ក្រុមការងារចុះចែកអំណោយជូនគ្រួសារទីទាល់ក្រ និងចាស់ជរា
ខេត្តសៀមរាប ៖ នៅថ្ងៃទី០៩ ខែកញ្ញា ឆ្នាំ២០១៦ លោក លុក ផុស អភិបាលស្រុកអង្គរជុំ លោកវរសេនីយ៍ត្រី ម៉ាន់ សុខាត់ អធិការនគរបាលស្រុក លោកមេបញ្ជាការកងរាជអាវុធហត្ថស្រុក
ខេត្តសៀមរាប ៖ នៅថ្ងៃទី០៩ ខែកញ្ញា ឆ្នាំ២០១៦ លោក លុក ផុស អភិបាលស្រុកអង្គរជុំ លោកវរសេនីយ៍ត្រី ម៉ាន់ សុខាត់ អធិការនគរបាលស្រុក លោកមេបញ្ជាការកងរាជអាវុធហត្ថស្រុក បានចុះសាកសួរសុខទុក្ខ និងនាំយកនូវអំណោយចែកជូនប្រជាពលរដ្ឋទីទាល់ក្រជាស្ត្រីមេម៉ាយ និងចាស់ជរាចំនួន០២គ្រួសារ ក្នុងនោះមានការចូលរួមពីសំណាក់អស់លោកក្រុមការងារជាច្រើននាក់ទៀត។ គួរបញ្ជាក់ផងដែរថា ដោយមើលឃើញពីទុក្ខលំបាករបស់បងប្អូនប្រជាពលរដ្ឋទីទាំល់ក្រចំនួន០២គ្រួសារ រស់នៅក្នុភូមិនគរភាស ឃុំនគរភាស ស្រុកអង្គរជុំ ខេត្តសៀមរាប។
លោកអភិបាលស្រុកអង្គរជុំ បានមានប្រសាសន៍សំណេះសំណាល ដោយបានគូសបញ្ជាក់ថា ទោះបីជាថវិកា និងគ្រឿងឧបភោគបរិភោគ ដែលចែកជូនដល់ លោកអ៊ុំ លោកពូ អ្នកមីង នាពេលនេះមានលក្ខណៈបន្តិចបន្តួចក្តី គឺសម្រាប់ជួយដោះស្រាយទុក្ខលំបាកបានមួយគ្រាផងដែរ។ បន្ទាប់មកលោកយាយ លោកតា បានសម្ដែងនូវទឹកចិត្តសប្បាយរីករាយ និងបានថ្លែងអំណរគុណជាខ្លាំង ដល់លោក អភិបាលស្រុក និងអស់លោក ដែលបានចុះសាកសួរសុខទុក្ខ និងចែកអំណោយ ប្រជាពលរដ្ឋទីទាល់ក្រជាស្ត្រីមេម៉ាយ និងចាស់ជរាដូចជារូបខ្ញុំនៅពេលនេះ ខ្ញុំសូមជូនពរឲ្យជូបតែសេចក្តីសុខ សេចក្តីចម្រើន អាយុយឺនយូរ និងសម្រេចភារកិច្ចគ្រប់យ៉ាង។
លោកវរសេនីយ៍ត្រី ម៉ាន់ សុខាត់ អធិការនគរបាលស្រុកបានឲ្យដឹងថា គ្រួសារដែលទទួលបានថវិកា និងគ្រឿងឧបភោគបរិភោគ នាពេលនេះមាន ៖ ១-ឈ្មោះ លី ទីន ភេទស្រី អាយុ៨១ឆ្នាំ ជាស្ត្រីមេម៉ាយ ២-ឈ្មោះ បឿន វ៉ែន ភេទប្រុស អាយុ៨១ឆ្នាំ និងប្រពន្ធឈ្មោះ ឈិត ហូយ អាយុ៩២ឆ្នាំ។ លោកអធិកានគរបាលស្រុកបានបញ្ជាក់ថា ក្នុង០១គ្រួសារទទួលបានថវិកាចំនួន២០ម៉ឺនរៀល អង្ករ២៥គីឡូក្រាម ចានដែកធំ០១ ឆ្នាំងដាំបាយ០១ ចង្ក្រានហ្គាស០១ ធុងដាក់ទឹក០១ ទឹកត្រី០១យូរ ទឹកស៊ីអ៊ីវ០១យូរ មុង០១ កន្ទេល០១ និងខ្នើយ០១៕
ចែករំលែកព័តមាននេះ