រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍រដ្ឋបាលនគរបាលចាក់អង្រែលើធ្វើការឃាត់ខ្លួនភ្លាមៗ បន្ទាប់ពីរូបគេធ្វើសកម្មភាពចូលទៅកាប់ប្លន់ទ្រព្យសម្បត្តិក្នុងផ្ទះពលរដ្ឋម្នាក់ នៅចំណុចផ្ទះលេខ៥៦០ ផ្លូវជាតិលេខ២ ក្រុម១១ ភូមិព្រែកតាគង់២ សង្កាត់ ចាក់អង្រែលើ ខណ្ឌមានជ័យ កាលពីវេលាម៉ោង១៩ និង៣០នាទីយប់ ថ្ងៃទី២៥ ខែមីនានេះ ។
ជនសង្ស័យមានឈ្មោះ នី សម្បត្តិ ហៅញ៉ា ភេទប្រុស អាយុ៤០ ឆ្នាំ ជនជាតិខ្មែរ មានទីលំនៅ និងមុខរបរ មិនពិតប្រាកដ ។ ជនសង្ស័យមានផ្ទុកសារធាតុញៀនផងដែរ ។
ដោយឡែក ជនរងគ្រោះជាម្ចាស់ផ្ទះ មានឈ្មោះ អន ម៉ាលីស ភេទស្រី អាយុ២៨ឆ្នាំ ។
តាមប្រភពមន្ត្រីសមត្ថកិច្ចអោយដឹងថា នៅវេលាកើតហេតុជនរងគ្រោះកំពុងសម្រាកនៅក្នុងផ្ទះតែម្នាក់ឯងដោយចំហរទ្វារចោល ។ ស្របពេលជាមួយគ្នានោះក៏ស្រាប់តែលិចមុខជនសង្ស័យខាងលើ ប្រដាប់ដោយកាំបិត២ដើម ( តូច១ធំ១ ) បានចូលទៅធ្វើសកម្មភាពលួចទ្រព្យសម្បត្តិជនរងគ្រោះបណ្តាលអោយរងរបួសដៃ តែពេលនោះជនរងគ្រោះបានឃើញក៏បានស្រែកឆោរឡោធ្វើអោយជនសង្ស័យស្ទុះទៅខាងក្រៅផ្ទះបំណងរត់គេចខ្លួន តែត្រូវពលរដ្ឋក្បែរខាងតំបន់នោះនាំគ្នាជួយចាប់ឃាត់បានភ្លាមៗ តែម្តង ។
បន្ទាប់ពីកើតហេតុ កម្លាំងសមត្ថកិច្ចមូលដ្ឋានបានចុះអន្តរាគមន៍ធ្វើការឃាត់ខ្លួន ជនសង្ស័យខាងលើបញ្ចូនទៅកាន់ប៉ុស្តិ៍រដ្ឋបាលមូលដ្ឋាន ។
ក្នុងនោះសមត្ថកិច្ចក៏បានណែនាំអោយជនរងគ្រោះ ទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលចាក់អង្រែលើ ដើម្បីបន្តនីតិវិធីច្បាប់លើ ជនសង្ស័យផងដែរ ។
បច្ចុប្បន្ន ជនសង្ស័យត្រូវឃុំខ្លួនបណ្តោះអាសន្ននិងរងចាំចាំកសាងសំណុំរឿង បញ្ចូនទៅតុលាការ ចាត់ការទៅតាមនីតិវិធីច្បាប់ នៅពេលក្រោយផងដែរ ៕
ចែករំលែកព័តមាននេះ