ទីក្រុងម៉ារីអ៊ូប៉ូល ជាទីក្រុងកំពង់ផែមួយនៅភាគអាគ្នេយ៍អ៊ុយក្រែន ជាប់ការឡោមព័ទ្ធរបស់កងទ័ពរុស្សុី កំពុងតែមានការប្រយុទ្ធគ្នាខ្លាំងក្លា។ អ៊ុយក្រែនទទួលស្គាល់នាថ្ងៃទី១៩ ខែមីនា ពីការបាត់បង់ច្រកចូលមក
សង្គ្រាមអ៊ុយក្រែន ៖ ទីក្រុងម៉ារីអ៊ូប៉ូល ជាទីក្រុងកំពង់ផែមួយនៅភាគអាគ្នេយ៍អ៊ុយក្រែន ជាប់ការឡោមព័ទ្ធរបស់កងទ័ពរុស្សុី កំពុងតែមានការប្រយុទ្ធគ្នាខ្លាំងក្លា។ អ៊ុយក្រែនទទួលស្គាល់នាថ្ងៃទី១៩ ខែមីនា ពីការបាត់បង់ច្រកចូលមកសមុទ្រ AZOV។ ម្យ៉ាងទៀត ខណៈក្រុងមូស្គូប្រកាសថា បានប្រើអាវុធលឿនជាងសំឡេង នាំឲ្យប្រធានាធិបតីអ៊ុយក្រែន លោក VOLODYMYR ZELENSKY អំពាវនាវឲ្យមានការចរចាគ្នាម៉ាត់ប្រាយពីសន្តិភាព។
ការប្រយុទ្ធគ្នាពិតជាសាហា.វកាលពីថ្ងៃទី១៩ ខែមីនា នៅតាមដងវិថីក្រុងម៉ារីអ៊ូប៉ូល ដែលនាំឲ្យស្ទះដល់ការប៉ុនប៉ងរំដោះចេញពីផ្នែកក្រោមដី មនុស្សច្រើនរយនាក់ដែលនៅរស់រានមានជីវិត ក្រោយការទម្លាក់គ្រាប់បែកលើរោងមហោស្រពមួយនៃទីក្រុងនោះ។ ចំណែកកងទ័ពអ៊ុយក្រែនទទួលស្គាល់ថា បានបាត់បង់ច្រកចូលសមុទ្រ AZOV។
កងទ័ពរុស្សុីអះអាងនាថ្ងៃទី១៨ ខែមីនាថា អាចលុកចូលក្នុងទីក្រុងនេះ និងធ្វើការប្រយុទ្ធ។ លោក VADYM BOYCHEKO អភិបាលក្រុងជាប់ការឡោមព័ទ្ធនោះថ្លែងនាថ្ងៃទី១៩ ខែមីនាថា ការខិតខំប្រឹងប្រែងដើម្បីជួយសង្គ្រោះមនុស្សច្រើនរយនាក់ដែលជាប់នៅក្រោមដីនៃមហោស្រពក្រុងម៉ារីអ៊ូប៉ូល រងការទម្លាក់គ្រាប់បែកកាលពីថ្ងៃទី១៦ ខែមីនា ត្រូវស្ទះដោយការប្រយុទ្ធគ្នាខ្លាំងក្លា ដែលកំពុងប្រព្រឹត្តទៅក្នុងតំបន់នោះ។
ក្រុមអ្នកជួយសង្គ្រោះអាចរើគំនរបាក់បែកអគារមហោស្រពនោះតែពេលការប្រយុទ្ធគ្នាស្ងប់់។ តាមអភិបាលក្រុងនេះថាការវាយប្រហាររបស់រុស្សុី បានធ្វើឲ្យខូចខាត ឬបំផ្លាញ៩០% នៃបណ្ដាអគារស្នាក់នៅនៃក្រុងម៉ារីអ៊ូប៉ូល។ រោងចក្រស្លដែកធំមួយនៃទីក្រុងនេះរងការខូចខាត ពេលមានការប្រយុទ្ធគ្នា។ វាជារោងចក្រស្លដែកធំមួយដែរនៅអឹរ៉ុប។
សេនាធិការដ្ឋានកងទ័ពរុស្សុី អះអាងថា កងទ័ពខ្លួន អាចលុកចូលកណ្ដាលក្រុងម៉ារីអ៊ូប៉ូល ចូលរួមដៃគ្នាប្រយុទ្ធនៅទីនោះជាមួយកងកម្លាំងបំបែកខ្លួននិយមដូណេដតស្ក៍។ ក្នុងវីដេអូមួយ គេឃើញបណ្ដាកងឯកភាពឆេតឆេនី លើកមកជួយកងទ័ពរុស្សុី កំពុងតែធ្វើការជំម្លៀសជនស៊ីវិលចេញ។ បណ្ដានាយទាហានរុស្សុីនិយាយថា ពួតដីគ្នាជាមួយកងកម្លាំងបំបែកខ្លួននិយមយើងអាចកាន់កាប់៩០% នៃភាគកណ្ដាលក្រុងម៉ារីអ៊ូប៉ូល៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ