ព្រះខ័នរាជស្វាយរៀងបន្តឈរកំពូលតារាងក្រោយពីបានយកឈ្នះម្ចាស់ផ្ទះ ខ.ភ.ម ៣-១
- ភ្នំពេញ
រាជធានីភ្នំពេញ ៖ ក្រុមបាល់ទាត់ព្រះខ័នរាជស្វាយរៀងនៅតែអាចរក្សាតំណែងជួមុខក្នុងតារាងបានយ៉ាងល្អ នាស
រាជធានីភ្នំពេញ ៖ ក្រុមបាល់ទាត់ព្រះខ័នរាជស្វាយរៀងនៅតែអាចរក្សាតំណែងជួមុខក្នុងតារាងបានយ៉ាងល្អ នាស
រាជធានីភ្នំពេញ ៖ ក្រុមបាល់ទាត់ព្រះខ័នរាជស្វាយរៀងនៅតែអាចរក្សាតំណែងជួមុខក្នុងតារាងបានយ៉ាងល្អ នាសប្ដាហ៍ទី៤នៃព្រឹត្តិការណ៍ខេមបូឌាព្រីមៀលីគឆ្នាំ២០២២ ក្រោយពីបានយកឈ្នះលើក្រុមម្ចាស់ផ្ទះកងយោធពលខេមរៈភូមិន្ទក្នុងលទ្ធផល៣-១ កាលពីថ្ងៃសៅរ៍ ទី២៦ មីនា ធ្វើឱ្យមានការកើនឡើង១២ពិន្ទុពេញ។
ទោះជាយ៉ាងណា សម្រាប់ការប្រកួតនៅក្នុងតង់ទី១ក្រុមកងយោធពលខេមរៈភូមិន្ទពិតជាធ្វើបានល្អមែនទែន ដោយអាចការពារមិនឱ្យក្រុមព្រះខ័នរាជស្វាយរៀងទាត់បញ្ចូលទីក្រុមខ្លួនបានដោយងាយនោះដែរ ។ ប៉ុន្តែគេមានឱកាសលេងវាយសម្រុកទៅមកបានយ៉ាងល្អបំផុត ។ ចូលដល់តង់ទី២ទើបក្រុមទាំងពីរមានឱកាសរកបានគ្រាប់បាល់រៀងៗខ្លួន ប៉ុន្តែម្ចាស់ផ្ទះរកបានត្រឹមតែ១គ្រាប់ប៉ុណ្ណោះ ខណៈក្រុមភ្ញៀវព្រះខ័នរាជស្វាយរៀងរកបានគ្រាប់បាល់នាំមុខរហូតដល់ទៅ៣គ្រាប់ ដែលជាហេតុធ្វើឱ្យក្រុមព្រះខ័នរាជស្វាយរៀងបន្តរក្សាតំណែងជួមុខជាបណ្ដោះអាសន្ត ដោយមាន១២ពិន្ទុសម្រាប់ការប្រកួតទាំង៤លើកមកនេះ។
ចំណែកក្រុមកងយោធពលខេមរភូមិន្ទវិញទើបតែរកបាន៤ពិន្ទុប៉ុណ្ណោះ សម្រាប់ការប្រកួតទាំង៤លើកឈ្នះ១ស្មើ១ចាញ់អស់២ប្រកួតស្ថិតនៅលេខរៀងទី៦។
ដោយឡែកសម្រាប់ក្រុមអង្គរថាយហ្គឺវិញពេលនេះបានធ្លាក់ចេញពីTop4ក្រោយពីបានចាញ់ក្រុមបឹងកេត២-០រួចមកនោះ ។ ការប្រកួតដែលបានធ្វើឡើងនៅកីឡដ្ឋានខេមបូឌាអ៊ែរវេរវាងក្រុមទាំងពីរកាលពីថ្ងៃសៅរ៍ក្រុមអង្គរថាយហ្គឺក៏ធ្វើបានល្អណាស់ដែរ ដោយនៅត្រឹមតង់ទី១គេអាចទប់ទល់ជាមួយក្រុមបឹងកេតត្រឹម០-០ប៉ុណ្ណោះ ។ ប៉ុន្តែចូលដល់តង់ទី២ត្រូវក្រុមបឹងកេតលេងវាយសម្រុករកបាន២គ្រាប់ផ្ទួនៗ ។ ហើយសម្រាប់ការបរាជ័យក្រោមថ្វីជើងបឹងកេតនាពេលនេះ បានធ្លាក់ចេញបីTop4មកនៅលេខរៀងទី៥ដោយការប្រកួតទាំង៤លើកឈ្នះ១ស្មើ១ចាញ់២ប្រកួតមាន៤ពិន្ទុ។រីឯក្រុមបឹងកេតឡើងមកនៅលេខរៀងទី៤ជំនួសវិញដោយការប្រកួតទាំង៤លើកមកនេះឈ្នះ២ចាញ់អស់២ប្រកួតទៅវិញមាន៦ពិន្ទុ។
ក្រុមណាហ្គាវើលបានហក់ឡើងមកនៅលេខរៀងទី២នៃតារាងបន្ទាប់បីបានយកឈ្នះលើក្រុមគីរីវង្សសុខសែនជ័យ២-១ ការប្រកួតកាលពីថ្ងៃសៅរ៍នៅលើទីលានកីឡដ្ឋានព្រីនស៍ ។ ខណៈក្រុមម្ចាស់ផ្ទះភ្នំពេញក្រោនទទួលភ្ញៀវវិសាខាលើកនេះបានត្រឹមលទ្ធផល០-០ប៉ុណ្ណោះ ។ ដូច្នេះភ្នំពេញក្រោនធ្លាក់មកនៅលេខរៀងទី៧ ការប្រកួតទាំង៤លើកមកនេះអត់ដែលឈ្នះស្មើ២ប្រកួតទើបតែរកបាន២ពិន្ទុ។រីឯក្រុមវិសាខាការប្រកួតទាំង៤លើកឈ្នះ២ស្មើ១ចាញ់អស់១ប្រកួតមាន៧ពិន្ទុឈរនៅលេខរៀងទី៣នៃតារាង៕
ចែករំលែកព័តមាននេះ