែន ក្នុងឆ្នាំ២០១០) រហូតដល់ឆ្នាំ២០១៨ អង្គការវ៉ុលមែន ក៏ដកខ្លួនចេញពីសហគមន៍អភិរក្សសត្វស្លាបទួលពាន់តាឡី បឹងស្នេហ៍ )។
លោកពូ ប្រធានសហគមន៍បន្តថា រហូតមកដល់បច្ចុប្បន្ននេះ សហគមន៍មានសមាជិកស្ម័គ្រចិត្តសរុបចំនួន៣៤នាក់មិនមានប្រាក់ខែនោះទេ គឺរស់ទៅតាមចំណូលពីភ្ញៀវទេសចរ និងជំនួយឧបត្ថម្ភពីអជ្ញាធរ និងមន្ទីរពាក់ព័ន្ធក្នុងខេត្តផង ទើបបានលុយយកមកកសាងធ្វើខ្យូសបានចំនួន៣កន្លែង ទុកសម្រាប់ថ្នាក់ដឹកនាំ ក៏ដូចជាភ្ញៀវទេសចរទូទៅមកឈប់សម្រាកទស្សនាកម្សាន្តមើលទេសភាព និងមើលសត្វស្លាបគ្រប់ប្រភេទ។
លោកពូ ប្រធានសហគមន៍បន្តទៀតថា ប៉ុន្តែដោយសារជំងឺកូវីដ១៩ ធ្វើឱ្យភ្ញៀវទេសចរថយចុះគួរឱ្យកត់សម្គាល់ ធ្វើអោយសហគមន៍ជួបការលំបាកខ្លះៗ។ ហើយក្នុងនាមជាប្រធានសហគមន៍អភិរក្សសត្វស្លាបទួលព័ន្ធតាឡី បឹងស្នេហ៍ លោកសូមសំណូមពរដល់ក្រសួងស្ថាបនពាក់ព័ន្ធ ជាពិសេសអង្គការក្រៅរដ្ឋាភិបាល មេត្តាជួយជ្រោមជ្រែងសហគមន៍លោកផង ដែលកំពុងជួបការខ្វះខាតទាំងថវិការ និងសម្ភារ: ដើម្បីចូលរួមការពារសត្វស្លាបគ្រប់ប្រភេទនៅតំបន់អភិរក្សសត្វស្លាបទួលពាន់តាឡី បឹងស្នេហ៍នេះឱ្យបានគង់វង្ស សម្រាប់ទាក់ទាញភ្ញៀវទេសចរមកទស្សនាកម្សាន្តឱ្យបានច្រើនកុះករ។
លោកពូប្រធានសហគមន៍ បញ្ជាក់បន្ថែមថា សត្វស្លាបតំបន់អភិរក្សទួលពាន់តាឡី ចាប់ផ្តើមឈឺងា.ប់ជាបន្តបន្ទាប់តាំងពីឆ្នាំ២០២០-២០២១មកម្ល៉េះ ដោយកាលនោះក្នុងមួយថ្ងៃៗងា.ប់មាន១០០ក្បាលទៅជាង១០០ក្បាលក្នុងមួយថ្ងៃ។ ប៉ុន្តែសម្រាប់ឆ្នាំ២០២២នេះ សត្វចាប់ផ្ដើមឈឺងា.ប់តាំងពីខែ២ មកក្នុងមួយថ្ងៃ៥០ទៅ៦០ក្បាលតែប៉ុណ្ណោះ។
ពាក់ព័ន្ធទៅនឹងសត្វឈឺងា.ប់ជាបន្តបន្ទាប់រាប់ពាន់ក្បាលនេះ កន្លងមក ក៏មានក្រសួងមន្ត្រីជំនាញចុះមកសិក្សាពិនិត្យយកសំណាកសត្វដែលងា.ប់ទៅពិនិត្យផងដែរ ដោយកាលនោះមន្ត្រីជំនាញបានបញ្ជាក់ប្រាប់មកសហគមន៍ថា មូលហេតុដែលសត្វឈឺងា.ប់ជាបន្តបន្ទាប់មកនេះ គឺដោយសារកើតជំងឺឆ្លងបក្សី ។
ហើយមន្ត្រីជំនាញក៏បានណែនាំឲ្យសហគមន៍ និងអាជ្ញាធរមូលដ្ឋាន ត្រូវដើរប្រមូលសត្វដែលងា.ប់ជីករណ្ដៅដុត ឬកប់ទៅតាមលក្ខណៈបច្ចេកទេស ដោយមានការប្រុងប្រយ័ត្នខ្ពស់ ព្រោះជំងឺនេះ វាអាចឆ្លងពីសត្វមកមនុស្ស។ ដូច្នេះប្រធានសហគមន៍ និងអាជ្ញាធរមូលដ្ឋាន សូមធ្វើការអំពាវនាវដល់បងប្អូនប្រជាពលរដ្ឋគ្រប់ទីកន្លែង បើជួប ឬឃើញសត្វឈឺងា.ប់ហាមដាច់ខាតកុំរើសយកទៅបរិភោគ វាអាចនឹងនាំឱ្យដល់ប៉ះពាល់ដល់សុខភាព៕
ចែករំលែកព័តមាននេះ