ខេត្តព្រៃវែង ៖ បុរសម្នាក់អះអាងថា ខ្លួនជាសមត្ថកិច្ចនៅខេត្តត្បូងឃ្មុំ បានរងរបួសយ៉ាងធ្ងន់ធ្ងរ ក្រោយពីបើករថយន្តទៅបុករូបសំណាកដំរីនៅខាងមុខខ្លោងទ្វារវត្តស្មោងខាងជើងរលំដំរីសង្កត់ជាប់ទាំងរថយន្ត ទាំងមនុស្ស ដែលហេតុការណ៍នេះ កើតឡើងកាលពីវេលាម៉ោង០៦ព្រឹកថ្ងៃទី៥ កញ្ញា លើផ្លូវជាតិលេខ៨អា ក្នុងភូមិស្មោងខាងជើង ឃុំស្មោងជើង ស្រុកកំចាយមារ ខេត្តព្រៃ
ខេត្តព្រៃវែង ៖ បុរសម្នាក់អះអាងថា ខ្លួនជាសមត្ថកិច្ចនៅខេត្តត្បូងឃ្មុំ បានរងរបួសយ៉ាងធ្ងន់ធ្ងរ ក្រោយពីបើករថយន្តទៅបុករូបសំណាកដំរីនៅខាងមុខខ្លោងទ្វារវត្តស្មោងខាងជើងរលំដំរីសង្កត់ជាប់ទាំងរថយន្ត ទាំងមនុស្ស ដែលហេតុការណ៍នេះ កើតឡើងកាលពីវេលាម៉ោង០៦ព្រឹកថ្ងៃទី៥ កញ្ញា លើផ្លូវជាតិលេខ៨អា ក្នុងភូមិស្មោងខាងជើង ឃុំស្មោងជើង ស្រុកកំចាយមារ ខេត្តព្រៃ
វែង ។
ប្រភពឱ្យដឹងថា បុរសរងគ្រោះខាងលើឈ្មោះណាង សុខលីន អាយុ២៨ឆ្នាំ ជាមន្ត្រីប៉ូលសខេត្តត្បូងឃ្មុំ ។ ប្រភពពីសមត្ថកិច្ចបានឱ្យដឹងទៀតថា មុនពេលកើតហេតុ គេឃើញបុរសរូបនេះ បើករថយន្តកូរ៉ូឡា១គ្រឿង ពណ៌ប្រផេះ ពាក់ស្លាកលេខភ្នំពេញ ២Z- ៥២៤៦ ធ្វើដំណើរតែម្នាក់ឯង ចេញពីរង្វង់មូលស្វាយអន្ទរ ឆ្ពោះទៅស្រុកកំចាយមារ ។ លុះមកដល់កន្លែងកើតហេតុ ទំនងជាអ្នកបើកបរងោកមួយភាំង ទើបធ្វើឱ្យរថយន្តរេចង្កូតធ្លាក់ចេញពីផ្លូវ ហើយជ្រុលទៅបុករូបសំណាកដំរីថ្ម ដែលឈរនៅខាងមុខខ្លោងទ្វារវត្តស្មោងខាងជើងចំពាក់កណ្តាលខ្លួនដំរី និងធ្វើឱ្យរបើកខឿនរលំបាក់ដំរីសង្កត់ពីលើរថយន្ត គៀបទាំងមនុស្ស ។
ក្រោយកើតហេតុភ្លាម អ្នកស្រុកនៅក្បែៗនោះ បាននាំគ្នាទៅចោមរោមមើល និងទាក់ទងហៅសមត្ថកិច្ចចុះទៅជួយអន្តរាគម គាស់ទ្វារយកជនរងគ្រោះចេញមកក្រៅ និងនាំយកទៅសង្គ្រោះ នៅក្នុងឃ្លីនិកឯកជន១ នៅទីរួមស្រុកកំចាយមារ។
ក្រោយពីកើតហេតុជាង១ម៉ោង គេឃើញមិត្តភក្តិ និងសាច់ញាតិជនរងគ្រោះ បានទៅដល់ចរចារសម្របសម្រួលជាមួយព្រះសង្ឃ និងគណៈកម្មការវត្ត ដោយរូបសំណាកដំរីនោះ ខាងវត្តអះអាងថា ធ្វើអស់៥លានរៀល ចំណែកអ្នកបង្កសុំសងតែចំនួន២លានរៀលប៉ុណ្ណោះ។ ក្រោយពីចរចាត្រូវរ៉ូវគ្នាក្នុងតម្លៃ២លានរៀលហើយនោះ សមត្ថកិច្ចក៏ប្រគល់រថយន្តអោយទៅម្ចាស់វិញ ដើម្បីយកទៅជួសជុល។
អ្វីដែលកត់សម្គាល់នោះ គឺខាងក្រុមអ្នកសារព័ត៌មានមួយចំនួន ដែលទៅថតរូប និងយកព័ត៌មាន ត្រូវម្ចាស់រថយន្តប្រើពាក្យគំរាមមើលងាយ និងហាមមិនឱ្យចុះផ្សាយទៀតដោយអះអាងថា រឿងកំប៉ិចកំប៉ុក គេដោះស្រាយគ្នាចប់ហើយ ចង់ចុះផ្សាយស្អី? ។
ចែករំលែកព័តមាននេះ