នគរបាលឃាត់​ខ្លួន​ជនសង្ស័យ​​ជួញដូរគ្រឿងញៀន​​ក្នុងសណ្ឋា​គារ​​បូលីណា​ផាឡេស​


រាជធានីភ្នំពេញ ៖ កម្លាំង​នគរបាល​​មន្ទីរ​ប្រឆាំង​គ្រឿងញៀននៃ​​ក្រសួងមហាផ្ទៃ​​សហ​ការជាមួយ​នគរបា​ល​ប៉ុស្តិ៍​​រដ្ឋបាល​ផ្សារ​ថ្មីទី​៣ ​បាន​ឆ្មក់​ចូល​សណ្ឋាគារ​​បូលីណា​ផា​ឡេស ដែល​មានទីតាំង​​លេខ​បេ៨-​បេ៩-បេ២០អឺ០ ផ្លូវលេខ​១៥៤ ភូមិទី​៤ ​សង្កាត់ផ្សារ​ថ្មីទី៣ ខណ្ឌដូន​ពេញ កាលពីវេលាម៉ោង​​២​និង​១៥​នាទី​​រសៀល​ថ្ងៃទី​២៣ ធ្នូ ២០១២ ។

សមត្ថកិច្ច​មួយរូប​បង្ហើប​ឱ្យ​ដឹងថា នៅវេលា​ម៉ោងជាង​១​រសៀលថ្ងៃ​ខាងលើ ​កម្លាំង​នគរបាល​មន្ទីរពេទ្យ​​ប្រឆាំង​គ្រឿងញៀន​ក្រសួងមហា​ផ្ទៃ​បាន​ធ្វើការ​ឃាត់​ខ្លួន​ជនជាតិឡាវ​៤​នាក់​ ខណៈ​ពេល​ជិះ​រថយន្តម៉ាក​​តូយ៉ូតាវីហ្គោ ពណ៌ស ​នៅ​មុខភោជនីយ​ដ្ឋាន​កាដូ ផ្លូវជាតិ​លេខ​៦ សង្កាត់ព្រែក​លៀប ខណ្ឌ​​ឫស្សីកែវ ពាក់​ព័ន្ធ​ជួញដូរគ្រឿងញៀន ។ ​ក្រោយពី​ឃាត់​ខ្លួន​ជនសង្ស័យ​​ខាងលើ​នគរបាល​មន្ទីរ​ប្រឆាំង​គ្រឿង​ញៀន​​​សហការ​ជា​មួយ​នគរបាល​ប៉ុស្តិ៍​រដ្ឋបាល​ផ្សារថ្មី​ទី​៣ ដឹកនាំ​ដោយ​លោក​ឯក​ ឆេង ​ហួត ព្រះរាជអាជ្ញា​រង​​សាលា​ដំបូង​រាជធានីភ្នំពេញ បានឆ្មក់​​ចូល​សណ្ឋា​គារ​បូលីណាផាឡេស។ ជា​លទ្ធ​ផល​ក្នុង​​ការឆែកឆេរ​​​ក្នុងបន្ទប់​​លេខ​៥០៣ ជាន់​ទី​៥ ដែល​ជនសង្ស័យស្នាក់​នៅ​រក​ឃើញ​ថ្នាំញៀន​​ប្រភេទ​យ៉ាបា​ចំនួន​១០​សុង ស្មើ​២៥.០០០​គ្រាប់៕

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ