ខេត្តព្រៃវែង ៖ ក្រុមការងារចុះជួយពង្រឹងឃុំត្នោត ស្រុកកញ្ជ្រៀច ខេត្តព្រៃវែង កាលពីរសៀលថ្ងៃទី២១ សីហា ២០១៦ បានរៀបចំជួលរថយន្តទូរីសប្រភេទ២៥កៅអី១ គ្រឿង ជួយសម្រួលដំណើរ
ខេត្តព្រៃវែង ៖ ក្រុមការងារចុះជួយពង្រឹងឃុំត្នោត ស្រុកកញ្ជ្រៀច ខេត្តព្រៃវែង កាលពីរសៀលថ្ងៃទី២១ សីហា ២០១៦ បានរៀបចំជួលរថយន្តទូរីសប្រភេទ២៥កៅអី១ គ្រឿង ជួយសម្រួលដំណើរយុវជនយុវ នារី សិស្សានុសិស្ស កូនកសិករ ឃុំត្នោតចំនួន៣៧នាក់ ដើម្បីទៅចូលរួមត្រៀមប្រឡងបាក់ឌុប ថ្ងៃទី២២-២៣ ខែសីហា នៅទីរួមស្រុកស្វាយអន្ទរ ។ លោក ឡុង ស្រេង អនុប្រធានក្រុមការងារស្រុកកញ្ជ្រៀច និងជាប្រធានក្រុមចុះជួយឃុំត្នោត បានថ្លែងឲ្យដឹងថា ដោយមើលឃើញការលំបាករបស់ក្មួយៗ
កូនកសិករឃុំត្នោត ខ្វះខាតមធ្យោយបាយក្នុងការធ្វើដំណើរ ទៅប្រឡងបាក់ឌុបដែលរៀចំឡើងមានទីតាំងផ្លូវវែងឆ្ងាយ ។ ក្រុមការងារឃុំត្នោតសម្រេចជួលរថយន្តជូនដំណើរសិស្សទៅប្រឡងបាក់ឌុបនោះ ដោយមានការចូលរួមពីអាណាព្យាបាល និងយុវជនជាមិត្ដភក្ដិរួមសាលា រួមភូមិ ទៅជួយលើកទឹកចិត្តដែរ។ លោក ឡុង ស្រេង បន្តថាជាមួយនេះក្រុមការងារក៏បានរៀបចំឲ្យមានការស្នាក់នៅបានសមរម្យ ពិសេសទៀតនោះមានអាហារ៣ពេល ក្នុង១ថ្ងៃទៀតផង។
លោក ឡុង ស្រេង ក្នុងនាមជាប្រធានក្រុមការងារឃុំត្នោត ឆ្លៀតពេលផ្តាំផ្ញើសិស្សានុសិស្សកូនកសិករឃុំត្នោតថា ក្រុមការងាររបស់លោកបានត្រឹមជួយសម្រួល មធ្យោបាយបណ្ណឹង រីឯចំណេះដឹងប្រឡងបាក់ឌុបជាប់ ឬមិនជាប់ អាស្រ័យលើការខិតខំប្រឹងប្រែងរបស់ក្មួយៗ ។ មានពាក្យមួយឃ្លាថា អ្នករៀនចេះ អ្នករៀនជាប់ ដូច្នេះបើប្អូនកូនក្មួយប្រឹងរៀនប្រាកដជាប្រឡងជាប់ និយាយយ៉ាងដូច្នេះ អ៊ុំសូមជូនពរឲ្យក្មួយៗប្រឡងបាក់ឌុបឆ្នាំនេះ បានជាប់ទាំអស់គ្នា ៕
ចែករំលែកព័តមាននេះ