ក្រុមឈ្មួញយកគ្រឿងចក្រ ទៅជីកកកាយដីភ្នំដឹកលក់យ៉ាងគគ្រឹកគគ្រេង
- ប៉ៃលិន
ខេត្តប៉ៃលិន៖ រហូតមកដល់រសៀលថ្ងៃទី២២ ខែមីនា ឆ្នាំ២០២២ នេះ គេសង្កេតឃើញក្រុមឈ្មួញ បាននាំយកគ្រឿងចក្រ ទៅជីកកកាយដីភ្នំមួយកន្លែង ស្ថិតនៅចំណុចភូមិសួនអំពៅកើត សង្កាត់ប៉ៃលិន…
ខេត្តប៉ៃលិន៖ រហូតមកដល់រសៀលថ្ងៃទី២២ ខែមីនា ឆ្នាំ២០២២ នេះ គេសង្កេតឃើញក្រុមឈ្មួញ បាននាំយកគ្រឿងចក្រ ទៅជីកកកាយដីភ្នំមួយកន្លែង ស្ថិតនៅចំណុចភូមិសួនអំពៅកើត សង្កាត់ប៉ៃលិន…
ខេត្តប៉ៃលិន៖ រហូតមកដល់រសៀលថ្ងៃទី២២ ខែមីនា ឆ្នាំ២០២២ នេះ គេសង្កេតឃើញក្រុមឈ្មួញ បាននាំយកគ្រឿងចក្រ ទៅជីកកកាយដីភ្នំមួយកន្លែង ស្ថិតនៅចំណុចភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន ដឹកលក់នៅតាមភូមិយ៉ាងគគ្រឹកគគ្រេង ស្ទើរតែអស់មួយចំហៀងភ្នំទៅហើយ។
តែមិនឃើញមានអាជ្ញាធរមូលដ្ឋាន ឬមន្ទីរពាក់ព័ន្ធណា ចុះទៅត្រួតពិនិត្យនោះឡើយ ខណៈម្ចាស់គ្រឿងចក្រ បានអះអាងថា បានរត់ការច្បាប់ចេញពីខាងក្រុងអស់ហើយ។
ប្រភពព័ត៌មានពីប្រជាពលរដ្ឋ រស់នៅភូមិខាងលើ បានឱ្យអ្នកសារព័ត៌មានដឹងថា ខាងម្ចាស់ដីគេមានប្លង់ត្រឹមត្រូវ អាចឲ្យជីកកកាយដឹកលក់បាន មិនមានបញ្ហាអ្វីនោះទេ ហើយដីកូនភ្នំខាងលើ ត្រូវបានឈ្មួញយកគ្រឿងចក្រអេស្កាវ៉ាទ័រ ទៅជីកកាយដឹកលក់អស់រយៈពេលជាយូរខែមកហើយ។
ការជីកកកាយដីភ្នំដឹកលក់នេះ ធ្វើឱ្យខូចផ្លូវលំនៅចំនុចខាងលើ គួរឲ្យកត់សម្គាល់។ តែគេមិនឃើញខាងអាជ្ញាធរមូលដ្ឋាន ក៏ដូចជាមន្ត្រីជំនាញ ចុះពិនិត្យមើលចំណុចកូនភ្នំនោះឡើយ ដោយចេះតែបណ្ដែតបណ្ដោយអោយក្រុមឈ្មួញ យកគ្រឿងចក្រទៅជីកកកាយ ដឹកលក់តាមភូមិយ៉ាងគគ្រឹកគគ្រេងតែម្ដង។
ប្រភពដដែលបន្តទៀតថា ម្ចាស់គ្រឿងចក្រ គេមិនខ្លាចនោះទេ ពីព្រោះគ្រឿងចក្រ បានសុំច្បាប់នៅតាមមន្ទីរជំនាញ និងអាជ្ញាធរមូលដ្ឋាន ដើម្បីចូលទៅជីកកកាយរួចរាល់ហើយ។
ពាក់ព័ន្ធនឹងបញ្ហានេះ លោក សុខ សួន ប្រធានមន្ទីររ៉ែ និងថាមពល ខេត្តប៉ៃលិន បានឲ្យដឹងថា ខាងក្រសួងរបស់លោក បានប្រគល់តួនាទីនេះ ទៅឲ្យខាងក្រុង ជាអ្នករៀបចំចាត់ចែងឯកសារ ទាក់ទងនឹងម្ចាស់គ្រឿងចក្រ ឬម្ចាស់ដី ក្នុងការជីកកកាយ តែបើចង់ដឹងច្បាស់ សុំឲ្យទាក់ទងទៅខាងរដ្ឋបាលក្រុង។
ចំណែកលោក ស៊ុន យី អភិបាលក្រុងប៉ៃលិន បានឱ្យដឹងថា ខាងលោក ពិនិត្យមើលឯកសារសិន ដើម្បីចាត់ឲ្យមន្ត្រីចុះទៅពិនិត្យនៅកន្លែងជីកកកាយដីខាងលើ។ បើសិនជាគ្មានច្បាប់អនុញ្ញាតនោះ នឹងធ្វើការហាមឃាត់ មិនឲ្យជីកកកាយតទៅទៀតឡើយ៕ នីយ៉ា
ចែករំលែកព័តមាននេះ