ក្នុងការទាក់ទងគ្នាតាមទូរស័ព្ទកាលពីថ្ងៃទី១២ ខែមីនា ឆ្នាំ២០២២ តើប្រធានាធិបតីរុស្សុី លោកវ្ល៉ាឌីមៀរ ពូទីន សមភាគីបារាំង លោកអេមម៉ា នុយអែល ម៉ាក្រុង ព្រមទាំងអធិការបតីអាល្លឹម៉ង់ លោក
សង្គ្រាមអ៊ុយក្រែន ៖ ក្នុងការទាក់ទងគ្នាតាមទូរស័ព្ទកាលពីថ្ងៃទី១២ ខែមីនា ឆ្នាំ២០២២ តើប្រធានាធិបតីរុស្សុី លោកវ្ល៉ាឌីមៀរ ពូទីន សមភាគីបារាំង លោកអេមម៉ា នុយអែល ម៉ាក្រុង ព្រមទាំងអធិការបតីអាល្លឹម៉ង់ លោក OLAF SCHOLZ និយាយគ្នាអ្វីខ្លះ ពីរឿងសង្គ្រាមនៅអ៊ុយក្រែន?
អស់ពេល១ម៉ោងកន្លះ ក្នុងកិច្ចសន្ទនាគ្នាតាមទូរស័ព្ទនេះ ប្រធានាធិបតីបារាំង និងអធិការបតីអាល្លឺម៉ង់ បានទាមទារឲ្យរុស្សុីបញ្ចប់ការឡោមព័ទ្ធទីក្រុងកំពង់ផែ MARIOUPOL ដែលនៅទីនោះសភាពការណ៍ពិតជាអមនុស្សធម៌មិនអាចទ្រាំទ្របាន។ នេះជាការអះអាងរបស់លោកម៉ាក្រុង ខណៈអភិបាលក្រុងនោះ ត្រូវបាត់ខ្លួនសង្ស័យត្រូវកងទ័ពរុស្សុីចាប់ ពេលលុកចូលដណ្ដើមកាន់កាប់សាលាក្រុងនេះ។
ក្រោយការជួបគ្នានោះ តាមវិមានប្រធានាធិបតីបារាំងអេលីហ្សេថា លោកពូទីន មិនបានបង្ហាញឆន្ទះនៃការបញ្ឈប់សង្គ្រាមឡើយ អាស្រ័យហេតុនេះបានជាយើងនឹងចាត់វិធានការដាក់ទណ្ឌកម្មថ្មីៗទៀត នាប៉ុន្មានម៉ោងខាងមុខនេះ។
វិមានអេលីហ្សេនិយាយថា ទិសដៅ គឺរុញលោកពូទីន ឲ្យផ្អឹបនឹងជញ្ជាំង។ យើងនឹងគាបសង្កត់លោកពូទីន ឲ្យខ្លាំងក្លាបំផុត ដើម្បីឲ្យបញ្ឈប់សង្គ្រាម ហើយយើងនឹងមិនបន្ធូរដៃឡើយ។ យើងត្រៀមដើរទៅមុខឆ្ងាយថែមទៀត។
តាមក្រុងប៉ារីសថា ការអនុម័តវិធានការដាក់ទណ្ឌកម្មថ្មីៗ មិនមែនគ្រាន់តែថា ឲ្យរួចពីមាត់ទេ រវាងបណ្ដាដៃគូអឹរ៉ុប និងសមាជិកក្រុម G7។ បណ្ដាទណ្ឌកម្មប្រឆាំងរុស្សុី គឹចារក្នុងប្រវត្តិសាស្ត្រ ដែលនោះដូចជាទណ្ឌប្រឆាំងកូរ៉េខាងជើងឬស៊ីរី។ បារាំងអះអាងថា សេដ្ឋកិច្ចរុស្សុី ត្រូវរងការប៉ះពាល់ខ្លាំងបំផុតនិងថា យើងត្រៀមដើរទៅឆ្ងាយថែមទៀត។
វិមានប្រធានាធិបតីបារាំងបន្តថា សម្រាប់ពេលនេះគ្មានបញ្ហានៃការបញ្ឈប់ការចរចាឡើយ ដែលនោះជាការទាមទារបំផុតជាមួយលោកពូទីន។ វាសំខាន់ណាស់ក្នុងសភាពការណ៍ ដែលយើងត្រូវរក្សាឧបករណ៍ការទូត។ ប៉ុន្តែតាមមនុស្សនៅជុំវិញប្រធានាធិបតីបារាំងថា ការចរចាមិនអាចធ្វើជាមួយការភ្ជង់កាំភ្លើងចំសៀតផ្កាឡើយ។
ក្រុងប៉ារីស យល់ថា ពេលនេះជាពេលសោកនាដកម្ម ដែលសម្រាប់លោកខាងលិច គឹត្រូវចាត់បណ្ដាវិធានការនានាជាបន្ទាន់ថែមទៀត។ ប្រធានាធិតីពូទីនត្រូវគិតដល់រឿងអស់ទាំងនេះ។
លោកម៉ាក្រុង ចង់ឲ្យលោកពូទីនដឹងថា បណ្ដាការសន្យារបស់ខ្លួនពិតជាមាំទាំ។ បារាំង និងអាល្លឹម៉ង់ និយាយជាថ្មី ប្រាប់ដល់រុស្សុី ពីការទទួលខុសត្រូវរបស់ខ្លួន ក្នុងសង្គ្រាមនេះ ខណៈដែលប្រធានាធិបតីរុស្សុី លើកហេតុផលជាថ្មីនៃការវា.យលុកលើអ៊ុយក្រែន៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ