ADផ្ទាំងផ្សព្វផ្សាយពាណិជ្ជកម្ម

Picture

គួរបើកផ្លូវឲ្យមហាជនធ្វើដំណើរ ប្រៀបដូចធ្វើបុណ្យ …មិនគួរចិត្តអាក្រក់ទេ

10 ខែ មុន
  • ភ្នំពេញ

រាជធានី​ភ្នំពេញ ៖ អាជ្ញាធរ​ខណ្ឌ​ពោធិ​សែន​ជ័យ រុញ​អោយ​ប្រជាពលរដ្ឋ​ឡើង​តុលាការ រឿង​អ្នកមាន​លុយ​ធ្វើ​របង​បិទផ្លូវ​មិន​ឱ្យ​ដើរ​នៅ​ក្រោយ​ផ្សារ​ជម្ពូ​វ័ន​។ មាន​ប្រជាពលរដ្ឋ​ចំនួន​២៦​គ្រួសារ រួម​ទាំង​កម្មករ កម្មការិនី រោងចក្រ​រាប់រយ​នាក់​ទៀត​ដែល​មាន​ទីលំនៅ និង​ស្នាក់​នៅ​តាម​បណ្តា​ផ្ទះ​ជួល​នៅ​ក្នុង​ប្លុក​ផ្លូវលំ​លេខ…

រាជធានី​ភ្នំពេញ ៖ អាជ្ញាធរ​ខណ្ឌ​ពោធិ​សែន​ជ័យ រុញ​អោយ​ប្រជាពលរដ្ឋ​ឡើង​តុលាការ រឿង​អ្នកមាន​លុយ​ធ្វើ​របង​បិទផ្លូវ​មិន​ឱ្យ​ដើរ​នៅ​ក្រោយ​ផ្សារ​ជម្ពូ​វ័ន​។

Picture

មាន​ប្រជាពលរដ្ឋ​ចំនួន​២៦​គ្រួសារ រួម​ទាំង​កម្មករ កម្មការិនី រោងចក្រ​រាប់រយ​នាក់​ទៀត​ដែល​មាន​ទីលំនៅ និង​ស្នាក់​នៅ​តាម​បណ្តា​ផ្ទះ​ជួល​នៅ​ក្នុង​ប្លុក​ផ្លូវលំ​លេខ ១៤K ជា​ផ្លូវ​ទាល់​មួយ (​ខាងក្រោយ​ផ្សារ​ជម្ពូ​វ័ន​) ដែល​ស្ថិត​នៅ​ក្រុម​ទី​៣ ភូមិ​ជម្ពូ​វ័ន​២ ក្នុង​សង្កាត់​ចោម​ចៅ​ទី​៣ ខណ្ឌ​ពោធិ​សែន​ជ័យ បាន​សម្តែង​ការ​ខកចិត្ត​យ៉ាង​ខ្លាំង ចំពោះ​អាជ្ញាធរ​ខណ្ឌ​ពោ​សែន​ជ័យ ដែល​គ្មាន​ដំណោះស្រាយ​រឿង​ពួក​គាត់​សុំ​អន្តរាគមន៍​បើកផ្លូវ​ពី​ផ្លូវ​រោងចក្រ​ឃ្យូ អឹ​ម អាយ QMI ទៅ​ផ្លូវ​បេតុង​ខាងក្រោយ​ផ្សារ​ជម្ពូ​វ័ន ដើម្បី​បង្ក​ការ​ងាយស្រួល​ទៅ​ដល់​ការ​ធ្វើ​ដំណើរ​របស់​ប្រជាពលរដ្ឋ​ក្នុង​មូលដ្ឋាន​ក៏​ដូច​ជា សារ​ធា​រៈទូ​ទៅ កាត់​បន្ថយ​ការ​កកស្ទះ​ចរាចរណ៍ ។

Picture

ជា​ពិសេស​សម្រាប់​ក្មេង​ៗ​ទៅ​សាលារៀន​ទៅ​ផ្សារ និង​ពួក​គាត់​ចេញ​ទៅ​ប្រកប​មុខរបរ​រកស៊ី​ធ្វើ​ការងារ​ផ្សេង​ៗ​ទៀត ។ ហើយ​ត្រូវ​បាន​បុគ្គល​ឈ្មោះ ឡេ​ង ជា​ម្ចាស់​តារាង​បាល់​មួយ​កន្លែង នៅ​លើ​ផ្លូវ​ម្ខាង ធ្វើ​របង​បិទ​មិន​អោយ​ដើរ ដោយ​អះអាង​ថា មួយ​ចំណែក​ផ្លូវ​នោះ គឺ ស្ថិត​នៅ​ក្នុង​ប្លង់​កម្ម​សិទ្ធ​របស់​ខ្លួន និង​ធ្វើការ​ដោះស្រាយ​គ្នា​ចំនួន​២​លើក​មក​ហើយ តែ​គ្មាន​ដំណោះស្រាយ​ល្អ​ទេ និង​រុញ​អោយ​ប្រជាពលរដ្ឋ​ឡើង​ទៅ​តុលាការ​វិញ ។

Picture

ប្រជាពលរដ្ឋ​ម្នាក់​ធ្វើការ​ត្អូញត្អែរ​ថា ពួក​គាត់​ទាំងអស់​គ្នា ពិតជា​មានការ​ខកចិត្ត និង​អស់សង្ឃឹម​យ៉ាង​ខ្លាំង​ចំពោះ​អាជ្ញាធរ​ខណ្ឌ​ពោធិ​សែន​ជ័យ ដែល​គ្មាន​ដំណោះស្រាយ​អំពី​បញ្ហា​រឿង​សុំ​បើកផ្លូវ​ដោយ​ត​ភ្ជាប់​ពី​ផ្លូវ​រោងចក្រ ឃ្យូ អឹ​ម អាយ QMI ទៅ​ផ្លូវ​បេតុង​ក្រោយ​ផ្សារ​ជម្ពូ​វ័ន ពី​ផ្លូវ​ទាល់ អោយទៅ​ជា​ផ្លូវ​ធ្លុះធ្លាយ​ងាយស្រួល ក្នុង​ការ​ធ្វើ​ដំណើរ​នោះ ។ ហើយ​ត្រូវ​បាន​ម្ចាស់​តារាង​បាល់​មួយ​កន្លែង​នៅ​លើ​ផ្លូវ​ម្ខាង ដែល​គេ​ស្គាល់​ថា ឈ្មោះ ឡេ​ង ជា​អ្នកមាន​លុយ​មាន​អំណាច​ម្នាក់​នៅ​តំបន់​ជម្ពូ​វ័ន​ធ្វើ​របង​ស័ង្កសី បិទ​មិន​អោយ​ដើរ ដោយ​អះអាង​ថា ជា​ផ្លូវ ដែល​ស្ថិត​នៅ​ក្ន​ង​ប័ណ្ណ​កម្ម​សិទ្ធ​ប្លង់​រឹង​របស់​ខ្លួន​នោះ ហើយ​មិន​មាន​ដំណោះស្រាយ និង​រុញ​អោយ​ពួក​គាត់ ឡើង​តុលាកា​ទៅ​វិញ​នោះ ។

Picture

ពាក់ព័ន្ធ​ទៅ និង​ការ​ស្នើរ​សុំ​អន្តរាគមន៍​អំពី​សំណាក់​ប្រជាពលរដ្ឋ​ទាំង ២៦​គ្រួសារ រួម​ទាំង​កម្មករ កម្មការិនី​រោងចក្រ​ជា​ច្រើន​រយ​នាក់​ផ្សេង​ទៀត ដែល​មាន​ទីលំនៅ​ក្នុង​ប្លុក​ផ្លូវ​ទាល់​ខាងលើ​នេះ​បាន​បញ្ជាក់​ថា ពួក​គាត់​ម្នាក់ មាន​ទីលំនៅ​ក្នុង​តំបន់​នេះ ខ្លះ​១០​ឆ្នាំ ២០​ឆ្នាំ ខ្លះ​រហូត​ទៅ​ដល់​ជាង​៣០​ឆ្នាំ​ក៏​មាន​ជួប​ការ​លំបាក​យ៉ាង​ខ្លាំង ក្នុង​ការ​ធ្វើ​ដំណើរ​ទៅ​ធ្វើ​ការងារ​រកស៊ី កូន​ដើរ​វាង​ទៅ​រៀន ទៅ​ផ្សារ ម្យ៉ាង​នៅ​លើ​ផ្លូវ​រោងចក្រ ឃ្យូ អឹ​ម អាយ មានការ​កកស្ទះ​ចរាចរណ៍​រាល់ថ្ងៃ គ្មាន​ផ្លូវ​ចេញ​ទេ សូ​ម្បី​តែ​កូន​រៀន​ក៏​ទៅ​មិន​ទាន់​ដែរ ។

Picture

តាម​ប្រភព​ដដែល​បាន​ប្រាប់​បន្ត​ទៀត​ថា ស្ថានភាព​រស់នៅ​ក្នុង​ចំណុច​ផ្លូវ​ទាល់​ដ៏​លំបាក​អស់​រយៈពេល​ជា​ច្រើន​ឆ្នាំ​មក​ហើយ​នេះ​ពួក​គាត់​ក៏​តែងតែ​ទទូច​សុំ​ទៅ​លោក ឆែម ហុង​លី ជា​ម្ចាស់​ដី​ឡូ​តិ៍ ដែល​ជា​ចំណុច​ទាល់ ដើម្បី​បាន​បើកផ្លូវ​ក្នុង​បំណង​អោយ​មាន​ផ្លូវ​ដើរ​ទូលំទូលាយ បញ្ឈប់​ជា​ផ្លូវ​ទាល់ និង​ងាយស្រួល​ក្នុង​ការ​ធ្វើ​ដំណើរ​នោះ លោក​ក៏​យល់ព្រម​អោយ​វាយ​របង​បើក នៅ​ពេល​ដែល​អាជ្ញាធរ​សង្កាត់​ចោម​ចៅ​៣ យក​គ្រឿងចក្រ​មក​ឈូ​យ​ឆាយ​ក្នុង​បំណង​ធ្វើ​ផ្លូវ​បេតុង កាលពី​ថ្ងៃ​ទី​១៥ ខែមករា ឆ្នាំ ២០២២ កន្លង​មកនេះ ។

នៅ​ថ្ងៃ​ដដែល​ក៏​ស្រាប់តែ​បុគ្គល​ឈ្មោះ ឡេ​ង បាន​មក​ធ្វើ​របង​បិទ ហើយ​លោក វ៉ា សា​វឿ​ន ជា​ចៅសង្កាត់​ចោម​ចៅ​ទី ៣ ក៏​បាន​ចុះ​មក​ហាមឃាត់​ដែរ តែ​បុគ្គល​រូប​នោះ​មិន​ស្តាប់​ឡើយ ទើប​ប្រជាពលរដ្ឋ​នាំ​គ្នា​ធ្វើការ​តវ៉ា ហើយ​លោក ហែម ដា​រិ​ទ្ធ ជា​អភិបាល​ខណ្ឌ​ពោធិ​សែន​ជ័យ ក៏​បាន​ចុះ​មក​ពិនិត្យ​ជាក់ស្តែង និង​ធ្វើការ​ដោះស្រាយ​គ្នា​ជា​បន្ត​នៅ​សាលា​ខណ្ឌ​ចំនួន ២​លើក ហើយ​អស់​រយៈពេល​ប្រមាណ​ជា ២​ខែ​មក​ហើយ នៅ​តែ​គ្មាន​ដំណោះស្រាយ និង​រុញ​អោយ​ឡើង​តុលាការ​វិញ និង​អោយ​ពួក​គាត់​អស់ជំនឿ​យ៉ាង​ខ្លាំង​ទៅ​លើ​ចំណាត់ការ​នេះ​៕

Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023