ក្រុមហ៊ុន Lenovo បានបញ្ចេញបច្ចេកវិទ្យាថ្មីមួយនៅលើក្តារវៃឆ្លាតរបស់ខ្លួនដែលមានឈ្មោះថា Yoga Book ។ បច្ចេកវិទ្យាថ្មីនោះ គឺក្តារវៃឆ្លាតដែលមានសមត្ថភាពចម្លងនូវរាល់ការ កត់ត្រា សរសេរគូររូបភាពពីដៃអ្នកផ្ទាល់
ក្រុមហ៊ុន Lenovo បានបញ្ចេញបច្ចេកវិទ្យាថ្មីមួយនៅលើក្តារវៃឆ្លាតរបស់ខ្លួនដែលមានឈ្មោះថា Yoga Book ។ បច្ចេកវិទ្យាថ្មីនោះ គឺក្តារវៃឆ្លាតដែលមានសមត្ថភាពចម្លងនូវរាល់ការ កត់ត្រា សរសេរគូររូបភាពពីដៃអ្នកផ្ទាល់ ។ មូលហេតុដែលក្រុមហ៊ុនបញ្ចូលបច្ចេកវិទ្យាមួយ នេះ ដោយសង្ឃឹមថាបានលើកទឹកចិត្តដល់អ្នកប្រើប្រាស់ក្នុងការសរសេរដោយដៃផ្ទាល់ ឬគូររូបហើយបានឃើញអ្វីដែលបានសរសេរនោះលើអេក្រង់នៃក្តារវៃឆ្លាត ។
នៅពេលដែលដាក់បង្ហាញភ្លាមក៏មានការរិះគន់ដែរថា វាជាបច្ចេកវិទ្យាល្អមែន តែដូចជាប្រថុយពេកហើយក្នុងមុខជំនួញ ។ តែក៏មានអ្នកយល់ឃើញផ្សេងទៀតថា នៅពេលណាអ្នក ពាំនាំអ្វីដែលថ្មីមិនធ្លាប់មាន ប្រាកដជាមានគ្រោះថ្នាក់ជារឿងធម្មតានេះ ។
លោក Patrick Moorhead អ្នកជំនាញផ្នែកបច្ចេកវិទ្យាម្នាក់នៃក្រុមហ៊ុន Moor Insights & Strategy និយាយថា វាមិនមែនជារឿងមួយដែលអាក្រក់នោះទេ ព្រោះវានឹងមានផលច្រើនដល់ក្រុមហ៊ុន Lenovo ហើយមនុស្សម្នានឹងចាប់ផ្តើម សំគាល់ Lenovo ថាជាក្រុមហ៊ុនដែលនាំផលិតផលផ្សេងខុសពីគេក្នុងទីផ្សារបច្ចេកវិទ្យា។
ឆ្លងតាមការស្រាវជ្រាវរបស់ក្រុមហ៊ុន IDC បានបង្ហាញថា ភាគហ៊ុននៃទីផ្សារនាំចេញរបស់ក្រុមហ៊ុន Lenovo ផ្នែកក្តារវៃឆ្លាតបានកើនឡើង៣ភាគរយ ។ ចំពោះក្តារវៃឆ្លាតមួយនេះបានបែងចែកជាពីរ ប្រភេទទីមួយវាដើរដោយកម្មវិធីAndroid ចំណែកមួយទៀតវាដំណើរការដោយប្រព័ន្ធកម្មវិធី window 10 ។ ក្តារវៃឆ្លាតថ្មីនេះ អាចឲ្យអ្នកប្រើប្រាស់សរសេរ ឬវាយពាក្យចាប់ពី៤០ពាក្យទៅ៦០ពាក្យក្នុងមួយនាទី ។
ក្រុមហ៊ុនបន្តថា ក្តារវៃឆ្លាតនេះវាពិតជាសក្តិសមជាមួយសិស្ស និស្សិត អ្នកគ្រប់គ្រងគេហទំព័រ នាយកប្រតិបត្តិក្រុមហ៊ុន និងបុគ្គលដែលធ្វើការក្នុងវិស័យឧស្សាហកម្មកែច្នៃ៕
ចែករំលែកព័តមាននេះ