ខេត្តស្វាយរៀង ៖ គ្រោះថ្នាក់ចរាចរណ៍ដ៏រន្ធត់ រវាងរថយន្តកុងតឺន័រនិងហ៊ីយ៉ាន់ដាយ បណ្តាលឲ្យមនុស្ស០៤នាក់ បានរងរបួសធ្ងន់ធ្ងរសន្លប់នៅក្នុងកាប៊ីនរថយន្ត និងខាងក្រោមរថយន្តញាក់សាច់។ គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោង២និង៥៥នាទីរសៀលថ្ងៃទី១០…
ខេត្តស្វាយរៀង ៖ គ្រោះថ្នាក់ចរាចរណ៍ដ៏រន្ធត់ រវាងរថយន្តកុងតឺន័រនិងហ៊ីយ៉ាន់ដាយ បណ្តាលឲ្យមនុស្ស០៤នាក់ បានរងរបួសធ្ងន់ធ្ងរសន្លប់នៅក្នុងកាប៊ីនរថយន្ត និងខាងក្រោមរថយន្តញាក់សាច់។ គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោង២និង៥៥នាទីរសៀលថ្ងៃទី១០ មីនា ឆ្នាំ២០២២ នៅលើកំណាត់ផ្លូវជាតិលេខ១ ត្រង់ចំណុចភូមិ ថ្នល់កែង ឃុំកណ្ដៀងរាយ ស្រុកស្វាយទាប ខេត្តស្វាយរៀង។
បើតាមសមត្ថកិច្ចបានឲ្យដឹងថា មានករណីគ្រោះថ្នាក់ចរាចរណ៍គួរឲ្យរន្ធ.ត់មួយ រវាងរថយន្តដឹកកុងតឺន័រនិងរថយន្តហ៊ីយ៉ាន់ដាយដឹកឡាំងក្រដាស ក្នុងទិសដៅបញ្រ្ចាសទិសគ្នា បានបុកគ្នាពេញទឹហឹងលាន់ដូចរន្ទះ ធ្វើឲ្យរថយន្តម៉ាកហ៊ីយ៉ាន់ដាយដឹកឡាំងក្រដាសខ្ទាតប៉ើង ថយក្រោយ ក្រឡាប់ សង្កត់ពីលើម៉ូតូ អ្នកដំណើរដែល កំពុងធ្វើដំណើរពីខាងក្រោយ ចំនួន០២គ្រឿងសង្កត់ទាំងម៉ូតូ និងមនុស្សរងរបួសធ្ងន់សន្លប់ស្តូកស្តឹងតែម្តង ។
ចំណែកអ្នកបើកបររថយន្តទាំងពីរគ្រឿងក៏រងបួសធ្ងន់ធ្ងរសន្លប់នៅក្នុងកាប៊ីនរថយន្តផងដែរ ត្រូវបានប្រជាពលរដ្ឋបាននាំគ្នាគាស់និងទាញចេញពីក្នុងកាប៊ីនរថយន្តរួចហៅរថយន្តសាមុយដឹកបញ្ជូនទៅមន្ទីរពេទ្យខេត្តដើម្បីសង្គ្រោះ ។
តាមព័ត៌មានបឋមពីសមត្ថកិច្ចជំនាញបានឲ្យដឹងថា គ្រោះថ្នាក់ចរាចរណ៍ខាងលើគឺ រវាង រថយន្តដឹក កុងតឺន័រ និងរថយន្ត ហ៊ីយ៉ាន់ដាយ ហើយបានខ្ទាតរថយន្ត១គ្រឿងថយក្រោយក្រឡាប់សង្កត់ពីលើម៉ូតូ ចំនួន០២គ្រឿង បណ្ដាលអោយអ្នកជិះម៉ូតូរងរបួសធ្ងន់ធ្ងន់សន្លប់នៅក្រោមរថយន្ត ។
ចំណែកអ្នកបើកបររថយន្តក៏រងរបួសធ្ងន់ធ្ងរសន្លប់នៅក្នុងកាប៊ីនរថយន្តដែរសរុប ចំនួន០៤នាក់ ប្រុស ( អ្នកបើកបរ រថយន្ត ពីរ នាក់ និង អ្នកបើកបរ ម៉ូតូ ពីរ នាក់)ហើយ បច្ចុប្បន្ន ជនរងគ្រោះទាំង០៤នាក់សមត្ថកិច្ចបានហៅរថយន្តសាមុយដឹកបញ្ជូនទៅសង្គ្រោះបន្ទាន់ នៅ មន្ទីរពេទ្យខេត្ត។ចំណែករថយន្តនិងម៉ូតូសមត្ថកិច្ចបានយករថយន្តស្ទូចយកទៅរក្សាទុកនៅធិការនគបាលស្រុកស្វាយទាបដើម្បីដោះស្រាយតាមនីតិវិធីច្បាប់។
សមត្ថកិច្ចជំនាញបានបញ្ជាក់ថា មូលហេតុគឺបណ្ដាលមកពីរថយន្តម៉ាកហ៊ីយ៉ាន់ដាយវ៉ាជែងក្នុងស្ថានភាព គ្រោះថ្នាក់ ។
ចែករំលែកព័តមាននេះ