សង្គ្រាមអ៊ុយក្រែន ៖ រដ្ឋមន្ត្រីការពារប្រទេសរុស្សុី លោកស័រហ្គេយឆយហ្គូបានលេចមុខវិញជាលើកដំបូង ក្រោយបាត់មុខ២សប្ដាហ៍មក ។ នេះបើតាមបណ្ដារូបភាពវីដេអូផ្សាយនាថ្ងៃទី២៦ ខែមីនា ឆ្នាំ២០២២ ក្រោយការបាត់មុខលោកដែលនាំឲ្យការសួរដេញដាលគ្នាពីវាសនារបស់លោកក្រោយការផ្ទុះសង្គ្រាមនៅអ៊ុយក្រែនមក ។
ក្រសួងការពារប្រទេសរុស្សុីនាថ្ងៃទី២៦ ខែមីនា បានចេញផ្សាយវីដេអូមួយ បង្ហាញលោកឆយហ្គូ ដឹកនាំកិច្ចប្រជុំមួយផ្ដោតលើថវិកាគ្រឿងសព្វាវុធរុស្សុី ។ រូបភាពទាំងនេះ មិនមានកាលបរិច្ឆេទឡើយ តែរដ្ឋមន្ត្រីរូបនេះ គេឃើញក្នុងកិច្ចប្រជុំមួយជាមួយ បណ្ដាអ្នកទទួលខុសត្រូវខាងហិរញ្ញវត្ថុ ដែលតាមបណ្ដាទីភ្នាក់ងារព័ត៌មានរុស្សុីថា កិច្ចប្រជុំនេះ ប្រព្រឹត្តទៅកាលពីថ្ងៃទី២៥ ខែមីនា ។
រដ្ឋមន្ត្រីរូបនេះថ្លែងក្នុងកិច្ចប្រជុំថាការបញ្ជាទិញ និងការផ្គត់ផ្គង់គ្រឿងសព្វាវុធ ដំណើរការរលូនដូចការគ្រោងទុក ក៏ទោះបីជួបការលំបាកនានា ក្នុងពេលនេះមកពីទណ្ឌកម្មអន្តរជាតិជាប្រតិកម្មតបចំពោះការវា.យលុកលើអ៊ុយក្រែនក្ដី ។
វិមានក្រឹមឡាំងធ្លាប់បានបដិសេធពាក្យចចាមអារ៉ាមនានាពីស្ថានភាពសុខភាពរបស់រដ្ឋមន្ត្រីរូបនេះ ដោយនិយាយថា លោកមានការងារច្រើនណាស់ដែលត្រូវធ្វើមិនមានពេលធ្វើសកម្មភាពតាមសារព័ត៌មានឡើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ