តើអ្នកមានទម្លាប់ធ្វើអ្វីបន្ទាប់ពីរួមភេទរួច? តើអ្នកគេងឱបគ្នា ឬ​ គេងលក់រៀងៗខ្លួន? យើងផ្តោតច្រើនលើអ្វីដែលយើងធ្វើក្នុងអំឡុងការរួមភេទ ប៉ុន្តែមិនបានផ្តោតលើអ្វីដែលធ្វើក្រោយពីរួមភេទហើយនោះទេ។ ដើម្បីបានសុខភាពផ្លូវភេទល្អ អ្នកត្រូវតែយកចិត្តទុកដាក់លើអ្វីដែលអ្នកត្រូវធ្វើបន្ទាប់ពីរួមភេទរួច។ ថ្ងៃនេះ អ្នកនឹងស្គាល់ពីទម្លាប់៣យ៉ាង ដែលអ្នកត្រូវធ្វើក្រោយពីរួមភេទរួច ដើម្បីឱ្យមានសុខភាពផ្លូវភេទល្អ។

១. បត់ជើងតូចនៅពេលអ្នករួមភេទរួច

ការ​នោម​ក្រោយ​រួម​ភេទ​អាច​ការពារ​ស្ត្រី​ពី​ការ​កើត​ជំងឺ​រលាក​ផ្លូវ​នោម (UTI)។ យោងតាមអ្នកជំនាញខាងប្រព័ន្ធទឹកនោមនៅទីក្រុងញូវយ៉ក លោកវេជ្ជបណ្ឌិត David Kaufman នៅពេលដែលស្ត្រីនោមក្រោយពេលរួមភេទ ពួកគេនឹងបញ្ចេញបាក់តេរីដែលអាចចូលទៅក្នុងទ្វារមាសរបស់ពួកគេទៅខាងក្រៅ។

២. លាងសម្អាតទ្វារមាស

ពេល​ជូត​ទ្វារមាស​របស់​អ្នក (ជាពិសេស​ក្រោយ​ពេល​រួម​ភេទ) ចូរ​ចៀសវាង​ការប្រើ​សាប៊ូ​ក្រអូប និង​ការ​លាង​ទ្វារមាស​ខ្លាំងៗ។ ជំនួសមកវិញ ប្រើទឹកក្តៅឧណ្ហៗ និងសាប៊ូគ្មានក្លិនក្រអូប ដើម្បីលាងសម្អាតទ្វារមាសរបស់អ្នកថ្នមៗ។ នៅពេលអ្នកប្រើសាប៊ូដែលមានក្លិនក្រអូប អ្នកនឹងប្រថុយនឹងធ្វើឱ្យប៉ះពាល់ដល់ការរលាកទ្វារមាស។

៣. សង្កេតមើលស្ថានភាពស្រោមអនាម័យ

អ្នកជាមនុស្សចេះគិតគូបានច្បាស់លាស់ពីសុវត្ថិភាព តែតើអ្នកបានមើលគ្រប់ជ្រុងជ្រោយដែរឬទេ? ចូរចំណាយពេលខ្លះក្រោយរួមភេទ ដើម្បីសង្កេតមើលស្ថានភាពរបស់ស្រោមអនាម័យដែលអ្នកពាក់ហើយ។ នៅពេលដែលអ្នកស្ថិតនៅក្នុងពេលនេះ វាអាចពិបាកក្នុងការពិនិត្យមើលថាតើស្រោមអនាម័យបានបែកឬអត់។ ប្រសិនបើវាបែក ឱកាសនៃការឆ្លងជំងឺកាមរោគ (STD) កើនឡើង រួមជាមួយនឹងលទ្ធភាពខ្ពស់នៃការមានផ្ទៃពោះ៕