គណៈកម្មាធិការស៊ើបអង្កេតរុស្សីបានចាប់ផ្តើមស៊ើបអង្កេតព្រហ្មទណ្ឌប្រឆាំងនឹងអ្នកកាសែតរុស្សីដ៏លេចធ្លោម្នាក់ដោយសារបានចែកចាយព័ត៌មានអំពីការវា.យប្រហាររបស់កងទ័ពរុស្សី ដោយគណៈកម្មាធិការរុស្សីហៅវាថា ជាព័ត៌មានក្លែងក្លាយ ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Interfax។ គណៈកម្មាធិការស៊ើបអង្កេតបាននិយាយថា អ្នកកាសែតឈ្មោះ Alexander Nevzorov…
គណៈកម្មាធិការស៊ើបអង្កេតរុស្សីបានចាប់ផ្តើមស៊ើបអង្កេតព្រហ្មទណ្ឌប្រឆាំងនឹងអ្នកកាសែតរុស្សីដ៏លេចធ្លោម្នាក់ដោយសារបានចែកចាយព័ត៌មានអំពីការវា.យប្រហាររបស់កងទ័ពរុស្សី ដោយគណៈកម្មាធិការរុស្សីហៅវាថា ជាព័ត៌មានក្លែងក្លាយ ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Interfax។
គណៈកម្មាធិការស៊ើបអង្កេតបាននិយាយថា អ្នកកាសែតឈ្មោះ Alexander Nevzorov បានផ្សព្វផ្សាយដោយចេតនាពីព័ត៌មានមិនពិតអំពីការវា.យប្រហាររបស់រុស្សីលើមន្ទីរពេទ្យសម្ភពនៅក្នុងទីក្រុង Mariupol នៅលើបណ្តាញសង្គម Instagram និងលើឆាណែល Youtube របស់គាត់។
លោក Alexander Nevzorov ដែលជាអតីតអ្នកនយោបាយ ធ្លាប់បានពណ៌នាសកម្មភាពរបស់រុស្សីនៅក្នុងទីក្រុង Mariupol ថាជាអំពើភេរវកម្ម។
បច្ចុប្បន្នទីក្រុងកំពង់ផែ Mariupol កំពុងត្រូវបានឡោមព័ទ្ធដោយកងទ័ពរុស្សី។ កាលពីដើមសប្តាហ៍នេះ រុស្សីបានដាក់ឱសានវាទឲ្យកងទ័ពអ៊ុយក្រែនក្នុងទីក្រុងនេះទម្លាក់អាវុ.ធចុះចាញ់ ប៉ុន្តែត្រូវបានអ៊ុយក្រែនបដិសេធ និងប្រកាសប្រយុទ្ធរហូតដល់អស់ទាហាន។
ប្រធានាធិបតីអ៊ុយក្រែន Zelenskky បាននិយាយថាប្រជាជន ១០០.០០០នាក់កំពុងជាប់នៅក្នុងទីក្រុង Mariupol។
សូមរម្លឹកថា កាលពីដើមខែនេះ សភារុស្សីបានអនុម័តច្បាប់មួយក្នុងគោលបំណងទប់ស្កាត់ការបង្ខូចកិត្តិយសកងទ័ពរុស្សី និងហាមប្រាមការផ្សព្វផ្សាយព័ត៌មានក្លែងក្លាយ៕ (យោងតាមប្រភព៖ Interfax & Aljazeera)
ចែករំលែកព័តមាននេះ