ខេត្តកំពង់ឆ្នាំង ៖ ឆ្លើយតបតាមការអំពាវនាវរបស់ស្ត្រីមេម៉ាយទុគ៌ត ចិញ្ចឹមកូន៥នាក់ក្នុងបន្ទុក រស់នៅភូមិឃ្លាំងប្រាក់ សង្កាត់ប្អេរ ក្រុងកំពង់ឆ្នាំង ដែលគ្មានទីជម្រកសមរម្យព្រោះ តែផ្ទះដែលកំពុងរស់នៅបានរលំបាក់ទៅហើយនោះ ពេលនេះផ្ទះតៀមមួយខ្នងធ្វើពីឈើ ប្រក់ និងបាំងជញ្ជាំងស័ង្កសីបានធ្វើរួចរាល់ហើយ និងបានប្រគល់ជូនស្ត្រីខាងលើនេះ កាលពីថ្ងៃសៅរ៍ចុងសប្តាហ៍កន្លង
ខេត្តកំពង់ឆ្នាំង ៖ ឆ្លើយតបតាមការអំពាវនាវរបស់ស្ត្រីមេម៉ាយទុគ៌ត ចិញ្ចឹមកូន៥នាក់ក្នុងបន្ទុក រស់នៅភូមិឃ្លាំងប្រាក់ សង្កាត់ប្អេរ ក្រុងកំពង់ឆ្នាំង ដែលគ្មានទីជម្រកសមរម្យព្រោះ តែផ្ទះដែលកំពុងរស់នៅបានរលំបាក់ទៅហើយនោះ ពេលនេះផ្ទះតៀមមួយខ្នងធ្វើពីឈើ ប្រក់ និងបាំងជញ្ជាំងស័ង្កសីបានធ្វើរួចរាល់ហើយ និងបានប្រគល់ជូនស្ត្រីខាងលើនេះ កាលពីថ្ងៃសៅរ៍ចុងសប្តាហ៍កន្លងទៅ។
សូមរំឭកថា បន្ទាប់ពីមានសេចក្តីអំពាវនាវតាមរយៈប្រព័ន្ធផ្សព្វផ្សាយនានា ពិសេសសារព័ត៌មានកោះសន្តិភាពដែលបានផ្សាយពីទុក្ខលំបាករបស់ស្ត្រីឈ្មោះ អ៊ុន គឹមស្រ៊ុន អាយុ៣៥ឆ្នាំ ត្រូវប្តីបោះបង់ចោលទុកកូន៥នាក់ក្នុងបន្ទុក និងប្រឹងដើរបោកខោអាវឱ្យគេដើម្បីបានប្រាក់ចិញ្ចឹមកូន ព្រមទាំងគ្មានជម្រកស្នាក់នៅផងនោះ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជា បានជួយឧបត្ថម្ភប្រាក់ចំនួន១លាន២០ម៉ឺនរៀល ។
ក្រៅពីនេះមាន លោកឧកញ៉ា ទៀង ថៃ និងលោកជំទាវ វ៉ាន់ លុយ សមាជិកកិតិ្តយសកាកបាទក្រហមកម្ពុជាចំនួន១លានរៀល លោក ប៊ី ប្រធានយុវវ័យសាមគ្គីដើម្បីមនុស្សធម៌១៥ម៉ឺនរៀល និងលោក សួស គឹមថុន មន្ត្រីមន្ទីរសង្គមកិច្ច២០ម៉ឺនរៀល រួមនឹងសប្បុរសជនមួយចំនួនទៀត បានរួមគ្នាធ្វើផ្ទះបាន១ខ្នងប្រគល់ជូនស្ត្រីខាងលើនេះ ដែលមានទំហំ៤ម៉ែត្រគុណនឹង៥ម៉ែត្រ ជាប្រភេទផ្ទះតៀម ប្រក់និងបាំងជញ្ជាំងស័ង្កសី ។
លោកជំទាវ វ៉ាន់ លុយ មានប្រសាសន៍ថាទាំងនេះជាការរួមចំណែកជាមួយរាជរដ្ឋាភិបាល ក៏ដូចជាមួយសម្តេចទាំងពីរ ដែលជួយប្រជាពលរដ្ឋដើម្បីកាត់បន្ថយភាពក្រីក្រ ទោះថាការចូលរួមចំណែកនេះវាតិចតួចក្តី តែវាគ្រាន់បើជាងអត់ ។ យើងបានសាមគ្គីគ្នាជួយគាត់ ព្រោះរឿងប្រជាពលរដ្ឋមិនចាំបាច់តែថ្នាក់ដឹកនាំទេ យើងអ្នករកស៊ីឲ្យតែមានធនធាន ក៏យើងរួមគ្នាជួយគាត់បានដែរ ដើម្បីជួយកាត់បន្ថយការលំបាករបស់គាត់តាមលទ្ធភាពគ្មានការបង្ខិតបង្ខំទេ ។
ក្រោយពីបានទទួលអំណោយជាគ្រឿងឈើសម្រាប់សង់ផ្ទះនេះ ស្ត្រីមេម៉ាយ អ៊ុន គឹមស្រ៊ុន មានចិត្តសប្បាយរីករាយជាខ្លាំង និងបានលើកដៃសំពះថ្លែងអំណរគុណសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងលោកជំទាវ វ៉ាន់ លុយ សូមសម្តេចនិងលោកជំទាវ ព្រមទាំងសប្បុរសជនទាំងអស់ ជួបប្រទះតែសេចក្តីសុខនិងរកស៊ីមានបានតរៀងទៅ ។
ក្នុងឱកាសនោះដែរ លោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង បានថែ្លងអំណរគុណសម្តេចទាំង២ និងលោកជំទាវម្ចាស់អំណោយ និងសូមជូនពរដល់សម្តេច លោកជំទាវ និងសប្បុរសជនទាំងអស់ សូមជួបប្រទះតែពុទ្ធពរទាំង៤ប្រការគឺអាយុៈ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។
សូមបញ្ជាក់ថា នៅថ្ងៃនោះដែរ លោកជំទាវ វ៉ាន់ លុយ និងលោកជំទាវកែ ច័ន្ទមុនី ក៏បានឧបត្ថម្ភប្រាក់ចំនួន២០ម៉ឺនរឿលបន្ថែមផងដែរ ៕
ចែករំលែកព័តមាននេះ